რუსეთის მიერ მარცვლეულის შეთანხმების დატოვების შემდეგ, ხორბლის ფასი გაიზარდა

რუსეთის მიერ მარცვლეულის შეთანხმების დატოვების შემდეგ, ხორბლის ფასი გაიზარდა

რუსეთის მიერ მარცვლეულის ექსპორტის შეთანხმებიდან გასვლის შემდეგ მსოფლიო ბაზარზე ხორბლის ფასი გაიზარდა. ერთი ბუშელის ფასი 5%-ით 8.72 დოლარამდე გაიზარდა. წლიურ ჭრილში ზრდა 9%-ს შეადგენს.

უკრაინამ და რუსეთმა 22 ივლისს სტამბოლში გააფორმეს შეთანხმება თურქეთთან და გაეროსთან, უკრაინის სამი პორტიდან [ოდესის, ჩერნომორსკისა და იუჟნის] მარცვლეულის ექსპორტზე. ეს პორტები ბლოკირებული იყო მას შემდეგ, რაც თებერვლის ბოლოს რუსეთი უკრაინაში შეიჭრა.

29 ოქტომბერს რუსეთის თავდაცვის სამინისტრომ განაცხადა, რომ უკრაინამ უპილოტო საფრენი აპარატების გამოყენებით სევასტოპოლში მყოფ რუსულ სამხედრო და სამოქალაქო გემებზე შეტევა განახორციელა, რის გამოც შეთანხმებას ტოვებს. მანამდე გაეროში რუსეთის ელჩი დაიმუქრა შეთანხმების დატოვებით.

Reuters წერს, რომ შეთანხმების ფარგლებში ივლისიდან დღემდე ჯამში 9.5 მლნ ტონა მარცვლეულია ექსპორტირებული. თურქეთის, გაეროს, უკრაინისა და რუსეთის ჩართულობით ერთობლივი საკოორდინაციო ცენტრიც იყო შექმნილი, რომელიც პორტებიდან გასულ გემებს უწევდა ინსპექტირებას.

მსგავსი სიახლეები

მთავრობა მართვის მოწმობისა და იარაღის ლიცენზიის გაცემისთვის ნარკომანიის, ფსიქ. აშლილობის და ალკოჰოლიზმის ბაზას ქმნის

მთავრობა მართვის მოწმობისა და იარაღის ლიცენზიის გაცემისთვის ნარკომანიის, ფსიქ.…

საქართველოს მთავრობა ქვეყანაში მართვის მოწმობებისა და იარაღის ლიცენზიის გაცემისთვის ფსიქიკური ჯანმრთელობის, ალკოჰოლიზმის, ნარკომანიის და ტოქსიკომანიის მქონე პირების ერთიანი ბაზის შექმნას გეგმავს.…
ComCom ფიქსირებული ინტერნეტის კორპორაციულ შეთავაზებებს შეისწავლის – რას მოიცავს კვლევის II ეტაპი?

ComCom ფიქსირებული ინტერნეტის კორპორაციულ შეთავაზებებს შეისწავლის – რას მოიცავს…

კომუნიკაციების კომისიამ (ComCom), ევროკავშირის ექსპერტებთან ერთად, საქართველოს სატელეკომუნიკაციო ბაზრის კომპლექსური კვლევის მეორე ეტაპი დაიწყო. კომისიის ინფორმაციით, კვლევის ერთ-ერთი მთავარი მიმართულება ფიქსირებულ საცალო ბაზარზე,…
იანვარში ინფლაციური მოლოდინები გაიზარდა – ეროვნული ბანკი

იანვარში ინფლაციური მოლოდინები გაიზარდა – ეროვნული ბანკი

ეროვნული ბანკის ინფორმაციით, იანვარში ინფლაციური მოლოდინები გაიზარდა. ცენტრალურმა ბანკმა ინფლაციური მოლოდინებისა და ეკონომიკური აქტივობის შესახებ ეკონომიკური საქმიანობის მონაწილეთა გამოკითხვის იანვრის თვის…