ბოლო სამ წელში 200 ათასზე მეტი მანქანა მივიღეთ – APM Terminals Poti-ი

2024 წლის იანვარ-დეკემბრის მონაცემებით, ჯამში APM Terminals Poti-ს მიერ 545 297 TEU კონტეინერი დამუშავდა. ინფორმაციას ფოთის პორტის მფლობელი კომპანია ავრცელებს.

მათი მონაცემებით, კონტეინერის დამუშავების ბოლო სამი წლის მონაცემები ასეთია:

• 2022 წელი – 357,857 ტეუ;
• 2023 წელი – 592,589 ტეუ;
• 2024 წელი – 545,297 ტეუ;

2024 წელს “ეიპიემ ტერმინალს ფოთმა” ჯამში 313 საკონტეინერო გემი მიიღო და დაამუშავა 74 173 მანქანა. კომპანიის ინფორმაციით, მეორადი მანქანების საზღვაო ხაზებით ტრანსპორტირება და გადამუშავება ერთ-ერთ ყველაზე მოთხოვნად სერვისად რჩება. ბოლო სამი წლის მანძილზე, ფოთის პორტში, ჯამში 200 000-ზე მეტი ავტომანქანა დამუშავდა, კერძოდ:

2022 წელი – 47 537;

2023 წელი – 80 454;

2024 წელი – 74 173.

გასულ წლებთან შედარებით, 2024 წელს გენერალური ტვირთის მიღება შემცირდა, თუმცა მნიშვნელოვნად გაიზარდა სარკინიგზო-საბორნე გზით გადაზიდული ტვირთის ოდენობა, კერძოდ, 2024 წელს გადაიზიდა 157 895 ტონა ტვირთი, მაშინ როდესაც 2023 წელს ტვირთის რაოდენობა იყო 96 434, ხოლო 2022-ში – 98 992 ტონა.