2023 წლის 6 თვეში საქართველოდან უცხოეთში $3 მილიარდის ღირებულების საქონლის ექსპორტი განხორციელდა, რაც წინა წელთან შედარებით 19%-ით მეტია. სტატისტიკის მიხედვით #1 ადგილს მსუბუქი ავტომობილების რეექსპორტი იკავებს, რამაც წლის პირველ ნახევარში 990 მილიონ დოლარს მიაღწია, შესაბამისად ვაჭრობის ერთი მესამედი სწორედ ავტომობილებზე მოდის.
წლიურ ჭრილში ამ საქონლის ექსპორტი 267%-ით არის გაზრდილი. $341 მილიონით მეორე ადგილზეა სპილენძის მადნები და კონცენტრატები, რომლის ექსპორტიც წლიურ ჭრილში 36%-ით არის შემცირებული. სანაცვლოდ კი გაზრდილია ღვინის, სპირტიანი სასმელების, მინერალური წყლებისა და სხვა დასახელებების საქონლის ექსპორტი.
საქართველოს საექსპორტო საქონლის ათეული 2023 წლის 6 თვის მდგომარეობით:
1) მსუბუქი ავტომობილების რეექსპორტი – 990.9 მილიონი დოლარი, მატება წინა წელთან 267%; 2) სპილენძის მადნები და კონცენტრატები – 341 მილიონი დოლარი, კლება წინა წელთან 36%; 3) ღვინოები – 126 მილიონი დოლარი, ზრდა წინა წელთან 26%; 4) ფეროშენადნობები – 110 მილიონი დოლარი, კლება წინა წელთან 64%; 5) აზოტოვანი სასუქები – 98 მილიონი დოლარი, კლება წინა წელთან 41%; 6) სპირტიანი სასმელები – 83.6 მილიონი დოლარი, ზრდა წინა წელთან 58%; 7) მინერალური და მტკნარი წყლები – 65.5 მილიონი დოლარი, ზრდა წინა წელთან 46% 8) გაზირებული შაქრიანი სასმელები – 58.6 მილიონი დოლარი, ზრდა წინა წელთან 79%; 9) თამბაქოს ნაწარმი – 53.5 მილიონი დოლარი, ზრდა წინა წელთან 170%; 10) ელექტროენერგია – 52 მილიონი დოლარი, კლება წინა წელთან 2.3%.
ანგარიშის თანახმად, საქართველოს მთავარი საექსპორტო ბაზარი არის სომხეთი, სადაც წლის პირველ ნახევარში 440 მილიონი დოლარის საქონელი გავიდა (ზრდა 122%); მეორე ადგილს აზერბაიჯანი იკავებს $413 მილიონი დოლარის ექსპორტით (ზრდა 44%), მესამე პოზიციაზე კი რუსეთია $344 მილიოონი დოლარის ექსპორტით, სადაც ზრდა 34%-ია.
რაც შეეხება ევროკავშირს, მასში ექსპორტი შემცირებულია, თუკი 2022 წლის პირველ ნახევარში საქართველოდან EU-ში 432 მილიონის ღირებულების საქონელი გავიდა, წელს ექსპორტმა $398 მილიონი დოლარი შეადგინა.
ენერგეტიკული ბირჟის გახსნის შემდეგ, საქართველოს ანალოგიური პლატფორმის ამოქმედება გაზის სექტორშიც მოუწევს. ეს იმ ვალდებულების ნაწილია, რომელიც საქართველომ ევროპის ენერგეტიკულ გაერთიანებაში გაწევრიანებით…
სახელმწიფო ტაბახმელაში ქონებას ელექტრონულ აუქციონზე 1 225 000 ლარად ყიდის. ქონების ეროვნულმა სააგენტომ სოფელ ტაბახმელაში 5 834 კვ.მ.-ის ფართობის არასასოფლო-სამეურნეო დანიშნულების…
2024 წლის სექტემბერში ქვეყანაში შემოსული ფულადი გზავნილების ნაკადების მოცულობამ 283.4 მლნ აშშ დოლარი შეადგინა, რაც 1.1%-ით (3.0 მლნ აშშ დოლარით) ნაკლებია…