მნიშვნელოვანია, საქართველოში რეგისტრირებულ უფრო მეტ სატრანსპორტო კომპანიას ჰქონდეს EU-ში ტვირთის გადაზიდვის შესაძლებლობა – გურამიშვილი

მნიშვნელოვანია, საქართველოში რეგისტრირებულ უფრო მეტ სატრანსპორტო კომპანიას ჰქონდეს EU-ში ტვირთის გადაზიდვის შესაძლებლობა – გურამიშვილი

მნიშვნელოვანია, საქართველოში რეგისტრირებულ უფრო მეტ სატრანსპორტო კომპანიას ჰქონდეს ევროკავშირის ტერიტორიაზე ტვირთის გადაზიდვის შესაძლებლობა – ამის შესახებ ეკონომიკის მინისტრის მოადგილე გურამ გურამიშვილმა ტრანსპორტის საერთაშორისო ფორუმის (ITF) მინისტერიალში მონაწილეობისას განაცხადა, რომელიც გერმანიის ქალაქ ლაიფციგში გაიმართა.

სამინისტროს მიერ გავრცელებული პრესრელიზით, მინისტერიალზე სიტყვით გამოსვლისას მინისტრის მოადგილემ განსაკუთრებული აქცენტი გააკეთა ევროკავშირთან ტრანსპორტის სფეროში თანამშრომლობის გაღრმავების მნიშვნელობაზე.

მინისტერიალში 60-ზე მეტი ქვეყნის 1100 – ზე მეტი წარმომადგენელი მონაწილეობს. წლევანდელი სამიტის ძირითადი თემაა: „მწვანე ტრანსპორტი, კრიზისის დროს ფოკუსის შენარჩუნება“.

მინისტრის მოადგილემ მინისტერიალის მონაწილეებს გაუზიარა საქართველოს პოზიცია ECMT (ტრანსპორტის მინისტრთა ევროპის კონფერენციის) მრავალმხრივი კვოტების გეოგრაფიული გაფართოების შესახებ, რაც გადამწყვეტი ნაბიჯია გლობალური თანამშრომლობის გაღრმავების, ეკონომიკური ზრდის ხელშეწყობისა და ტრანსპორტის სექტორში ინოვაციების ხელშეწყობისთვის. მისი თქმით, მნიშვნელოვანია, რომ საქართველოში რეგისტრირებულ უფრო მეტ სატრანსპორტო კომპანიას ჰქონდეს ევროკავშირის ტერიტორიაზე ტვირთის გადაზიდვის შესაძლებლობა.

ITF – ის მინისტერიალის ფარგლებში, მინისტრის მოადგილემ ორმხრივი შეხვედრები გამართა როგორც სამთავრობო, ასევე სატრანსპორტო-ლოგისტიკური ბიზნესის წარმომადგენლებთან.

მსგავსი სიახლეები

ეროვნული ბანკის ევრო 2024-ის მონეტა ოქროს და ვერცხლის იქნება

ეროვნული ბანკის ევრო 2024-ის მონეტა ოქროს და ვერცხლის იქნება

ფეხბურთში ეროვნული ნაკრების ისტორიული გამარჯვებისა და ევროპის 2024 წლის ჩემპიონატზე თამაშის აღსანიშნავად, საქართველოს ეროვნული ბანკი 5 ლარის ნომინალის საკოლექციო დანიშნულების ოქროსა…
რუსეთის თავდასხმებით უკრაინის ენერგეტიკამ $56 მილიარდის ზარალი მიიღო

რუსეთის თავდასხმებით უკრაინის ენერგეტიკამ $56 მილიარდის ზარალი მიიღო

ბოლო პერიოდის განმავლობაში რუსული სამხედრო ძალების სამიზნე უკრაინის ენერგეტიკული და საკომუნიკაციო ინფრასტრუქტურაა. ამ ეტაპზე, მოსახლეობის მნიშვნელოვან ნაწილს შეზღუდული აქვს ელექტროენერგიის, გაზისა…
დაზღვევა საბანკო სექტორის დანამატი ხდება, გამოსავალი აქტივების ფლობის აკრძალვაა – არჩილ მორჩილაძე

დაზღვევა საბანკო სექტორის დანამატი ხდება, გამოსავალი აქტივების ფლობის აკრძალვაა…

სადაზღვევო კომპანიების ნაწილი კომერციული ბანკებისთვის სადაზღვევო სფეროში აქტივების ფლობის შეზღუდვის ინიციატივის გააქტიურებას გეგმავს. როგორც „საქართველოს სადაზღვევო ჯგუფის“ დამფუძნებელმა BMG-ის განუცხადა, კონკურენციის…