საქართველოში ფრენის ნებართვა კიდევ ერთმა რუსულმა ავიაკომპანიამ მოითხოვა – მედია

საქართველოში ფრენის ნებართვა კიდევ ერთმა რუსულმა ავიაკომპანიამ მოითხოვა – მედია

რუსეთიდან საქართველოში პირდაპირი ფრენებით კიდევ ერთი რუსული ავიაკომპანია Ираэро ინტერესდება. ავიაკომპანიამ „როსავიაციაში“ მოსკოვიდან თბილისისა და ბათუმის მიმართულებით ფრენების შესრულებაზე განაცხადი შეიტანა. ამის შესახებ რუსული გამოცემა ავიაკომპანიის პრესსამსახურზე დაყრდნობით წერს.

პრესსამსახურში აცხადებენ, რომ „როსავიაციაში“ 19 მაისს სხდომა გაიმართება, სადაც ნებართვის გაცემის გადაწყვეტილებას მიიღებენ. რუსული მედია წერს, რომ მანამდე Ираэро-ს საქართველოს მიმართულებით არ დაფრინავდა.

რუსული გამოცემის ინფორმაციით, ავიაკომპანია Ираэро 1999 წლიდან ოპერირებს და რუსეთის ავიაკომპანიების TOP-20-ეულში შედის. ავიაკომპანია შიდა ფრენების გარდა აზერბაიჯანში, სომხეთში, ისრაელში, ყაზახეთში, ჩინეთში, თურქეთში და უზბეკეთში დაფრინავს. მის თვითმფრინავების პარკში კი Airbus A319-100, Sukhoi Superjet 100, Ан-24, Ан-26, Ан-26-100 და Bombardier CRJ-200 ER შედის.

შეგახსენებთ: რუსეთის ფედერაციის პრეზიდენტმა ვლადიმირ პუტინმა 10 მაისს ხელი მოაწერა 2019 წლის 21 ივნისს, საქართველოსთან დაწესებული ავიაემბარგოს გაუქმებას. აღნიშნული ემბარგო 20 ივნისს განვითარებული მოვლენების შემდეგ იყო დაწესებული, რის გამოც, რუსეთთან ავიამიმოსვლა მესამე ქვეყნების (ძირითადად სომხეთის) გავლით ხორციელდებოდა. ხელმოწერილი დოკუმენტის მიხედვით პირდაპირი ფრენები შეზღუდვა 15 მაისიდან მოიხსნა. 10 მაისს რუსეთის პრეზიდენტმა ასევე საქართველოს მოქალაქეებისთვის სავიზო რეჟიმი გააუქმა. საქართველოს მოქალაქეები რუსეთში შესვლას 90 დღემდე ვადით უვიზოდ შეძლებენ.

მსგავსი სიახლეები

რატომ მყარდება ლარი? – “თიბისი კაპიტალის” შეფასება

რატომ მყარდება ლარი? – “თიბისი კაპიტალის” შეფასება

“თიბისი კაპიტალის” თანახმად, ლარის ბოლოდროინდელი გამყარება სიურპრიზი არ ყოფილა, ვინაიდან წმინდა სავალუტო შემოდინებების მთავარ წყაროებზე დაყრდნობით, მოკლევადიან პერიოდში ლარის მნიშვნელოვანი მერყეობა…
სოხუმის აეროპორტის გახსნას თბილისი ანექსიისკენ გადადგმულ ნაბიჯად განიხილავს

სოხუმის აეროპორტის გახსნას თბილისი ანექსიისკენ გადადგმულ ნაბიჯად განიხილავს

2025 წლის 10 თებერვალს, თბილისში ჟენევის საერთაშორისო მოლაპარაკებების 63-ე რაუნდის მოსამზადებელი შეხვედრა მოლაპარაკებების თანათავმჯდომარეებთან: ევროკავშირიდან, გაეროდან და ეუთოდან გაიმართა. საგარეო საქმეთა…
„ქვემო სვანეთი ალბათ ერთ-ერთი ყველაზე განვითარებადი რეგიონია საქართველოში“ – რა გამოწვევებია რეგიონში?

„ქვემო სვანეთი ალბათ ერთ-ერთი ყველაზე განვითარებადი რეგიონია საქართველოში“ –…

„ქვემო სვანეთი ალბათ ერთ-ერთი ყველაზე განვითარებადი რეგიონია საქართველოში“ , – ამის შესახებ BMGTV-ს გადაცემაში ქვემო სვანეთში მდებარე ტურისტული ობიექტის, Roots Svaneti-ს…