ბიზნესის რომელ სექტორებში გაიცემა ყველაზე მეტი სესხი?

ბიზნესის რომელ სექტორებში გაიცემა ყველაზე მეტი სესხი?

საქართველოს ეროვნული ბანკის თანახმად, 2023 წლის ივნისში იურიდიულ პირებზე გაცემული ახალი სესხების ნაკადმა 2.66 მილიარდი ლარი შეადგინა, მათ შორის ყველაზე დიდი მოცულობის – 1.06 მილიარდი ლარის სესხები ვაჭრობის სექტორში გაიცა. ამის მიზეზია, ის რომ ვაჭრობა საქართველოს ეკონომიკის ყველაზე მსხვილი დარგია და მსხვილი სავაჭრო ოპერაციები მუდმივად საჭიროებენ საკრედიტო დაფინანსებას.

მეორე ადგილზე 418 მილიონი ლარით არის სამშენებლო სექტორი, ხოლო მესამე პოზიციას 351 მილიონი ლარის სესხებით მრეწველობის დარგი იკავებს.

სებ-ის სტატისტიკაში აღნიშნული არაა ამ კრედიტების დანიშნულება, შესაბამისად ის სავარაუდოდ როგორც ახალი ოპერაციების დაფინანსებაზე, წარსულში აღებული ვალდებულებების რეფინანსებასა და კომპანიების კაპიტალის გაძლიერებაზე მიიმართა.

ეკონომიკის სექტორები საბანკო დაკრედიტების ნაკადების მიხედვით, 2023 წლის ივნისის მდგომარეობით:

  • ვაჭრობის სექტორი – 1.06 მილიარდი ლარი;
  • მშენებლობა – 418 მილიონი ლარი;
  • მრეწველობა – 351 მილიონი ლარი;
  • ფინანსური შუამავლობა – 283 მილიონი ლარი;
  • ოპერაციები უძრავი ქონებით – 168 მილიონი ლარი;
  • სოფლის მეურნეობა – 126 მილიონი ლარი;
  • სასტუმროები და რესტორნები – 80 მილიონი ლარი;
  • ტრანსპორტი და კავშირგაბმულობა – 72 მილიონი ლარი;
  • ჯანდაცვა – 44 მილიონი ლარი;
  • მომსახურება (აერთიანებს სხვადასხვა სფეროს) – 36 მილიონი ლარი;
  • განათლება – 20.9 მილიონი ლარი.

შესაბამისად, როგორც ანგარიშიდან ჩანს, საბანკო კრედიტები ყველაზე მცირე მოცულობით განათლების სფეროზე გაიცა, სავარაუდოდ ამის მიზეზია ის ფაქტი, რომ ამ სექტორში მოღვაწე ოპერატორების (სკოლების, უნივერსიტეტების და პროფსასწავლებლების) დაფინანსების მთავარი წყარო სახელმწიფო ბიუჯეტი და უშუალოდ მომხმარებელთა მიერ გადახდილი თანხებია, ხოლო საბანკო კრედიტებით გაფართოება ოპერატორების წამყვან პრიორიტეტს არ წარმოადგენს.

მთლიანობაში, 2023 წლის ივნისში საქართველოში საბანკო დაკრედიტება 13.5%-ით გაიზარდა. დაკრედიტების ზრდაში ბიზნესსესხების წილმა 7.4 პროცენტული პუნქტის წვლილი შეასრულა.

მსგავსი სიახლეები

თბილისის აეროპორტში მგზავრთნაკადი 28%-ით, ბათუმის აეროპორტში 34%-ით გაიზარდა (I კვარტალი)

თბილისის აეროპორტში მგზავრთნაკადი 28%-ით, ბათუმის აეროპორტში 34%-ით გაიზარდა (I…

2024 წლის პირველი კვარტალის მონაცემებით, თბილისის საერთაშორისო აეროპორტში მგზავრთნაკადი 28%-იან ზრდას, ხოლო ბათუმის საერთაშორისო აეროპორტში – 34%-იან ზრდას აჩვენებს. როგორც თბილისისა…
მარტში ფულადი გზავნილები 36%-ით შემცირდა – ქვეყნები, საიდანაც ყველაზე მეტი თანხა გადმორიცხეს

მარტში ფულადი გზავნილები 36%-ით შემცირდა – ქვეყნები, საიდანაც ყველაზე…

საქართველოს ეროვნული ბანკის მონაცემებით, 2024 წლის მარტში ქვეყანაში შემოსული ფულადი გზავნილების ნაკადების მოცულობამ 278.5 მლნ აშშ დოლარი (746.8 მლნ ლარი) შეადგინა,…
ირაკლი კობახიძე ჩინეთის დელეგაციას შეხვდა – რაზე ისაუბრეს?

ირაკლი კობახიძე ჩინეთის დელეგაციას შეხვდა – რაზე ისაუბრეს?

საქართველოს პრემიერ-მინისტრი ირაკლი კობახიძე ჩინეთის სახალხო რესპუბლიკის დელეგაციას შეხვდა, რომელსაც მმართველი პარტიის საერთაშორისო ურთიერთობების მინისტრის მოადგილე ჩენ ჭოუ ხელმძღვანელობს. მთავრობის ადმინისტრაციის…