ჩვენი ინტერესია, ახალი აეროპორტი ერთ-ერთი საუკეთესო იყოს, რომლის მშენებლობას 2-3 წელი დასჭირდება – პრემიერი

ჩვენი ინტერესია, ახალი აეროპორტი ერთ-ერთი საუკეთესო იყოს, რომლის მშენებლობას 2-3 წელი დასჭირდება – პრემიერი

პრემიერ-მინისტრის ირაკლი ღარიბაშვილის განცხადებით, წელს დიდი ინფრასტრუქტურული პროექტების დაწყება იგეგმება, მათ შორის ანაკლიის ღრმაწყლოვანი პორტის მშენებლობა და ახალი აეროპორტია. 

“მთლიანობაში, მინდა გითხრათ, რომ საკმაოდ პოზიტიური მოლოდინები გვაქვს წელს. ჩვენ ასევე ვგეგმავთ სერიოზული მსხვილი პროექტების დაწყებას, როგორიც არის ანაკლიის პორტის მშენებლობის დაწყება, წელსვე გვინდა, რომ დავიწყოთ მშენებლობა… შემოდგომაზე. ასევე აეროპორტის მიმართულებით გვაქვს ჩვენ სერიოზული გეგმა, რომ წლის ბოლომდე მოვახდინოთ ახალი პროექტის შეჯერება, დამუშავება. ჩვენ გვაქვს ინტერესი, რომ ახალი აეროპორტი ერთ-ერთი საუკეთესო იყოს რეგიონში, რომელსაც 2-3 წელი დასჭირდება, რომ აშენდეს. ესეც რამდენიმე ასეული მილიონი დოლარის ინვესტიციას გულისხმობს. აეროპორტი, პორტი, რა თქმა უნდა, გრძელდება ინფრასტრუქტურა, გზების მშენებლობა და ჰესები, მსხვილი ჰესების მშენებლობა. ეს პირდაპირ იქნება ბონუსი და დამატებითი, ასე ვთქვათ, დაბუსტავს ეკონომიკურ ზრდას, ისედაც მაღალ ეკონომიკურ ზრდას. ეს არის ჩვენი მოლოდინები უახლოესი ერთი წლის და მომდევნო წლების განმავლობაში“, – განაცხადა ღარიბაშვილმა.

აეროპორტთან დაკავშირებით ღარიბაშვილს დეტალებზე არ უსაუბრია. ინფორმაციის მიღებას BMG მთავრობის ადმინისტრაციისგან ცდილობს. 

მსგავსი სიახლეები

ორნახევარპოლუსიანი სამყარო – როგორ ყალიბდება ახალი საერთაშორისო წესრიგი?!

ორნახევარპოლუსიანი სამყარო – როგორ ყალიბდება ახალი საერთაშორისო წესრიგი?!

მიმდინარე მოვლენების ფონზე სულ უფრო ძლიერდება კითხვა, თუ როგორი მსოფლიო წესრიგი ყალიბდება დღეს, რა ადგილი ექნებათ აქ დიდ მოთამაშეებს და განსაკუთრებით…
ყველაზე მეტად იმერეთის მოსახლეობა შემცირდა – რომელ რეგიონებში იკლებს მოსახლეობის რაოდენობა

ყველაზე მეტად იმერეთის მოსახლეობა შემცირდა – რომელ რეგიონებში იკლებს…

საქსტატის მოსახლეობის საყოველთაო აღწერის წინასწარი შედეგების მიხედვით, საქართველოს მოსახლეობა 3.9 მილიონია. ეს აღწერის წინა შედეგებთან შედარებით, რომელიც 2014 წელს ჩატარდა 5%-ით,…
დღეიდან საქართველო-სომხეთს შორის მგზავრთა გადამყვანებისთვის ახალი რეგულაცია ამოქმედდება

დღეიდან საქართველო-სომხეთს შორის მგზავრთა გადამყვანებისთვის ახალი რეგულაცია ამოქმედდება

1 ივლისიდან, საქართველო-სომხეთის საზღვარზე გადამყვანებისთვის მგზავრთა სიის წინასწარ შევსება სავალდებულო ხდება. როგორც BM.GE-ის ეკონომიკის სამინისტროში განუცხადეს, საუბარია კომერციული მიზნით ტურისტული ან…