საქართველო-გაერთიანებული სამეფოს სავაჭრო ბრუნვა $123 მლნ-ია – რით ვვაჭრობთ ამ ქვეყანასთან?

საქართველო-გაერთიანებული სამეფოს სავაჭრო ბრუნვა $123 მლნ-ია – რით ვვაჭრობთ ამ ქვეყანასთან?

2023 წლის 16-17 მარტს, საქართველოს ოფიციალური ვიზიტით გაერთიანებული სამეფოს საგარეო, თანამეგობრობისა და განვითარების საქმეთა სახელმწიფო მდივანი ჯეიმს კლევერლი ეწვევა, რომელსაც ქართველი კოლეგა, ილია დარჩიაშვილი უმასპინძლებს. ვიზიტის ფარგლებში, ჯეიმს კლევერლი საქართველოს პრემიერ-მინისტრ ირაკლი ღარიბაშვილს შეხვდება.

როგორია ქვეყნებს შორის ეკონომიკური კავშირები? bm.ge-მ ორ ქვეყანას შორის კავშირები ინვესტიციების, ვაჭრობის და ტურიზმის რიცხვებით მიმოიხილა.


სავაჭრო ურთიერთობა

საქართველო-გაერთიანებული სამეფოს სავაჭრო ბრუნვა 2022 წელს 123 მილიონ 309 ათას დოლარი იყო. 2021 წელთან შედარებით ეს მაჩვენებელი 16.6%-ით გაიზარდა. უნდა აღვნიშნოთ, რომ ორი ქვეყნის სავაჭრო ბრუნვა პანდემიის დაწყების წელს ყველაზე დაბალ მაჩვენებელზე იყო და 96 მლნ დოლარს შეადგენდა.

ქვეყნებს შორის ვაჭრობაში ექსპორტს მცირე წილი უკავია. დიდ ბრიტანეთში საქონლის რეალიზებით გასული წლის განმავლობაში საქართველომ მხოლოდ 15 მილიონ 720 ათასი დოლარის შემოსავალი მიიღო. 2021 წლის მაჩვენებელთან შედარებით კლება 34.6%-ია.

2022 წელს დიდ ბრიტანეთში ექსპორტირებული საქონლის რეიტინგი, რომლის ღირებულება 1 მლნ დოლარს აღემატებოდა ასეთია:

1. ძვირფასი ლითონების ნაკეთობები – 3.7 მლნ დოლარი, 0.07 ტონა;
2. ფეროშენადნობები – 2.1 მლნ დოლარი, 1 546 ტონა;
3. ყურძნის ნატურალური ღვინოები – 1.6 მლნ დოლარი, 483 ტონა;
4. ეთილის სპირტი არადენატურირებული = 1.6 მლნ დოლარი, 105 ტონა;
5. ინიციატორები, დამაჩქარებლები რეაქციებისა და კატალიზატორები – 1.4 მლნ დოლარი, 0.02 ტონა;
6. მანგანუმის ოქსიდები – 1 მლნ დოლარი, 1 250 ტონა.

გარდა ამ საქონლისა გაერთიანებულ სამეფოში ექსპორტზე ასევე ახალი რეზინის პნევმატური სალტეები და საბურავები, ქალისა ან გოგონას კოსტუმები, კომპლექტები, კომბინეზონები, ბრიჯები და შორტები, ბლუზები, პერანგები და ბატინკები ქალის ან გოგონასი, მაისურები, თბილი კვართები და სხვა ტრიკოტაჟის ნაწარმი, მზა ნაწარმი სხვა, ტანსაცმლის თარგების ჩათვლით და სხვა საქონელი გავიდა.

რაც შეეხება იმპორტს, მისი წილი ვაჭრობაში ძირითადია და გასული წლის განმავლობაში დიდ ბრიტანეთში სხვადასხვა დასახელების საქონლის შესაძენად 107 მილიონ 588 ათასი დოლარი გავიდა. იმპორტი 31.7%-ით მეტია 2021 წლის მაჩვენებელზე.

TOP-10 იმპორტირებული საქონლის რეიტინგი ასეთია:

1. მსუბუქი ავტომობილები – 17 მლნ დოლარი;
2. ბულდოზერები, ავტოგრეიდერები, ექსკავატორები, სატკეპნი მანქანები – 14.5 მლნ დოლარი;
3. ეთილის სპირტი არადენატურირებული – 7.5 მლნ დოლარი, 752 ტონა;
4. სამკურნალო საშუალებები დაფასოებული – 5.2 მლნ დოლარი, 27 ტონა;
5. ავტომანქანების ნაწილები, ექსპლუტაციაში ნამყოფი – 4.7 მლნ დოლარი, 2 820 ტონა;
6. ტანსაცმელი და ნაწარმი ნახმარი – 2.8 მლნ დოლარი, 1 103 ტონა;
7. გამომთვლელი მანქანები და მათი ბლოკები – 2.8 მლნ დოლარი, 28 ტონა;
8. დანარჩენი საქონელი – 2.7 მლნ დოლარი;
9. ვაქცინები, სისხლი და იმუნური პროდუქტები – 2.1 მლნ დოლარი, 4 ტონა;
10. სხვა ნაკეთობები ძვირფასი ლითონებისაგან – 1.6 მლნ დოლარი.

გაერთიანებული სამეფოდან ასევე შევიძინეთ კოსმეტიკური საშუალებები, ნაწარმი შავი ლითონებისაგან, გამოსაყენებელი სარკინიგზო და ტრამვაის ლიანდაგებისათვის, ტრაქტორები და უნაგირა საწევარები, ცენტრიფუგები; აგრეგატები; ტუმბოები სითხის ხარჯსაზომით ან მის გარეშე; კვების პროდუქტები, სხვა ადგილას დაუსახელებელი; საზომი ან საკონტროლო ხელსაწყოები, სპეციალური დანიშნულების ავტომობილები, ავტოსატვირთელები და სხვა.

ინვესტიციები

ოფიციალური სტატისტიკის მიხედვით, გასულ 2022 წელს გაერთიანებული სამეფო პირდაპირი უცხოური ინვესტიციების მიხედვით პირველი ქვეყანა იყო, საიდანაც ყველაზე მეტი ინვესტიცია განხორციელდა. $2 მლრდ-იან FDI-ში 428 მლნ დოლარი სწორედ გაერთიანებულ სამეფოდან შემოვიდა, რაც 2021 წლის პერიოდთან შედარებით 29%-ით შემცირდა.



ტურიზმი

2022 წელს გაერთიანებული სამეფოდან საქართველოში 21 407 ვიზიტორი ეწვია, რაც პანდემიამდელ – 2019 წლის მაჩვენებელთან შედარებით 42.9%-ით არის შემცირებული.

მსგავსი სიახლეები

მინერალური წყლების ექსპორტი ისტორიულ მაქსიმუმზეა – სად ვყიდით წყალს?

მინერალური წყლების ექსპორტი ისტორიულ მაქსიმუმზეა – სად ვყიდით წყალს?

მინერალური და მტკნარი წლების ექსპორტი ისტორიულ მაქსიმუმზეა. ეს სასაქონლო ჯგუფი საქართველოსთვის ერთ-ერთი მთავარი ადგილობრივი წარმოების პროდუქტია, რომელიც წლების განმავლობაში უმსხვილეს საექსპორტო…
II კვარტალში საცხოვრებელი უძრავი ქონება 14.9%-ით გაძვირდა

II კვარტალში საცხოვრებელი უძრავი ქონება 14.9%-ით გაძვირდა

2024 წლის მეორე კვარტალში, წინა კვარტალთან შედარებით საცხოვრებელი უძრავი ქონების ფასების ინდექსი (RPPI) 4.8%-ით გაიზარდა, ხოლო ინდექსის წლიურმა ზრდამ 14.9% შეადგინა.…
რა გავლენა ექნება ჩინურ ავტო ინდუსტრიაზე აშშ-სა და ევროკავშირის მიერ დაწესებულ საიმპორტო ტარიფებს?

რა გავლენა ექნება ჩინურ ავტო ინდუსტრიაზე აშშ-სა და ევროკავშირის…

აშშ-სა და ევროკავშირის მიერ ჩინურ ავტომობილებზე დაწესებულმა ტარიფებმა, შესაძლოა, დიდი ზეგავლენა მოახდინოს ჩინური ავტომობილების ინდუსტრიაზე. ეს ტარიფები მიმართულია არასამართლიანი კონკურენციისა და სუბსიდიების პრობლემების მოსაგვარებლად, რომლებსაც ჩინელი ავტომწარმოებლები იღებენ თავიანთი მთავრობისგან, რაც დასავლეთის ოფიციალური პირების აზრით, ჩინურ კომპანიებს უპირატესობას ანიჭებს გლობალურ ბაზრებზე. აშშ-სა და ევროკავშირის ტარიფები, სავარაუდოდ ,საგრძნობლად გაზრდის ჩინური ავტომობილების ფასს ბაზარზე, რაც გამოიწვევს ჩინელი მწარმოებელის კონკურენტუნარიანობის შემცირებას აშშ-სა და ევროკავშირის ადგლობრივ მწარმობელთან, ისევე როგორც სხვა საერთაშორისო კონკურენტებტან, რომლებიც არ ექვემდებარებიან მსგავს ტარიფებს. ეს გამოიწვევს ჩინური ავტომანქანების ექსპორტის შემცირებას ზემოთ ხსენებულ ბაზრებზე. შეერთებული შტატებში ჩინურ ავტომანქანების წარმოებოას მინიმალური ბაზრის წილი გააჩნიათ სხვა კონკურენტი ქვეყნებისგან განსხვავებით, როგორიცაა მექსიკა, იპონია, კანადა, სამხრეთ კორეა…