ირაკლი კობახიძემ და ლი ციანმა იმპორტის გამოფენაზე საქართველოს პავილიონი ოფიციალურად გახსნეს

საქართველოს მთავრობის პრემიერ-მინისტრმა ირაკლი კობახიძემ, ჩინეთის სახალხო რესპუბლიკის პრემიერ ლი ციანთან ერთად, ჩინეთის იმპორტის საერთაშორისო გამოფენაზე საქართველოს საგამოფენო სივრცე ოფიციალურად გახსნა. საქართველო წელს საპატიო სტუმრის სტატუსით არის წარმოდგენილი, გამოფენაში მონაწილეობს 40-ზე მეტი ქართული კომპანია.

მთავრობის პრესსამსახურის მიერ გავრცელებული ინფორმაციის თანახმად, საქართველოს პავილიონში ვიზიტორებს შესაძლებლობა აქვთ გაეცნონ ქვეყნის ისტორიასა და კულტურას, უნიკალურ დამწერლობას, ღვინის წარმოების მრავალსაუკუნოვან ტრადიციებს, ტურისტულ და საინვესტიციო პოტენციალს. გამოფენაზე მოწყობილია გასტრონომიული კუთხე, ტრადიციული ქართული კერძების მომზადების მასტერკლასები, ღვინის დეგუსტაცია და კულტურული ღონისძიებები.

გამოფენაზე საქართველოს სამი საგამოფენო სივრცე აქვს: ეროვნული პავილიონი, საკვები და სასმელი პროდუქციის ზონა, ტანსაცმლისა და აქსესუარების განყოფილება. ეროვნული პავილიონის ტერიტორიაზე დამონტაჟებულია გასტრონომიული კუთხე, ტრადიციული კერძების მასტერკლასები, ღვინის დეგუსტაციები და კულტურული წარმოდგენები.