„მიმდინარეობს წისქვილების აქტიური მუშაობის აღდგენა“ – რა ფასად იბარებენ კომბინატები ქართულ ხორბალს?

„მიმდინარეობს წისქვილების აქტიური მუშაობის აღდგენა“ – რა ფასად იბარებენ კომბინატები ქართულ ხორბალს?

ფქვილის მწარმოებელთა ასოციაციის ინფორმაციით, 12 ივნისიდან საქართველოში იმპორტირებულ ფქვილთან მიმართებით დროებითი მოსაკრებლის დაწესების შემდეგ, ადგილობრივმა წისქვილკომბინატებმა ამოქმედება და ქართული ხორბლის ჩაბარება დაიწყეს.

საქართველოში ხორბლისა და ფქვილის ბაზარზე ბოლო პერიოდში მიმდინარე ტენდენციების და შემდგომი განვითარების შესახებ ფქვილის მწარმოებელთა ასოციაცია განცხადებას ავრცელებს.

საქმე ის არის, რომ მარცვლეულის ადგილობრივი მწარმოებლებისა და ფქვილის მწარმოებელთა მრავალთვიანი მოთხოვნის შემდეგ, საქართველოს მთავრობამ რუსული ხორბლის საიმპორტო გადასახადის საპირწონედ რუსეთიდან ფქვილის იმპორტზე დროებითი 5-თვიანი გადასახადი დააწესა, რომლის მიზანია ხორბლისა და ფქვილის აქამდე არსებული არათანაბარი საიმპორტო პირობების გათანაბრება. ამასთან, საქართველოს ხორბლისა და ფქვილის მწარმოებელთა ასოციაციამ წისქვილკომბინატების ინდუსტრიის სახელით ორი ვალდებულება აიღო – ადგილობრივი ბაზრისთვის პირველი ხარისხის ფქვილის ზღვრულ ფასად მიწოდების ვალდებულება, რაც პურის ფასის შენარჩუნებას უზრუნველყოფდა და ქართველი ფერმერებისაგან ხორბლის ხარისხობრივი მაჩვენებლებიდან როგორც ძველი, ასევე ახალი მოსავლის სასურსათო ხორბლის მაქსიმალური რაოდენობის შესყიდვის ვალდებულება.

ფქვილის მწარმოებელთა ასოციაციაში აცხადებენ, რომ დღეისთვის ორივე ვალდებულების, როგორც ბაზარზე პირველი ხარისხის ფქვილის ზღვრული ფასის უზრუნველყოფა, ასევე ქართული ხორბლის მოსავლის მიღება წისქვილკომბინატების მიერ აღებული ვალდებულებების შესაბამისად ხორციელდება.

„მიმდინარეობს წისქვილკომბინატების მუშა პროცესების აღდგენა და ახლო მომავალში ველოდებით წისქვილკომბინატების მიერ ხორბლის გადამუშავების ზრდას და შემდგომ სრული სიმძლავრეებით ამუშავებას, რაც თავის მხრივ ეტაპობრივად უზრუნველყოფს ქართული მოსავლის სასურსათო ხორბლის მიღების რაოდენობრივ გაზრდას. გვინდა აღვნიშნოთ, რომ როგორც ძველი, ასევე ახალი მოსავლის შესყიდვას საქართველოს ყველა რეგიონის როგორც ასოციაციის წევრი, ასევე არაწევრი წისქვილკომბინატები და ელევატორები ახორციელებენ ყველა კომპანიისა თუ ფერმერისაგან, განურჩევლად იმისა, არის თუ არა იგი რომელიმე გაერთიანების ან ასოციაციის წევრი, თუ ხორბალს ინდივიდუალურად აბარებს.

წისქვილკომბინატების მიერ ხორბლის შესყიდვის ერთადერთ პირობას წარმოადგენს ხორბლის ხარისხობრივი მაჩვენებლის შესაბამისობა სასურსათო ხორბლის პარამეტრებთან (მე-3 კლასი).

რაც შეეხება ქართული ხორბლის შესასყიდ ფასს, ის ცვალებადია და ისტორიულად ფორმირდება და სწორდება იმპორტირებული ხორბლის შესაბამისი სასურსათო ხორბლის ხარისხებიდან გამომდინარე (საბაზისოდ ითვლება მე 3 კლასის ხორბლის პარამეტრები). დღეის მდგომარეობით აღნიშნული ფასი 650 ლარია /ტონის ფარგლებში მერყეობს.

საქართველოს წისქვილკომბინატები კიდევ ერთხელ ადასტურებენ მათ მიერ აღებულ ორივე ვალდებულების უპირობო შესრულებას – ქვეყანაში პირველი ხარისხის ფქვილის ზღვრული ფასით პურის ფასის შენარჩუნების, ასევე სასურსათო ხარისხის ქართული ხორბლის შეუფერხებელ რეალიზებას მთელი წლის განმავლობაში“, – ნათქვამია ფქვილის მწარმოებელთა ასოციაციაში.

მსგავსი სიახლეები

ფოთი-კონსტანცას ხაზზე ახალი ბორანი სექტემბრიდან დაემატება

ფოთი-კონსტანცას ხაზზე ახალი ბორანი სექტემბრიდან დაემატება

ქართული კომპანია E60 Shipping Line-ი ფოთი-კონსტანცას ხაზზე საბორნე მიმოსვლას სექტემბრიდან აფართოებს. როგორც კომპანიის დირექტორმა, შალვა წაქაძემ bm.ge-სთან განაცხადა, გაფართოების გადაწყვეტილება გადაზიდვებზე…
ჩინეთი საქართველოს მესამე უმსხვილესი სავაჭრო პარტნიორია – რით ვვაჭრობთ სტრატეგიულ პარტნიორთან?

ჩინეთი საქართველოს მესამე უმსხვილესი სავაჭრო პარტნიორია – რით ვვაჭრობთ…

2024 წლის იანვარ-მაისის წინასწარი მონაცემებით, ჩინეთი, 691.6 მილიონ დოლარიანი ბრუნვით, საქართველოს მესამე უმსხვილესი სავაჭრო პარტნიორია. საქსტატის მონაცემებით, წლის პირველ ხუთ თვეში ჩინეთზე საქართველოს მთლიანი…
ყალბი ფულის გასაღებისთვის ერთი პირი დააკავეს

ყალბი ფულის გასაღებისთვის ერთი პირი დააკავეს

საქართველოს ფინანსთა სამინისტროს საგამოძიებო სამსახურის თანამშრომლების მიერ, გატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, ყალბი ფულის გასაღების ფაქტზე, დაკავებულ იქნა ერთი…