რა გაძვირდა/გაიაფდა ყველაზე მეტად? – სტატისტიკა

საქსტატმა 2023 წლის აპრილის წლიური ინფლაციის ანგარიში გამოაქვეყნა. დოკუმენტის თანახმად, გასული თვის განმავლობაში ქვეყანაში ფასების საერთო დონე წინა წლის ანალოგიურ პერიოდთან შედარებით 2.7%-ით გაიზარდა, ასეთი დაბალი ინფლაციის მაჩვენებელი ქვეყანაში ბოლოს 2021 წლის იანვარში იყო.

საქსტატი ინფლაცის ანუ სამომხმარებლო ფასების ცვლილებას, 300-ზე მეტი საქონლის ფასების შესწავლით ადგენს. ამაში შედის სურსათის; ტრანსპორტის თუ სხვა დასახელებების საქონლის და მომსახურების ფასები.

დოკუმენტის თანახმად, ყველაზე მეტად წინა წელთან შედარებით ნოტარიუსის მომსახურება გაძვირდა, სადაც ფასის მატება 96%-ია. მეორე ადგილზეა 92%-ით ხახვის ფასი, მესამეზე კი 49%-ით სარეცხი საპონის ფასის მატება.

ყველაზე მეტად გაძვირებული საქონლის ჩამონათვალი:

1. სანოტარო გადასახდელი – 96%
2. ხახვი – 92%
3. სარეცხი საპონი – 49%
4. ასლის გადაღება – 48%
5. მშრალი ბატარეა – 43%
6. დასწრება სპექტაკლზე – 35%
7. სიმინდის ფქვილი – 35%
8. კარტოფილი – 34%
9. მწვანე ლობიო – 33%
10. მეტროპოლიტენით მგზავრობა – 31%.

ყველაზე მეტად გაიაფებული საქონლის ჩამონათვალი:

1. კომბოსტო – 50%
2. ბენზინი – 37%
3. ანტიბიოტიკები – 35%
4. ქლიავი – 34%
5. მზესუმზირის ზეთი – 30%
6. ბადრიჯანი – 30%
7. ნიორი – 26%
8. სისხლძარღვთა გამაფართოებელი მედიკამენტები – 26%
9. საჭმლის მომნელებელი სისტემის პრეპარატები – 26%
10. წიწიბურა – 25%.