მალტა, საამიროები, ავსტრია… – ვაჭრობის დარგის TOP-ინვესტორი ქვეყნები და კომპანიები

2024 წლის II კვარტალში საქართველოში შემოსული 574 მლნ დოლარის პირდაპირი უცხოური ინვესტიციებიდან ვაჭრობის 79.2 მლნ დოლარი ჩაიდო.

დარგში განხორციელებული FDI-ის მოცულობა წლის პირველ ნახევარში შემცირებულია და 94.1 მლნ დოლარს შეადგენს, მაშინ როდესაც 2023 წლის პირველ ექვს თვეში ამ სექტორში 220.5 მლნ დოლარის პირდაპირი უცხოური ინვესტიცია შემოვიდა.

შემცირების მიუხედავად, ვაჭრობა II კვარტალში ეკონომიკის სექტორების რეიტინგში საფინანსო და სადაზღვევო საქმიანობების შემდეგ 13.8%-იანი წილით მეორე ადგილს იკავებს.

BM.GE-მ საქსტატიდან ინვესტორი ქვეყნები გამოითხოვა, საიდანაც აპრილ-ივნისში ვაჭრობის სექტორში ყველაზე მეტი FDI შემოვიდა. TOP-10-ეული ასე გამოიყურება:

1. მალტა – $4.2 მლნ;
2. არაბთა გაერთიანებული საამიროები – $4 მლნ;
3. ავსტრია – $3.8 მლნ;
4. ესტონეთი – $3.6 მლნ;
5. ისრაელი – $2.5 მლნ;
6. თურქეთი – $2.3 მლნ;
7. შვეიცარია – $2.2 მლნ;
8. სომხეთი – $1.9 მლნ;
9. ნიდერლანდები – $1.8 მლნ;
10. ყაზახეთი – $1.5 მლნ;

გარდა ამ ქვეყნებისა, ვაჭრობაში ფული რუსეთიდან, გერმანიიდან, შვედეთიდან, ირანიდან, უკრაინიდან, ლიეტუვიდან და ლატვიიდანაც ჩაიდო.

ინვესტორი კომპანიების TOP-5-ეული კი, სადაც ამ პერიოდში ინვესტიციები განხორციელდა, ასეთია:

• შპს მაჯიდ ალ ფუტაიმ ჰიპერმარკეტს ჯორჯია;
• შპს SKINEST RAIL GEORGIA
• შპს ტოიოტა კავკასია
• შპს ლუკოილ-ჯორჯია
• სს ვისოლ პეტროლიუმ ჯორჯია