საწვავის იმპორტიორები ისევ მაღალ მოგებაზე მუშაობენ, რაც მიუღებელია – ღარიბაშვილი

საწვავის იმპორტიორები ისევ მაღალ მოგებაზე მუშაობენ, რაც მიუღებელია – ღარიბაშვილი

მთავრობის სხდომაზე პრემიერ-მინისტრმა ირაკლი ღარიბაშვილმა განაცხადა, რომ კონკურენციის სააგენტოს მიერ მოკვლევის დასრულების პარალელურად, სამინისტროების მიერ უნდა შეიქმნას სპეციალური სამუშაო ჯგუფი, რომელიც ქვეყანაში საწვავის ფასებს შეისწავლის.

ღარიბაშვილის განმარტებით, საერთაშორისო ბირჟაზე ნავთობის გაიაფების მიუხედავად, ადგილობრივ ბაზარზე საწვავის ფასები ისევ მაღალ ნიშნულზე ნარჩუნდება, ზოგ შემთხვევაში კი ლიტრ ბენზინზე მოგების მარჟა ლარსაც აღწევს.

„ჩვენი ჩარევის შედეგად, გარკვეულწილად, დარეგულირდა და შემცირდა ნავთობის ფასები, მაგრამ დეკემბრის მონაცემებს ვაკვირდები და ვხედავ, რომ აქ ისევ არის მაღალი მარჟები, ნავთობის იმპორტიორები ისევ მაღალ მოგებაზე მუშაობენ, რაც მიუღებელია.

მინისტრებო, თქვენ უნდა დაიბაროთ ნავთობის იმპორტიორები და უნდა შევძლოთ გონივრულ ზღვრამდე ფასების ჩამოწევა. არ შეიძლება, რომ ერთ ლიტრ ბენზინზე იყოს 80-თეთრიანი, თითქმის ლარამდე ფასნამატი.

იმედი მაქვს, ჩვენს პოზიციას და მოწოდებას [იმპორტიორები] ანგარიშს გაუწევენ. აუცილებელია, ამ საკითხის დარეგულირება მაქსიმალურად მოკლე დროში – ეს არის ჩემი პრინციპული პოზიცია.

თქვენ გახსოვთ, რომ წამლების საკითხზეც იმპორტიორების მხრიდან წინააღმდეგობა იყო, მაგრამ აღმოჩნდა, რომ ძალიან მარტივად შევძელით ამ საკითხის მოგვარება, ამიტომ მჯერა, რომ იმპორტიორები გაითვალისწინებენ ჩვენი ხალხის ვითარებას და დაიწყებენ საწვავის ფასების შემცირებას – ეს არის ჩვენი მოლოდინი, რაზეც გვაქვს დიდი იმედი. ეკონომიკის, ფინანსთა და სოფლის მეურნეობის მინისტრები ჩაერთვებიან ამ საკითხში აქტიურად, შექმნიან სამუშაო ჯგუფს. ამ საკითხს სჭირდება მუდმივი მონიტორინგი და ყურადღება, რომ ვინმეს გარკვეული ცდუნება არ გაუჩნდეს. ადრე იყო ბევრი საუბარი, რომ ლარის კურსი იყო ძალიან მაღალი, 3,3-ზე, 3,4-ზე და ამიტომ ვერ ახერხებდნენ ფასების დაწევას. ჩვენი მუშაობის შედეგად ეროვნული ვალუტა არის დასტაბილურებული 2,60,ზე, 2,65-ზე არის ჩამოსული თითქმის და ამ ადამიანებმა ფასები იგივე ნიშნულზე შეინარჩუნეს, რაც არასწორია, მარტივად და კორექტულად რომ ვთქვათ. ამიტომ, ამ საკითხს სჭირდება აქტიური მუშაობა და დარეგულირება. იმედი მაქვს, რომ ძალიან მალე წარმოადგენთ თქვენს ხედვას და გამოსავალს“, – განაცხადა პრემიერმა.

ამჟამად საერთაშორისო ბირჟაზე ბარელი Brent-ის ფასი 80 დოლარს შეადგენს; ხოლო რუსული Urals-ის ფასი 54 დოლარის ფარგლებშია. საქართველოში ძირითადად რუსული ნავთობი შემოდის, რომლის ფასიც ერთწლიან ჭრილში 44%-ითაა შემცირებული.

რაც შეეხება ადგილობრივ ბაზარს, ბრენდირებულ ქსელებში ლიტრი რეგულარის ფასი 2.70 – 2.85 ლარის ფარგლებში მერყეობს; ხოლო ლიტრი დიზელის შეძენა საქართველოში დაახლოებით 3.75 ლარადაა შესაძლებელი.

მსგავსი სიახლეები

“გადაიდგმება ქმედითი ნაბიჯები ახალი სტრატეგიული პროექტების განხორციელებისთვის” – რაზე გამახვილდა ყურადღება ალიევი-ქვრივიშვილის შეხვედრაზე?

“გადაიდგმება ქმედითი ნაბიჯები ახალი სტრატეგიული პროექტების განხორციელებისთვის” – რაზე…

აზერბაიჯანში ოფიციალური ვიზიტის ფარგლებში, ეკონომიკისა და მდგრადი განვითარების მინისტრმა მარიამ ქვრივიშვილმა შეხვედრა გამართა აზერბაიჯანის რესპუბლიკის პრეზიდენტთან ილჰამ ალიევთან. შეხვედრის შესახებ ინფორმაციას საქართველოს…
მარიამ ქვრივიშვილმა აზერბაიჯანთან და სომხეთთან ახალი მაგისტრალის მშენებლობისთვის მიწის ნაკვეთების ექსპროპრიაციის ბრძანება გამოსცა

მარიამ ქვრივიშვილმა აზერბაიჯანთან და სომხეთთან ახალი მაგისტრალის მშენებლობისთვის მიწის…

ეკონომიკის სამინისტრომ სომხეთთან დამაკავშირებელი რუსთავი-სადახლოს და რუსთავი-წითელი ხიდის მაგისტრალის მშენებლობისთვის ექსპროპრიაცია გამოაცხადა. ექსპროპრიაციის შესახებ მინისტრის ბრძანება საკანონმდებლო მაცნეზე გამოქვეყნდა და ის ძირითადად მარნეულის…
გადაცვლილი ვალუტის დაბრუნებისთვის 30 წუთი გექნებათ – სებ-მა ვალუტის ელექტრონულად გაცვლის წესი მიიღო

გადაცვლილი ვალუტის დაბრუნებისთვის 30 წუთი გექნებათ – სებ-მა ვალუტის…

საქართველოს ეროვნულმა ბანკმა უნაღდო ფორმით ვალუტის გაცვლის ოპერაციების განხორციელებისათვის მარეგულირებელი ჩარჩო დაამტკიცა. სებ-ის ინფორმაციით, ახალი რეგულაცია ხელს შეუწყობს მომსახურების დივერსიფიკაციას, ოპერაციების…