იტალია, საფრანგეთი, გერმანია – რომელ ევროპულ ქვეყანას აქვს ცირკულარული ეკონომიკა ყველაზე განვითარებული?

იტალია, საფრანგეთი, გერმანია – რომელ ევროპულ ქვეყანას აქვს ცირკულარული ეკონომიკა ყველაზე განვითარებული?

“ცირკულარული ეკონომიკის ქსელისა” (CEN) და “ახალი ტექნოლოგიის, ენერგეტიკისა და მდგრადი ეკონომიკური განვითარების ეროვნული სააგენტოს” ახალ კვლევაში ევროკავშირის ხუთი უდიდესი ეკონომიკა განიხილეს და შეადარეს, რომელი ევროპული ქვეყანა ავითარებს მდგრად წარმოებასა და მოხმარებას ყველაზე უკეთ.

კვლევაში განხილული 5 ქვეყნიდან – იტალია, საფრანგეთი, გერმანია, ესპანეთი და პოლონეთი – ყველაზე ეფექტური ცირკულარული ეკონომიკა იტალიას აღმოაჩნდა. ანგარიშის თანახმად, ქვეყნები ხუთი კატეგორიის მიხედვით შეფასდნენ, ესენია:

  1. წარმოება და მოხმარება
  2. ნარჩენების მართვა
  3. მეორეული ნედლეული
  4. კონკურენტუნარიანობა და ინოვაცია
  5. ეკოლოგიური მდგრადობა და გამძლეობა

მიუხედავად იმისა, რომ სხვადასხვა კატეგორიაში ქვეყნებმა ყველაზე მაღალი ქულების მოპოვება შეძლეს, საერთო ჯამში, ხუთივე კატეგორიის შეფასების შეჯამებით, ყველაზე მაღალი – 45 ქულა – იტალიამ მოიპოვა, რომელსაც 38 ქულით გერმანია, 30 ქულით საფრანგეთი, 26-26 ქულით კი პოლონეთი და ესპანეთი მოსდევს. იტალია აღმოჩნდა ქვეყანა, რომელსაც ევროკავშირში ნარჩენების მართვის ყველაზე ეფექტური სისტემა აქვს. ანგარიშის თანახმად, ნარჩენების გადამუშავების მაჩვენებელი 2017-2022 წლებში იტალიაში 3.4%-ით გაიზარდა და 49.2%-ს მიაღწია მაშინ, როდესაც ქვეყნის სამიზნე მაჩვენებელი 50%-ია.

კონკურენტუნარიანობისა და ინოვაციის კატეგორიაში ყველაზე მაღალი შეფასება გერმანიამ მოიპოვა, რომელსაც, კვლევის თანახმად, ცირკულარული ეკონომიკის აქტივობებში ყველაზე მაღალი ინვესტიცია აქვს ჩადებული. 2921 წელს გერმანიაში ამ მიმართულებით 31.5 მილიარდი ევრო დაიხარჯა. ამავე დროს, ცირკულარულ ეკონომიკასთან დაკავშირებულ სამსახურებში გერმანიაში 785 000 ადამიანია დასაქმებული.

ამავე დროს, გერმანიას აქვს ყველაზე მაღალი მაჩვენებელი სათბურის აირების ემისიების მიხედვით, თუმცა მისი სამომხმარებლო ნაკვალევი ყველაზე მცირეა.

კვლევის თანახმად, ბოლო 5 წლის განმავლობაში, იტალიამ, საფრანგეთმა და გერმანიამ სამომხმარებლო ნაკვალევი შეამცირეს, ესპანეთმა და პოლონეთმა კი – გაზარდეს. რაც შეეხება სათბურის აირების ემისიებს, 5 წლის განმავლობაში, გერმანიამ ის 15%-ით, ესპანეთმა – 13%-ით, საფრანგეთმა 8%-ით, იტალიამ და პოლონეთმა კი 1%-ით შეამცირეს.

მსგავსი სიახლეები

მთავრობა მართვის მოწმობისა და იარაღის ლიცენზიის გაცემისთვის ნარკომანიის, ფსიქ. აშლილობის და ალკოჰოლიზმის ბაზას ქმნის

მთავრობა მართვის მოწმობისა და იარაღის ლიცენზიის გაცემისთვის ნარკომანიის, ფსიქ.…

საქართველოს მთავრობა ქვეყანაში მართვის მოწმობებისა და იარაღის ლიცენზიის გაცემისთვის ფსიქიკური ჯანმრთელობის, ალკოჰოლიზმის, ნარკომანიის და ტოქსიკომანიის მქონე პირების ერთიანი ბაზის შექმნას გეგმავს.…
ComCom ფიქსირებული ინტერნეტის კორპორაციულ შეთავაზებებს შეისწავლის – რას მოიცავს კვლევის II ეტაპი?

ComCom ფიქსირებული ინტერნეტის კორპორაციულ შეთავაზებებს შეისწავლის – რას მოიცავს…

კომუნიკაციების კომისიამ (ComCom), ევროკავშირის ექსპერტებთან ერთად, საქართველოს სატელეკომუნიკაციო ბაზრის კომპლექსური კვლევის მეორე ეტაპი დაიწყო. კომისიის ინფორმაციით, კვლევის ერთ-ერთი მთავარი მიმართულება ფიქსირებულ საცალო ბაზარზე,…
იანვარში ინფლაციური მოლოდინები გაიზარდა – ეროვნული ბანკი

იანვარში ინფლაციური მოლოდინები გაიზარდა – ეროვნული ბანკი

ეროვნული ბანკის ინფორმაციით, იანვარში ინფლაციური მოლოდინები გაიზარდა. ცენტრალურმა ბანკმა ინფლაციური მოლოდინებისა და ეკონომიკური აქტივობის შესახებ ეკონომიკური საქმიანობის მონაწილეთა გამოკითხვის იანვრის თვის…