IT სპეციალისტების ანაზღაურება დღეს საათში საშუალოდ 50 ევრომდეა – დავით კიზირია

IT სპეციალისტების ანაზღაურება დღეს საათში საშუალოდ 50 ევრომდეა – დავით კიზირია

ბოლო წლების განმავლობაში ინფორმაციისა და კომუნიკაციის სექტორი ზრდას აჩვენებს. სპეციალისტები ამბობენ, რომ როგორც გლობალურად, ისე ადგილობრივ ბაზარზე გაზრდილია მოთხოვნა როგორც IT სერვისებზე, ისე კადრებზე.

„ბუნებრივია ეს მხოლოდ უნდა ახარებდეს ინდუსტრიას, მაგრამ ამან პარადოქსულად გააჩინა გამოწვევა კადრებზე, რადგან გლობალურად გაზრდილია მოთხოვნა, შესაბამისად გაზრდილია კადრებზე ნადირობა და ბევრი ქართველი პროგრამისტი წარმატებულად საქმდება გლობალურ ბაზარზე, რაც რა თქმა უნდა კარგია, მათ კვალიფიკაციას ზრდის, შემოსავალს. მეორე მხრივ, ადგილობრივ ბაზარზე ორიენტირებულ კომპანიებს აქვთ კადრების მოძიების პრობლემა.

კვლევებით დასტურდება, რომ ერთ წელიწადში რამდენიმეჯერ არის ზრდა, როგორც მოთხოვნის, ისე ხელფასების მიმართულებით. დღეს მაგალითად, 30-50 ევრო ან დოლარი ნორმალური საშუალო ანაზღაურებაა საათში, რაც რამდენიმე წლის წინ ყოვლად წარმოუდგენელი იყო. ეს არის სწორედ შედეგი იმის, რომ ქართველი პროგრამისტები საქმდებიან გლობალურ ბაზრებზე, სადაც კიდევ უფრო მაღალია ფასები, შესაბამისად მოლოდინია, რომ ისევ აიწევს ანაზღაურება 80-100 ევროს ფარგლებშიც კი. ეს ბუნებრივად აჩენს მოთხოვნას კადრებზე, კვალიფიციურ სასწავლო კურსებზე და ასტიმულირებს განათლების პროვაიდერების განვითარებას“,-აცხადებს bm.ge-სთან საქართველოს ციფრული ტრანსფორმაციის კონსორციუმის თანადამფუძნებელი დავით კიზირია.


USAID-ის ეკონომიკური უსაფრთხოების პროექტის, PMC კვლევითი ცენტრისა და ISET-ის კვლევითი ინსტიტუტის პარტნიორობით მომზადებული სექტორების ანალიტიკის ანგარიშის მიხედვით, ინფორმაციისა და კომუნიკაციის სექტორი მნიშვნელოვან ზრდას აჩვენებს. გასული წლის მდგომარეობით სექტორის ბრუნვა 66,3%-ით გაიზარდა და 3,9 მილიარდი ლარი შეადგენა. 30%-ით, 36 000 ადამიანამდე გაიზარდა დასაქმებულთა რიცხვი, ხელფასის ზრდა მოხდა 46%-მდე და 3, 257 ლარს შეადგენს.

მსგავსი სიახლეები

ტურიზმის ადმინისტრაცია ინდოელ ინფლუენსერებსა და ვიდეოგრაფებს მასპინძლობს

ტურიზმის ადმინისტრაცია ინდოელ ინფლუენსერებსა და ვიდეოგრაფებს მასპინძლობს

საქართველოს ტურიზმის ეროვნული ადმინისტრაცია ინდოეთიდან გადამღებ ჯგუფს მასპინძლობს. როგორც უწყების მიერ გავრცელებულ ინფორმაციაშია აღნიშნული, ინფლუენსერები და ვიდეოგრაფები წამყვანი საერთაშორისო მედია და…
„რეისები აღდგა, დატვირთულობა ნელ-ნელა იზრდება“ – რა ხდება ავიაბაზარზე?

„რეისები აღდგა, დატვირთულობა ნელ-ნელა იზრდება“ – რა ხდება ავიაბაზარზე?

„სპარსეთის ყურის ქვეყნებიდან ფრენების რაოდენობა თითქმის სრულად აღდგა,“ – ამის შესახებ „საქმიანი დილის“ ეთერში კომპანია GASA-ს დამფუძნებელმა & სამეთვალყურეო საბჭოს თავმჯდომარემ…
მეოთხედს გაუჭირდა აზრის დალაგებულად გადმოცემა – UNICEF-ის კვლევა საქართველოში სტუდენტების უნარებზე

მეოთხედს გაუჭირდა აზრის დალაგებულად გადმოცემა – UNICEF-ის კვლევა საქართველოში…

UNICEF-ი აქვეყნებს კვლევას საქართველოს ახალგაზრდების უნარებისა და კომპეტენციების შესახებ. საფრანგეთის მთავრობის მხარდაჭერით და სახელმწიფო და კერძო უნივერსიტეტების ბავშვთა უფლებების ცენტრებთან პარტნიორობით,…