საქართველოს ადგილობრივი ექსპორტი, რაც ექსპორტს რეექსპორტის გარეშე გულისხმობს, მიმდინარე წლის იანვარ-მაისში 22.9%-ით შემცირდა და 1 მილიარდ 232 მილიონი დოლარს გაუტოლდა.
სტატისტიკის ეროვნული სამსახურის მიერ დღეს გამოქვეყნებული ადგილობრივი ექსპორტის მონაცემებით, 2023 წლის იანვარ-მაისში საქართველოდან განხორციელებული საქონლის ექსპორტის მოცულობა იანვარ-მაისში 18.6%-ით გაიზარდა და 2 მილიარდ 503 მილიონი დოლარი შეადგინა. ადგილობრივი ექსპორტი მთლიანი ექსპორტის 49.2%-ს შეადგენდა და წინა წლის შესაბამის პერიოდთან შედარებით შემცირდა.
საქსტატის მონაცემებით, 2023 წლის იანვარ-მაისში 10 უმსხვილესი ქვეყნის წილმა საქართველოს მთლიან ადგილობრივ ექსპორტში 76.9% შეადგინა. ამ მხრივ, უმსხვილესი საექსპორტო პარტნიორები რუსეთი (219.3 მლნ დოლარი), ჩინეთი (176.2 მლნ დოლარი) და თურქეთი (152.6 მლნ. აშშ დოლარი) არიან. ამასთან, ადგილობრივი ექსპორტის TOP-3 პარტნიორი ქვეყნიდან ექსპორტი მხოლოდ რუსეთთან არის გაზრდილი, ხოლო ჩინეთთან და თურქეთთან შემცირებულია.
რაც შეეხება, იმას, თუ რომელ ადგილობრივი წარმოების საქონელი შედის რეალიზებული საქონლის TOP-10-ეულში, საქონლის რეიტინგი ასეთია:
1. სპილენძის მადნები და კონცენტრატები – 310.6 მლნ დოლარი, კლება – 33.3%; 2. ყურძნის ნატურალური ღვინოები – 103.2 მლნ დოლარი, ზრდა – 29.8%; 3. ფეროშენადნობები – 86.5 მლნ დოლარი, კლება – 69.1%; 4. აზოტოვანი სასუქები – 85.5 მლნ დოლარი, კლება – 44%; 5. მინერალური და მტკნარი წყლები – 52 მლნ დოლარი, ზრდა – 26.7%; 6. მინერალურ და მტკნარი წყლები შაქრის დანამატებით დაგაზიანებული – 45.7 მლნ დოლარი, ზრდა – 96.8%; 7. დაუმუშავებელი ან ნახევრად დამუშავებული ოქრო – 38.2 მლნ დოლარი, ზრდა – 8.9%; 8. სპირტიანი სასმელები – 37.5 მლნ დოლარი, ზრდა – 42.8%; 9. თხილი და სხვა კაკალი – 33.1 მლნ დოლარი, კლება – 3.1%; 10. ტრიკოტაჟის ნაწარმი – 31.1 მლნ დოლარი, კლება – 10.4%.
სხვა დანარჩენი ადგილობრივი საქონლის ექსპორტი ჯამურად 3.7%-ითაა შემცირებული.
UNICEF-ი აქვეყნებს კვლევას საქართველოს ახალგაზრდების უნარებისა და კომპეტენციების შესახებ. საფრანგეთის მთავრობის მხარდაჭერით და სახელმწიფო და კერძო უნივერსიტეტების ბავშვთა უფლებების ცენტრებთან პარტნიორობით,…
ტურისტული კომპანია Travel To Georgia-ს დირექტორის ლაშა ბერეკაშვილის თქმით, ისრაელ-ირანს შორის დასრულებული საომარი მოქმედებების შემდეგ იმერეთში ტურისტების რაოდენობა ახლო აღმოსავლეთის ქვეყნებიდან…
მარაბდა-კარწახის რკინიგზამ 2024 წელს 167 მილიონი ლარით იზარალა, ამის შესახებ კომპანიის ფინანსური ანგარიშგებიდან ხდება ცნობილი. ეს 2023 წელს დაფიქსირებულ 29-მილიონიან ზარალზე…