ლაშა ხუციშვილი და ნათია თურნავა IMF-ის დირექტორის მოადგილეს შეხვდნენ

ლაშა ხუციშვილი და ნათია თურნავა IMF-ის დირექტორის მოადგილეს შეხვდნენ

ფინანსთა მინისტრმა ლაშა ხუციშვილმა და ეროვნული ბანკის პრეზიდენტის მოვალეობის შემსრულებელმა ნათია თურნავამ IMF-ის მმართველი დირექტორის მოადგილესთან, ბო ლისთან გამართეს შეხვედრა. მხარეთა შორის შეხვედრა ვაშინგტონში გაიმართა.

ფინანსთა სამინისტროს მიერ გავრცელებული ინფორმაციის თანახმად, მხარეებმა მიმოიხილეს ქვეყნის მიმდინარე წლისა და საშუალოვადიანი პერიოდის მაკროეკონომიკური პარამეტრები და მონეტარული პოლიტიკის საკითხები.

“როგორც აღინიშნა, გასული წლების მაღალი ეკონომიკური ზრდის და მკაცრი ფისკალური პოლიტიკის გათვალისწინებით, ქვეყნის ფისკალური პარამეტრები დაუბრუნდა უსაფრთხო დონეს. მნიშვნელოვანია, რომ ფონდის მიერ ქვეყნის ეკონომიკური ზრდის პროგნოზი შესწორდა ზრდის მიმართულებით და ამჟამად 5.7%-ის ფარგლებშია მოსალოდნელი.

საუბარი შეეხო სტრუქტურული რეფორმების მიმდინარეობას და ამ მიმართულებით სსფ-ის მხარდაჭერის მნიშვნელობას,”- ნათქვამია სამინისტროს მიერ გავრცელებულ ინფორმაციაში.

უწყების პრესრელიზში არაა ნათქვამი შეეხო თუ არა მხარეთა შორის საუბარი IMF-ის პროგრამის აღდგენას ან ახალი პროგრამის შესახებ მოლაპარაკებათა დაწყებას. სავალუტო ფონდის მიერ მხარდაჭერილი პროგრამა 2023 წლის ზაფხულში შეჩერდა მას შემდეგ რაც საქართველომ დაარღვია პროგრამის ერთ-ერთი პირობა და ფონდთან შეუთანხმებლად მიიღო ცვლილებები ეროვნული ბანკის შესახებ კანონმდებლობაში.

IMF-ის დირექტორის მოადგილესთან შეხვედრას ფინანსთა სამინისტროს მხრიდან დაესწრნენ ფინანსთა მინისტრის პირველი მოადგილე გიორგი კაკაურიძე, მინისტრის მოადგილეები ეკატერინე გუნცაძე და მირზა გელაშვილი.

მსგავსი სიახლეები

მარტში საქართველოს სავალუტო რეზერვები 76.8 მილიონი დოლარით გაიზარდა

მარტში საქართველოს სავალუტო რეზერვები 76.8 მილიონი დოლარით გაიზარდა

2025 წლის მარტის მდგომარეობით საქართველოს საერთაშორისო სავალუტო რეზერვები 76.8 მლნ აშშ დოლარით გაიზარდა და 4.3 მილიარდი აშშ დოლარი შეადგინა. ამ ზრდის…
რა ეტაპზეა Jan De Nul-ის მიერ ანაკლიის აკვატორიის დაღრმავება?

რა ეტაპზეა Jan De Nul-ის მიერ ანაკლიის აკვატორიის დაღრმავება?

ეკონომიკის სამინისტროს ინფორმაციით, ბელგიური კომპანია Jan De Nul-ი ანაკლიის აკვატორიის დაღრმავების სამუშაოებს აქტიურად ასრულებს. კომპანიასთან სამწლიანი კონტრაქტი 2024 წლის სექტემბერში გაფორმდა.…
ინოვაციური სტარტაპების აქსელერაციის პროგრამა დამტკიცდა – როგორ დაეხმარება ბიზნესს სახელმწიფო?

ინოვაციური სტარტაპების აქსელერაციის პროგრამა დამტკიცდა – როგორ დაეხმარება ბიზნესს…

ინოვაციური სტარტაპების აქსელერაციის პროგრამა დამტკიცდა. “ქართული ოცნების” მთავრობის შესაბამისი დადგენილება საკანონმდებლო მაცნეზე 31 მარტს გამოქვეყნდა. პროგრამა 5-წლიანია და მისი მიზანი საქართველოს სტარტაპ ეკოსისტემის,…