18-მეტრიანი ავტობუსებისა და ავტობაზის პროექტისთვის ბიუჯეტიდან 200 მლნ დაიხარჯება

18-მეტრიანი ავტობუსებისა და ავტობაზის პროექტისთვის ბიუჯეტიდან 200 მლნ დაიხარჯება

18-მეტრიანი ავტობუსებისა და ავტობაზის პროექტისთვის ბიუჯეტიდან ₾200 მლნ დაიხარჯება, – ამის შესახებ თბილისის ვიცე-მერმა ირაკლი ხმალაძემ ჟურნალისტებთან საუბრისას განაცხადა.

მისი თქმით, იმისთვის, რომ პროექტი შემჭიდროებულ ვადებში განხორციელებულიყო, მისი დაფინანსება საბიუჯეტო ხარჯებით გადაწყდა.

„დღეს თბილისს 850 სრულიად ახალი ავტობუსი ემსახურება და ამას დაემატება და ამას დაემატება 200 ერთეული ყველაზე დიდი ტევადობის ავტობუსი, რომელიც დღეს თბილისში არ გადაადგილდება, მნიშვნელოვნად გაიზრდება ავტობუსებით მგზავრთა გადაყვანის მაჩვენებელი.

ამ ორი კომპონენტის ღირებულება, როგორიცაა 18-მეტრიანი ავტობუსების შეძენა და ავტობაზის მშენებლობა, ჯამურად დაახლოებით 200 მლნ ლარს მიაღწევს, ეს მოხდება 2023-2024 წლებში. ხოლო როგორ გადანაწილდება შესყიდვები, ამას ბაზრის კვლევა გამოავლენს, რომლის პროცედურები ახლა მიმდინარეობს.

ამ პროცესის მოკლე ვადებში განხორციელების საჭიროებიდან გამომდინარე, პროექტი საბიუჯეტო დაფინანსებით განხორციელდება“, – განაცხადა ხმალაძემ.

ცნობისთვის: თბილისში 200 ერთეული 18-მეტრიანი ავტობუსი 2022 წელს უნდა შემოსულიყო, თუმცა 18-მეტრიანი ავტობუსები ქალაქში, ჯერ 2020 წლიდან, შემდეგ კი უკვე 2021 წლიდან უნდა გამოჩენილიყო. კახა კალაძის გუნდის წევრები აცხადებდნენ, რომ 18-მეტრიან ავტობუსებს სწრაფ, 10 სატრანზიტო დერეფანში უნდა ევლოთ.

მსგავსი სიახლეები

მთავრობა ინვესტორებს 50-მდე კურორტზე საპრივატიზაციო ქონებას შესთავაზებს – ვიცე-პრემიერი

მთავრობა ინვესტორებს 50-მდე კურორტზე საპრივატიზაციო ქონებას შესთავაზებს – ვიცე-პრემიერი

საქართველოს ვიცე-პრემიერ ლევან დავითაშვილის განცხადებით, მთავრობამ კურორტების განვითარების მიზნით, ინვესტორებისთვის საინტერესო 50-მდე ლოკაცია მოამზადა, რომელსაც უახლოეს პერიოდში შესთავაზებენ. ამის შესახებ დავითაშვილმა…
პრემიერი: ბანკები მოგების გადასახადის “ესტონურ მოდელზე” აღარ გადავლენ

პრემიერი: ბანკები მოგების გადასახადის “ესტონურ მოდელზე” აღარ გადავლენ

ბანკები მოგების გადასახადის “ესტონურ მოდელზე” აღარ გადადიან. როგორც პრემიერმა მთავრობის სხდომაზე განაცხადა, გადაწყვეტილება მთავრობის ეკონომიკურ საბჭოზე მიიღეს და მთავრობა საკანონმდებლო ინიციატივით…
„ზედიზედ 2 წელი ორნიშნა ეკონომიკური ზრდა გვაქვს, რაც სწორი პოლიტიკის შედეგია“

„ზედიზედ 2 წელი ორნიშნა ეკონომიკური ზრდა გვაქვს, რაც სწორი…

საქართველოს პრემიერ მინისტრ ირაკლი ღარიბაშვილის განცხადებით, ზედიზედ 2 წლის განმავლობაში ორნიშნა ეკონომიკური ზრდა სწორი ეკონომიკური პოლიტიკის შედეგია. ამის შესახებ მან მთავრობის…