„მიწის სისტემური რეგისტრაციის ფარგლებში 450 000-ზე მეტი მიწის ნაკვეთი დარეგისტრირდა“ – რატი ბრეგაძე
- ეკონომიკასაზოგადოება
- დეკემბერი 19, 2023
- 83
„მიწის სისტემურ რეგისტრაციაზე 450000-ზე მეტი მიწის ნაკვეთია დარეგისტრირებული“, – ამის შესახებ მთავრობის სხდომის დასრულების შემდეგ გამართულ პრესკონფერენციაზე საქართველოს იუსტიციის მინისტრმა, რატი ბრეგაძემ განაცხადა.
მისი თქმით, მიწის სისტემური რეგისტრაციის პროექტის ფარგლებში, 1 მლნ ჰა-ზე მეტი მიწის ნაკვეთი იქნება რეგისტრირებული.
“მიმდინარე მიწის სისტემური რეგისტრაციის დასრულების შემდეგ, ერთხელ და სამუდამოდ გაირკვევა ყველა მიწის ნაკვეთის მესაკუთრე არის სახელმწიფო, მუნიციპალიტეტი თუ კერძო პირი. ამასთან, ერთხელ და სამუდამოდ საკუთრების უფლება დაცული იქნება,“-აცხადებს ბრეგაძე.
მისივე ინფორმაციით, მიწის სისტემური რეგისტრაციის პროექტის ფარგლებში 100-ზე მეტი ადამიანია დასაქმებული, ამასთან ხელი შეეწყო ახალი პროფესიის – ამზომველების პროფესიის ჩამოყალიბებას, რომლებიც სათანადოდ, შენობების აზომვას მაღალი სტანდარტებით მოახდენენ.
ცნობისთვის, მიწის სისტემური რეგისტრაციის პროგრამა სამწლიანი პროექტია, რომელიც1 200 000 ჰა-ს აზომვასა და რეგისტრაციას გულისხმობს.
