ეკონომიკური თანამშრომლობისა და განვითარების ორგანიზაციის (OECD) მონაცემებით, 2023 წლის აპრილში ორგანიზაციის წევრ ქვეყნებში უმუშევრობის დონე სტაბილურად 4.8% იყო (ზედიზედ 3 თვის განმავლობაში).
ამასთან, ორგანიზაციის მიერ გამოქვეყნებული სტატისტიკის მიხედვით, მიმდინარე წლის აპრილში OECD-ის წევრ ქვეყნებს შორის უმუშევრობის დონე არ შეცვლილა 10 ქვეყანაში, შემცირდა – 14 და გაიზარდა – 6 ქვეყანაში. გარდა ამისა, უმუშევრობის დონე რეკორდულ მინიმუმს მიუახლოვდა კანადაში, საფრანგეთში, გერმანიასა და შეერთებულ შტატებში.
ეკონომიკური თანამშრომლობისა და განვითარების ორგანიზაციის წევრი TOP 10 ქვეყანა, სადაც უმუშევრობის დონე ყველაზე დაბალია:
კორეა – 2.6%
იაპონია – 2.6%
ჩეხეთის რესპუბლიკა – 2.7%
პოლონეთი – 2.7%
მექსიკა – 2.9%
გერმანია – 2.9%
ისლანდია – 3.3%
ახალი ზელანდია – 3.4%
ნიდერლანდები – 3.4%
ამერიკის შეერთებული შტატები – 3.4%
გარდა ამისა, აღსანიშნია, რომ 2023 წლის აპრილში OECD-ის ქვეყნებში ახალგაზრდების (15-დან 24-წლამდე) უმუშევრობის დონე 10.2%-მდე შემცირდა, რაც 2005 წლის შემდეგ ყველაზე დაბალი მაჩვენებელია. ახალგაზრდებში უმუშევრობის მაჩვენებელი შემცირდა 17 ქვეყანაში, მათ შორის ყველაზე მეტად შვედეთში, ნორვეგიაში, ჩეხეთის რესპუბლიკაში, პორტუგალიასა და იტალიაში.
ლენტეხის მუნიციპალიტეტში, მდინარე ცხენისწყალზე 22 მგვტ დადგმული სიმძლავრის ჰიდროელექტროსადგურის – “ცხენისწყალი 1 ჰესის” მშენებლობა მიმდინარე წელს დაიწყება. როგორც პროექტის განმახორციელებელი კომპანიის –…
თიბისი კაპიტალმა გაცვლითი კურსის ბიზნეს-ეკონომიკის სერიიდან პირველი პუბლიკაცია გამოაქვეყნა, რომელიც ძირითადად საცხოვრებელი უძრავი ქონების სექტორში პროექტების დაფინანსების ოპტიმალური სტრუქტურის გაანგარიშებას ეხება. სხვადასხვა ქვეყნის…
2024 წლის პირველ ნახევარში საქართველოში ჩინეთიდან ავტომობილების იმპორტი გაორმაგდა – აღნიშნულ პერიოდში საქართველოში სულ $22 მილიონი დოლარის ღირებულების ავტომობილების იმპორტი განხორციელდა,…