2024 წლის სამ თვეში საქართველოში ელექტროენერგიის გენერაცია 7%-ით გაიზარდა, მოხმარება კი 2%-ით

2024 წლის სამ თვეში საქართველოში ელექტროენერგიის გენერაცია 7%-ით გაიზარდა, მოხმარება კი 2%-ით

2024 წლის პირველ სამ თვეში საქართველომ 3.69 მილიარდი კილოვატ საათი ელექტროენერგია მოიხმარა, რაც წინა წლის ანალოგიურ პერიოდთან შედარებით 2%-ით მეტია. სემეკის ანგარიშის თანახმად, წელს გაიზარდა დამოკიდებულება ადგილობრივად გამომუშავებულ ელექტროენერგიაზე, რადგანაც მთლიანმა ადგილობრივმა გენერაციამ 3.32 მილიარდი კილოვატ საათი შეადგინა, რაც წინა წელთან შედარებით 7%-ით მეტია. შესაბამისად, შემცირდა ელექტროენერგიის იმპორტი. თუკი 2023 წლის პირველ კვარტალში საქართველომ 600 მილიონი კილოვატ საათი ელექტროენერგია შეიძინა, წელს ის 438 მილიონ კილოვატ საათს შეადგენდა, რაც წინა წელთან შედარებით 27%-ით ნაკლებია.

სტატისტიკის თანახმად, 2024 წელს გაუმჯობესდა ჰიდროელექტროსადგურების გამომუშავება, რაც სხვა ფაქტორებთან ერთად უხვი ნალექითაც იყო განპირობებული. თუკი 2023 წლის პირველ კვარტალში საქართველოს ჰესებმა 1.51 მილიარდი კილოვატ საათი ელექტროენერგია გამოიმუშავეს, 2024 წლის პირველ კვარტალში ამ მოცულობამ 2.14 მილიარდი კილოვატ საათი შეადგინა (ზრდა 41%). მათ შორის ყველაზე მეტი ენერგია ენგურჰესმა გამოიმუშავა 347 მილიონი კილოვატ საათის ოდენობით (ზრდა 86%).

ჰესების გამომუშავების ზრდის გამო, შემცირდა მოთხოვნა თბოელექტროსადგურების გამომუშავებაზე. შედეგად თბოსადგურებმა მხოლოდ 1.16 მილიარდი კილოვატ საათი დენი გამოიმუშავეს, რაც წლიურად 26%-ით ნაკლებია.

წელს შემცირდა ელექტროენერგიის ტრანზიტი თურქეთის მიმართულებით, რაც თურქეთში ადგილობრივი გენერაციის ზრდას უკავშირდება. თუკი 2023 წლის პირველ კვარტალში საქართველოს ენერგეტიკულმა ქსელმა აზერბაიჯანიდან თურქეთში 1.19 მილიარდი კილოვატ საათი გაატარა, წელს ტრანზიტის სახით გაშვებული ენერგია 302 მილიონი კილოვატ საათი იყო, რაც 75%-იან კლებას წარმოადგენდა.

მსგავსი სიახლეები

ილია და დღევანდელობა

ილია და დღევანდელობა

ეკონომიკურ მეცნიერებათა დოქტორი, პროფესორი. ივ.ჯავახიშვილის სახ. თსუ-ს პ.გუგუშვილის სახ. ეკონომიკის ინსტიტუტის მთავარი მეცნიერმუშაკი. ილია ჭავჭავაძე, საქართველოს ისტორიის მეორე სვეტად წოდებული „ქართული…
2024 წლის I კვარტალში უმუშევრობის დონე შემცირდა

2024 წლის I კვარტალში უმუშევრობის დონე შემცირდა

2024 წლის I კვარტალში საქართველოში უმუშევრობის დონე წინა წლის შესაბამის პერიოდთან შედარებით 4.0 პროცენტული პუნქტით შემცირდა და 14% შეადგინა. სტატისტიკის ეროვნული…
საპენსიო სააგენტოს აქტივებმა 5 მილიარდს გადააჭარბა

საპენსიო სააგენტოს აქტივებმა 5 მილიარდს გადააჭარბა

საქართველოს საპენსიო სააგენტოს ატქივებმა დღეს 5 მილიარდ ლარს გადააჭარბა. ეს თანხა წარმოადგენს 1.3 მილიონი ადამიანის საპენსიო დანაზოგს, რაც ერთ მონაწილეზე საშუალოდ…