რუსეთის ცენტრალური ბანკი საგადახდო ბარათების МИР-ის ალტერნატივის შექმნაზე მუშაობს

რუსეთის ცენტრალური ბანკი საგადახდო ბარათების МИР-ის ალტერნატივის შექმნაზე მუშაობს

რუსეთის ცენტრალური ბანკი МИР ბარათების ალტერნატივის შემუშავებას გეგმავს, რათა რუსეთის მოქალაქეებმა უცხოეთში გადახდები შეძლონ. ამის შესახებ რუსეთის ცენტრალური ბანკის პრეზიდენტმა განაცხადა.

ელვირა ნაბიულინას თქმით, ინდივიდუალური სამუშაოები რამდენიმე ქვეყანასთან, მათ შორის, თურქეთთან მიმდინარეობს. რუსული მედიის ცნობით, ალტერნატივა, შესაძლოა, უცხოური წინასწარი გადახდის ან გადახდის სისტემის ბარათები იყოს.

„ჩვენ ავაშენებთ კარიბჭეების სისტემას ჩვენს გადახდის სისტემებს შორის, რათა უცხოეთში გადახდები შევძლოთ. ეს ყველა ქვეყანაში არ იმუშავებს, მაგრამ მუშაობას გავაგრძელებთ. აღნიშნული დამოკიდებულია არა მხოლოდ ჩვენზე, არამედ ჩვენს პარტნიორებზეც. ახლა აქტიურად ვმუშაობთ თურქეთთან. მიუხედავად ამისა, არ ვწყვეტთ დაჟინებულ მოთხოვნას, МИР ბარათი აღიარონ”, – განაცხადა რუსეთის ცენტრალური ბანკის ხელმძღვანელმა.

2022 წლის სექტემბერში МИР გადახდის სისტემის ბარათები ქვეყნების ნაწილში აკრძალეს, მათ შორის, თურქეთში. ინფორმაცია, ქვეყნების შესახებ, სადაც МИР ბარათები ხელმისაწვდომი არ არის, რუსეთის ცენტრალური ბანკის გვერდზე მიუწვდომელია. რუსული მედიის ინფორმაციით, 2022 წლის სექტემბერში რუსული ბარათით გადახდები 9 სახელმწიფოსა და ორ ოკუპირებულ ტერიტორიაზე იყო შესაძლებელი: თურქეთში, ვიეტნამში, სამხრეთ კორეაში, სომხეთში, უზბეკეთში, ბელორუსში, ყაზახეთში, ყირგიზეთში, ტაჯიკეთში, ოკუპირებულ სამხრეთ ოსეთსა და აფხაზეთში.

მსგავსი სიახლეები

საქართველომ ევროპის ბიზნეს ანგელოზთა კონგრესის მასპინძლობისთვის განაცხადი შეიტანა

საქართველომ ევროპის ბიზნეს ანგელოზთა კონგრესის მასპინძლობისთვის განაცხადი შეიტანა

აქსელის, საქართველოს ბიზნეს ანგელოზთა ქსელის ინიციატივით, საქართველომ ევროპის ბიზნეს ანგელოზთა ქსელის (EBAN) კონგრესის მასპინძლობისათვის განაცხადი შეიტანა. ევროპის ბიზნეს ანგელოზთა კონგრესი არის ერთ-ერთი ყველაზე მნიშვნელოვანი საინვესტიციო კონფერენცია ევროპაში, რომელიც…
წელს კავკასიასა და ცენტრ. აზიაში ეკონომიკური ზრდა 3.9%-მდე შენელდება, 2025 წელს 4.8%-მდე დაჩქარდება – IMF

წელს კავკასიასა და ცენტრ. აზიაში ეკონომიკური ზრდა 3.9%-მდე შენელდება,…

საერთაშორისო სავალუტო ფონდმა 2024 წლისთვის ეკონომიკური ზრდის პროგნოზები განაახლა. ორგანიზაციის პროგნოზის მიხედვით, მიმდინარე წელს კავკასიისა და ცენტრალური აზიის რეგიონში ეკონომიკური ზრდა…
ჩინეთი-შუა დერეფანი-იტალია – ერთწლიანი პაუზის შემდეგ საკონტეინერო გადაზიდვები განახლდა

ჩინეთი-შუა დერეფანი-იტალია – ერთწლიანი პაუზის შემდეგ საკონტეინერო გადაზიდვები განახლდა

ჩინეთი-შუა დერეფანი-იტალია – ერთწლიანი პაუზის შემდეგ, “ტრანსკასპიური საერთაშორისო სატრანსპორტო მარშრუტით” საკონტეინერო გადაზიდვები განახლდა. გადაზიდვას სინცზიანიდან ნეაპოლამდე „ტრანსკასპიური საერთაშორისო სატრანსპორტო მარშრუტი“ და…