ბაიდენი უკრაინის, ისრაელის და ტაივანის დასახმარებლად კონგრესისგან $105 მილიარდს ითხოვს
- ეკონომიკამსოფლიო
- ოქტომბერი 20, 2023
- 254
პრეზიდენტ ჯო ბაიდენის ადმინისტრაციამ ამერიკის შეერთებული შტატების კონგრესს ოფიციალური თხოვნით მიმართა, რომელიც უკრაინის, ისრაელის და ტაივანის დასახმარებლად 105 მილიარდი დოლარის გამოყოფას მოიცავს.
ბიუჯეტის პირველადი პროექტის თანახმად, უკრაინის დახმარებაზე 61 მილიარდი დოლარი უნდა გამოიყოს; ისრაელის მხარდასაჭერად 14.3 მილიარდი დოლარია გათვალისწინებული; ტაივანის უსაფრთხოების უზრუნველსაყოფად კი ამერიკის პრეზიდენტი დამატებით $2 მილიარდს ითხოვს.
გარდა ამისა, ფედერალური ბიუჯეტიდან დამატებით 9 მილიარდი დოლარი უნდა გამოიყოს მსოფლიოს მასშტაბით ჰუმანიტარული დახმარების გაწევაზე. დარჩენილ თანხას ბაიდენი აშშ-ის სასაზღვრო რეჟიმის გასაძლიერებლად და ეროვნული პროექტების განსახორციელებლად მოითხოვს.
