საქსტატმა 2024 წლის მარტის საგარეო ვაჭრობის პირველადი სტატისტიკა გამოაქვეყნა. დოკუმენტის თანახმად, მარტში საქართველოდან 522 მილიონი დოლარის ღირებულების საქონელი გავიდა ექსპორტზე, რაც წინა წლის ანალოგიურ პერიოდთან შედარებით 4%-ით, ანუ 24 მილიონი დოლარით ნაკლებია.
ექსპორტთან ერთად შემცირებულია იმპორტის მოცულობაც, რამაც მარტში 1.1 მილიარდი დოლარი შეადგინა. ეს წლიურ ჭრილში 234 მილიონი დოლარით, ანუ 17%-ით ნაკლებია.
მთლიანობაში იანვარ-მარტის განმავლობაში საქართველოს ექსპორტი 1.32 მილიარდი დოლარი იყო (კლება 9%), ხოლო იმპორტმა 3.37 მილიარდი დოლარი შეადგინა, რაც წლიურ ჭრილში 5%-ით არის შემცირებული.
საქსტატი საგარეო ვაჭრობის დეტალურ ანგარიშს 19 აპრილს გამოაქვეყნებს, შესაბამისად ამ დღეს გაირკვევა თუ რა საქონლის ექსპორტი და იმპორტი არის შემცირებული. წინასწარი მონაცემებით, კლება დაკავშირებულია სპილენძის მადნების ექსპორტ-იმპორტის კლებასთან, ასევე მსუბუქი ავტომობილებით ვაჭრობის შემცირებასთან, თუმცა ზუსტი მონაცემები 19 აპრილს გახდება ცნობილი.
ლენტეხის მუნიციპალიტეტში, მდინარე ცხენისწყალზე 22 მგვტ დადგმული სიმძლავრის ჰიდროელექტროსადგურის – “ცხენისწყალი 1 ჰესის” მშენებლობა მიმდინარე წელს დაიწყება. როგორც პროექტის განმახორციელებელი კომპანიის –…
თიბისი კაპიტალმა გაცვლითი კურსის ბიზნეს-ეკონომიკის სერიიდან პირველი პუბლიკაცია გამოაქვეყნა, რომელიც ძირითადად საცხოვრებელი უძრავი ქონების სექტორში პროექტების დაფინანსების ოპტიმალური სტრუქტურის გაანგარიშებას ეხება. სხვადასხვა ქვეყნის…
2024 წლის პირველ ნახევარში საქართველოში ჩინეთიდან ავტომობილების იმპორტი გაორმაგდა – აღნიშნულ პერიოდში საქართველოში სულ $22 მილიონი დოლარის ღირებულების ავტომობილების იმპორტი განხორციელდა,…