უპილოტო საფრენი აპარატების წარმოებას მალე დავიწყებთ – ვლადიმერ ჩაჩიბაია

უპილოტო საფრენი აპარატების წარმოებას მალე დავიწყებთ – ვლადიმერ ჩაჩიბაია

უპილოტო საფრენი აპარატების წარმოებას ვიწყებთ, – ამის შესახებ დეპუტატმა ვლადიმერ ჩაჩიბაიამ თავდაცვის და უშიშროების კომიტეტის სხდომაზე განაცხადა. მისი თქმით, „დელტა“ აქტიურად მუშაობს სხვადასხვა მიმართულებით. მათ შორის „დიდგორის“ შეჯავშნული მანქანების წარმოებაზეც.

„ჩვენ აქტიურად ვადევნებთ თვალს „დელტაში“ მიმდინარე პროცესებს. ის პირობა, რაც პრემიერმა დადო, ეტაპობრივად სრულდება. კერძოდ მიმდინარეობს “დიდგორის” შეჯავშნული მანქანების წარმოება, როგორც საევაკუაციო კავშირგაბმულობის, სადაზვერვო დანიშნულების და სამეთვალყურეო დანიშნულების. მიმდინარეობს საფრენი აპარატების განახლება და ნახეთ, რომ მოდერნიზაცია მოხდა როგორც რეაქტიული ავიაციის, ასევე, შვეულმფრენების ესკადრელების მიმართულებით. წვრილ შეიარაღებასთან დაკავშირებით კი მუშაობა ებრაულ კომპანიასთან ერთად მიმდინარეობს. უპილოტო საფრენი აპარატების წარმოება კი სულ მალე ჩაეშვება. ესეც იქნება ერთ-ერთი წინგადადგმული ნაბიჯი. ეს არის ეტაპობრივი პროცესი და ერთიანად რა თქმა უნდა ყველა მიმართულებას “დელტა” ერთდროულად ვერ უზრუნველყოფს, იმიტომ რომ ეს არის პროცესი, რომელსაც სჭირდება კვალიფიციური კადრები, შესაბამისი ექსპერტიზა, დანადგარები და ა.შ“, – განაცხადა ვლადიმერ ჩაჩიბაიამ.

ცნობისთვის, გასულ თვეს თავდაცვის მინისტრმა ჯუანშერ ბურჭულაძემ განაცხადა, რომ საქართველოში საფრენი აპარატების წარმოება წლის ბოლომდე დაიწყებოდა.

რამდენიმე თვის წინ კი მინისტრმა განაცხადა, რომ დრონების საწარმოებლად თავდაცვის სამინისტრომ პოლონურ WB Electronics-თან ერთობლივი კომპანია დააფუძნა.

მსგავსი სიახლეები

მოლოდინია, რომ EURO 2024-ის ტურისტული პაკეტების ღირებულება მინიმუმ 50%-ით გაიზრდება – Travelfy

მოლოდინია, რომ EURO 2024-ის ტურისტული პაკეტების ღირებულება მინიმუმ 50%-ით…

ტურისტული კომპანია Travelfy-ის მარკეტინგის მენეჯერის თქმით, EURO 2024-ისთვის შექმნილ პაკეტებზე მოთხოვნა ძალიან მაღალია. BM.GE-სთან საუბრისას მარიამ დგებუაძე ამბობს, რომ კომპანიაში ტურისტულ…
2023 წელს „გადაიღე საქართველოში“ პროგრამით 9 ფილმის გადაღება უკვე დასრულდა – რომელი ქვეყნებიდან იყო ინტერესი?

2023 წელს „გადაიღე საქართველოში“ პროგრამით 9 ფილმის გადაღება უკვე…

სახელმწიფო პროგრამის „გადაიღე საქართველოში“-ს ფარგლებში 2023 წელს ხელშეკრულება 11 პროექტის გადაღებაზე გაფორმდა, საიდანაც გადაღებები 9 ფილმზე უკვე დასრულდა. აღნიშნულის შესახებ სააგენტო…
საქართველოში OneRepublic-ის, Jungle-ის და Scorpions-ის კონცერტები გაიმართება

საქართველოში OneRepublic-ის, Jungle-ის და Scorpions-ის კონცერტები გაიმართება

Black Sea Arena საქართველოში 2024 წლის კამპანიას – „Starring Georgia“-ს იწყებს და ქვეყანაში დაგეგმილი კონცერტების თარიღებსა და მსოფლიოში ცნობილი პოპულარული არტისტების…