მარტში ფულადი გზავნილები 36%-ით შემცირდა – ქვეყნები, საიდანაც ყველაზე მეტი თანხა გადმორიცხეს

საქართველოს ეროვნული ბანკის მონაცემებით, 2024 წლის მარტში ქვეყანაში შემოსული ფულადი გზავნილების ნაკადების მოცულობამ 278.5 მლნ აშშ დოლარი (746.8 მლნ ლარი) შეადგინა, რაც 36.5%-ით (160.0 მლნ აშშ დოლარით) ნაკლებია 2023 წლის მარტის ანალოგიურ მაჩვენებელზე.

ეროვნული ბანკის სტატისტიკით, გზავნილების შემცირება განპირობებულია მიგრაციული ეფექტის შემცირებით, რადგანაც რუსეთიდან ფულადი გზავნილები 167 მილიონი დოლარით, ანუ 76%-ით შემცირდა. სხვა ქვეყნებში კი საიდანაც გზავნილებს საქართველოდან სამუშაოდ წასული უცხოელები აგზავნიან, ფულადი ნაკადები გაიზარდა. მათ შორის იტალიიდან ზრდა 8%-ია, აშშ-დან 24%; ისრაელიდან კი 13%. ამასთან, შესამჩნევია გზავნილების სტატისტიკაში ისრაელის დაწინაურება, რომელმაც მარტში საბერძნეთს გადაუსწრო.