სესხების ლარიზაციამ 55%-ს მიაღწია

სესხების ლარიზაციამ 55%-ს მიაღწია

საბანკო სექტორში არსებული კრედიტების ლარიზაციის წილი იზრდება – ეროვნული ბანკის მიერ გამოქვეყნებული სტატისტიკის მიხედვით, 2022 წლის ოქტომბერში სესხების ლარიზაციამ 54.68%-ს მიაღწია, რაც წინა თვესთან შედარებით 1.2 პროცენტული პუნქტით მეტია. ეროვნული ბანკის ინფორმაციით, ეს ლარიზაციის მაქსიმალურ სტატისტიკას წარმოადგენს.

ქართულ ბანკებს გაცემული აქვთ 23.5 მილიარდი ლარის მოცულობის ეროვნული ვალუტის კრედიტი, უცხოური ვალუტით გაცემული სესხების მოცულობა კი 19.5 მილიარდი ლარია.

“რეზიდენტი იურიდიული პირებისათვის 2022 წლის სექტემბრის ბოლოს, კომერციულ ბანკებს ეროვნული ვალუტით გაცემული ჰქონდათ 7.07 მლრდ ლარის (წინა თვესთან შედარებით 2.81%-ით მეტი), ხოლო უცხოური ვალუტით 12.10 მლრდ ლარის (წინა თვესთან შედარებით 3.51%-ით ნაკლები) მოცულობის სესხი (გაცვლითი კურსის ეფექტის გარეშე, 0.19%-ით მეტი).

2022 წლის სექტემბრის განმავლობაში 0.07%-ით, ანუ 16.64 მლნ ლარით შემცირდა რეზიდენტი შინამეურნეობების სექტორის დაკრედიტების მოცულობა და მიმდინარე წლის პირველი ოქტომბრისათვის 22.97 მლრდ ლარი შეადგინა.

მიმდინარე წლის პირველი ოქტომბრისათვის, მთლიანი სესხების ლარიზაციის კოეფიციენტმა 54.68 პროცენტი შეადგინა, 2022 წლის პირველი სექტემბრის მდგომარეობასთან შედარებით, გაიზარდა 1.24 პროცენტული პუნქტით (გაცვლითი კურსის ეფექტის გამორიცხვით, გაიზარდა 0.31 პროცენტული პუნქტით),”- ნათქვამია სებ-ის ანგარიშში.

მსგავსი სიახლეები

როგორ იკავებს თანდათანობით Zombie Economicus-ი Homo Economicus-ის ადგილს

როგორ იკავებს თანდათანობით Zombie Economicus-ი Homo Economicus-ის ადგილს

ვლადიმერ პაპავა – პაატა გუგუშვილის სახელობის ეკონომიკის ინსტიტუტის მთავარი მეცნიერ-თანამშრომელი, აკადემიკოსი როგორც ცნობილია, ზომბი ეკონომიკას „იაპონური ფესვები“ აქვს, რადგან ის იაპონიაში…
დავითაშვილი იმედოვნებს, რომ არაბული ინვესტიცია ქვეყანაში, მათ შორის საპორტო ინფრასტრუქტურაში ჩაიდება

დავითაშვილი იმედოვნებს, რომ არაბული ინვესტიცია ქვეყანაში, მათ შორის საპორტო…

საქართველოს ეკონომიკის მინისტრის ლევან დავითაშვილის განცხადებით, მომდევნო წლების განმავლობაში არაბთა გაერთიანებული საამიროებიდან ინვესტიციები ქვეყნის ეკონომიკის სხვადასხვა სექტორში ჩაიდება, მათ შორის საპორტო…
საქართველოში საშუალო ხელფასი 1,773 ლარამდე გაიზარდა – საქსტატი

საქართველოში საშუალო ხელფასი 1,773 ლარამდე გაიზარდა – საქსტატი

საქსტატის მიერ დღეს გამოქვეყნებული ანგარიშის მიხედვით, 2022 წლის IV კვარტალში საქართველოში საშუალო თვიური ნომინალური ხელფასი გასული წლის შესაბამის პერიოდთან შედარებით 21.2…