ფერმერები არასტანდარტულ მანდარინზე გაორმაგებულ სუბსიდიას მიიღებენ – თორნიკე რიჟვაძე

დღეს გამართულ აჭარის მთავრობის სხდომაზე, აჭარის მთავრობის თავმჯდომარე თორნიკე რიჟვაძემ მეციტრუსეების სუბსიდირებაზე ისაუბრა და აღნიშნა, რომ წელს ფერმერები არასტანდარტულ მანდარინზე, ნაცვლად 15 თეთრისა 30 თეთრის სუბსიდიას მიიღებენ.

“მივიღეთ გადაწყვეტილება, რომ გაორმაგებულიყო არასტანდარტული ციტრუსის სუბსიდირება და შესაბამისად, მიმდინარე წელს ნაცვლად 15 თეთრისა, მეციტრუსეები არასტანდარტულ მანდარინზე მიიღებენ 30 თეთრს სუბსიდიას. რაც შეეხება ციტრუსის რთველის მიმდინარეობას, უკვე ექსპორტირებულია 3700 ტონაზე მეტი და ვთვლით, რომ შეფერხებების გარეშე შევძლებთ ამ სეზონის ჩატარებას“, – აღნიშნა თორნიკე რიჟვაძემ.

მისივე ცნობით, მობილიზებულია მიმღებ-გადამმუშავებელი საწარმოები და რამდენიმე დღეში ფუნქციონირებას დაიწყებს არასტანდარტული ციტრუსის მიმღები საწარმო.