რა პირობებით გაუნულდებათ სტატუსშეჩერებულ სტუდენტებს დავალიანებები? – მინისტრის განმარტება

რა პირობებით გაუნულდებათ სტატუსშეჩერებულ სტუდენტებს დავალიანებები? – მინისტრის განმარტება

“30 000-ზე მეტ სტუდენტს დავალიანება სრულად გაუნულდებათ, სტუდენტებს არც ერთი თეთრის გადახდა არ მოუწევთ”, – ამის შესახებ დღეს განათლებისა და მეცნიერების მინისტრმა, გიორგი ამილახვარმა განაცხადა და სტატუსშეჩერებული სტუდენტებისთვის დავალიანების განულების წესები განმარტა.

“ორშაბათიდანვე კომუნიკაცია დავიწყეთ როგორც სახელმწიფო, ისე კერძო უნივერსიტეტებთან, სტატუსშეჩერებული სტუდენტების დავალიანების განულების თაობაზე. შეხვედრებზე უკლებლივ ყველა უნივერსიტეტის რექტორი დარჩა კმაყოფილი, მათ ხელი მოაწერეს მემორანდუმს, რომლის შედეგადაც, 30 000-ზე მეტ სტუდენტს დავალიანება სრულად გაუნულდებათ”, – ამბობს ამილახვარი.

განათლების მინისტრმა კერძო უნივერსიტეტების დაფინანსების წესიც ახსნა და განმარტა, რომ მათაც, ისევე როგორც საჯარო უნივერსიტეტებს, სტუდენტების დავალიანება ‘ობიექტური საბაზრო ღირებულების”, ანუ 2 250 ლარის, 20% აუნაზღაურდებათ.

“ამ ისტორიული გადაწყვეტილების ფარგლებში, კერძო უნივერსიტეტებს შევთავაზეთ არსებული დავალიანების ობიექტური საბაზრო ღირებულების ანაზღაურება, რასაც დასთანხმდა ყველა კერძო უნივერსიტეტი, თავისუფალი და აგრარული უნივერსიტეტების გარდა. როგორც ჩანს, ამ უნივერსიტეტებს სხვა მოტივაცია აქვთ.

ჩვენი ბაზის თანახმად, თავისუფალ და აგრარულ უნივერსიტეტებს, მოცემულ მომენტში, ფინანსური დავალიანების გამო 1000-მდე სტატუსშეჩერებული სტუდენტი ჰყავთ, რომლებსაც, ამ ეტაპზე დავალიანება ვერ გაუნულდებათ, რადგან, მიუხედავად ჩვენ მიერ შეთავაზებული სამართლიანი პირობებისა, მათ თანამშრომლობის სურვილი არ გამოთქვეს”, – აცხადებს გიორგი ამილახვარი.

მინისტრის განმარტებით, დავალიანება გაუნულდებათ: საქართველოს მოქალაქე ყველა სტუდენტს, ვისაც 2023 წლის 1 აგვისტოს მონაცემებით, ფინანსური დავალიანების გამო აქვთ სტატუსი შეჩერებული; სტუდენტებს, ვისი სტატუსის შეჩერებიდან არ არის გასული 5 წელი; ნებისმიერი საფეხურის – საბაკალავრო, სამაგისტრო და სადოქტორო – სტუდენტებს.

გასულ კვირას ცნობილი გახდა, რომ ირაკლი ღარიბაშვილის დავალებით, უკლებლივ ყველა სტატუსშეჩერებულ სტუდენტს დავალიანება გაუნულდება. საუბარია ჯამში 40 მლნ ლარის დავალიანებაზე.

მსგავსი სიახლეები

ილია და დღევანდელობა

ილია და დღევანდელობა

ეკონომიკურ მეცნიერებათა დოქტორი, პროფესორი. ივ.ჯავახიშვილის სახ. თსუ-ს პ.გუგუშვილის სახ. ეკონომიკის ინსტიტუტის მთავარი მეცნიერმუშაკი. ილია ჭავჭავაძე, საქართველოს ისტორიის მეორე სვეტად წოდებული „ქართული…
2024 წლის I კვარტალში უმუშევრობის დონე შემცირდა

2024 წლის I კვარტალში უმუშევრობის დონე შემცირდა

2024 წლის I კვარტალში საქართველოში უმუშევრობის დონე წინა წლის შესაბამის პერიოდთან შედარებით 4.0 პროცენტული პუნქტით შემცირდა და 14% შეადგინა. სტატისტიკის ეროვნული…
საპენსიო სააგენტოს აქტივებმა 5 მილიარდს გადააჭარბა

საპენსიო სააგენტოს აქტივებმა 5 მილიარდს გადააჭარბა

საქართველოს საპენსიო სააგენტოს ატქივებმა დღეს 5 მილიარდ ლარს გადააჭარბა. ეს თანხა წარმოადგენს 1.3 მილიონი ადამიანის საპენსიო დანაზოგს, რაც ერთ მონაწილეზე საშუალოდ…