მარტში წლიურმა ინფლაციამ 0.5% შეადგინა

მარტში წლიურმა ინფლაციამ 0.5% შეადგინა

საქსტატმა 2024 წლის მარტის თვის ინფლაციის ანგარიში გამოაქვეყნა. მისი მიხედვით, მარტში საქართველოში ფასების საერთო დონე წინა წელთან შედარებით 0.5%-ით გაიზარდა. საქსტატის ინფორმაციით, ყველაზე მსხვილ სამომხმარებლო ჯგუფში – სურსათსა და უალკოჰოლო სასმელებში ფასები ზრდის ნაცვლად 3.4%-ით არის შემცირებული, რაც მთელი რიგი დასახელების პროდუქტების გაიაფებით არის განპირობებული.

სანაცვლოდ კი გაზრდილია ფასები ტრანსპორტის ჯგუფში, რაც წინა წელთან შედარებით საწვავის გაძვირებულ ფასს უკავშირდება. ასევე გაზრდილია ალკოჰოლური სასმელებისა და თამბაქოს ღირებულებაც.

სურსათი და უალკოჰოლო სასმელები: ჯგუფში ფასები შემცირდა 3.4 პროცენტით, რაც წლიურ ინფლაციაზე -1.17 პროცენტული პუნქტით აისახა. ფასების კლება დაფიქსირდა შემდეგ ქვეჯგუფებზე: ზეთი და ცხიმი (-19.4 პროცენტი), ბოსტნეული და ბაღჩეული (-15.3 პროცენტი), პური და პურპროდუქტები (-8.9 პროცენტი), რძე, ყველი და კვერცხი (-3.9 პროცენტი). ამასთან, ფასები გაზრდილია ქვეჯგუფებზე: ხილი და ყურძენი (25.7 პროცენტი), მინერალური და წყაროს წყალი, უალკოჰოლო სასმელები და ნატურალური წვენები (5.1 პროცენტი), ხორცი და ხორცის პროდუქტები (2.8 პროცენტი), ყავა, ჩაი და კაკაო (2.1 პროცენტი) და თევზეული (1.3 პროცენტი).

ტრანსპორტის ჯგუფში ფასები გაიზარდა 8.1 პროცენტით, რაც 0.98 პროცენტული პუნქტით აისახა მთლიან ინდექსზე. ფასები მომატებულია პირადი სატრანსპორტო საშუალებების ექსპლუატაციაზე (11.0 პროცენტი), სატრანსპორტო საშუალებების შეძენაზე (5.8 პროცენტი) და სატრანსპორტო მომსახურებაზე (1.9 პროცენტი).

სხვადასხვა საქონელი და მომსახურება: ჯგუფში ფასები გაზრდილია 10.2 პროცენტით, რაც წლიურ ინდექსზე 0.54 პროცენტული პუნქტით აისახა. ფასების მატება დაფიქსირდა ქვეჯგუფებზე: საფინანსო მომსახურება (26.6 პროცენტი), პირადი ნივთები, სხვა კატეგორიებში ჩაურთველი (10.6 პროცენტი), დაზღვევა (3.9 პროცენტი) და პირადი ჰიგიენა (3.2 პროცენტი);

ალკოჰოლური სასმელები, თამბაქო: ჯგუფში ფასები გაიზარდა 4.5 პროცენტით, რაც წლიურ ინფლაციაზე 0.31 პროცენტული პუნქტით აისახა. ფასები გაიზარდა როგორც ალკოჰოლურ სასმელებზე (5.7 პროცენტი), ისე თამბაქოს ნაწარმზე (3.1 პროცენტი);

მსგავსი სიახლეები

ლაშა ხუციშვილი და ნათია თურნავა IMF-ის დირექტორის მოადგილეს შეხვდნენ

ლაშა ხუციშვილი და ნათია თურნავა IMF-ის დირექტორის მოადგილეს შეხვდნენ

ფინანსთა მინისტრმა ლაშა ხუციშვილმა და ეროვნული ბანკის პრეზიდენტის მოვალეობის შემსრულებელმა ნათია თურნავამ IMF-ის მმართველი დირექტორის მოადგილესთან, ბო ლისთან გამართეს შეხვედრა. მხარეთა…
ევროპის ცენტრალური ბანკი განაკვეთს მალე შეამცირებს – ლაგარდი

ევროპის ცენტრალური ბანკი განაკვეთს მალე შეამცირებს – ლაგარდი

ევროპის ცენტრალური ბანკის ხელმძღვანელის, კრისტინ ლაგარდის განცხადებით, უწყება რეფინანსირების განაკვეთს უახლოეს მომავალში შეამცირებს. მართალია, ბანკირს ზუსტი თარიღი არ დაუსახელებია, თუმცა ექსპერტები…
თბილისის ენერგომოხმარება იზრდება – “თელასი” ანგარიშს აქვეყნებს

თბილისის ენერგომოხმარება იზრდება – “თელასი” ანგარიშს აქვეყნებს

კომპანია „თელასმა“ 2024 წლის პირველი კვარტალის ოპერაციული მაჩვენებლები გამოაქვეყნა. ანგარიშის მიხედვით, თბილისის აბონენტების მიერ მოხმარებული ელექტროენერგია წლიურად 5.5%-ით არის გაზრდილი. ასევე…