საქართველოს პრემიერ-მინისტრ ირაკლი კობახიძის განცხადებით, მიმდინარე წლის ბიუჯეტს 360 მლნ ლარი დაემატება. ამის შესახებ მან მთავრობის სხდომის დაწყებამდე განაცხადა და აღნიშნა, რომ ბიუჯეტის გადახედვის საშუალებას ეკონომიკის ზრდის მაღალი მაჩვენებელი იძლევა.
„ჩვენ მაღალი ეკონომიკური ზრდა გვაქვს. პირველი 4 თვის განმავლობაში დაფიქსირდა ეკონომიკური ზრდის 9%-იანი მაჩვენებელი და ეს ყველაფერი ჩვენ ბიუჯეტის გაზრდის შესაძლებლობას გვაძლევს. წელს დაგვემატება 360 მლნ ლარი. ეს თანხა გადანაწილდება ისეთ სფეროებზე როგორიც არის ჯანდაცვა, განათლება, კულტურა, თავდაცვა, ასევე რეგიონული განვითარება.
არსებული ზრდის ტემპის შენარჩუნება ძალიან მნიშვნელოვანია, ზრდის კიდევ უფრო მეტად დაჩქარება, რაც ბიუჯეტზე პირდაპირ აისახება“, – განაცხადა ირაკლი კობახიძემ.
ენერგეტიკული ბირჟის გახსნის შემდეგ, საქართველოს ანალოგიური პლატფორმის ამოქმედება გაზის სექტორშიც მოუწევს. ეს იმ ვალდებულების ნაწილია, რომელიც საქართველომ ევროპის ენერგეტიკულ გაერთიანებაში გაწევრიანებით…
სახელმწიფო ტაბახმელაში ქონებას ელექტრონულ აუქციონზე 1 225 000 ლარად ყიდის. ქონების ეროვნულმა სააგენტომ სოფელ ტაბახმელაში 5 834 კვ.მ.-ის ფართობის არასასოფლო-სამეურნეო დანიშნულების…
2024 წლის სექტემბერში ქვეყანაში შემოსული ფულადი გზავნილების ნაკადების მოცულობამ 283.4 მლნ აშშ დოლარი შეადგინა, რაც 1.1%-ით (3.0 მლნ აშშ დოლარით) ნაკლებია…