კიდევ რამდენ დოლარს შეისყიდის ეროვნული ბანკი? – მესტვირიშვილის პასუხი

კიდევ რამდენ დოლარს შეისყიდის ეროვნული ბანკი? – მესტვირიშვილის პასუხი

აპრილის განმავლობაში საქართველოს ეროვნულმა ბანკმა უპრეცედენტო მასშტაბის სავალუტო ინტერვენცია განახორციელა და ბაზრიდან $322 მილიონი დოლარი შეისყიდა. 2023 წლის 4 თვის განმავლობაში სავალუტო ინტერვენციების მოცულობა 782.9 მილიონი დოლარი იყო. ინტერვენციების შედეგად, საქართველოს სავალუტო რეზერვების ზომამ 5.2 მილიარდ დოლარს გადააჭარბა.

გააქტიურებულ ინტერვენციებზე განმარტება ეროვნული ბანკის პრეზიდენტის მოვალეობის შემსრულებელმა არჩილ მესტვირიშვილმა გააკეთა. მისი თქმით, საქართველოს სავალუტო რეზერვების მოცულობა ჯერ კიდევ ჩამორჩება IMF-ის მეთოდოლოგიით რეკომენდებულ ზომას, ამიტომ სებ-ი შესყიდვების პოლიტიკას კიდევ გააგრძელებს.

“სავალუტო ფონდის მეტრიკაა, რომელსაც ინვესტორები და სარეიტინგო სააგენტოები უყურებენ. ეს არის ინტეგრირებული მეტრიკა, რომელიც მოიცავს იმპორტის ზომას, ფულის მასას, ექსპორტს და მოკლევადიან ვალს. მათი შეჯერებით მიიღება კომპოზიტური ინდექსი, რომელიც გაცვლითი კურსის რეჟიმის ქვეყნებისთვის სასურველია რომ იყოს 100-დან 150-ის ფარგლებში. 150%-ზე ზემოთ ჩვენ აღარ ვიყიდით რეზერვებს. 2022 წლის შედეგებით ჩვენ ვიყავით 107 პროცენტზე,”- განაცხადა არჩილ მესტვირიშვილმა პარლამენტის საფინანსო-საბიუჯეტო კომიტეტის სხდომაზე.

ეროვნულმა ბანკმა Bmatch პლატფორმით სავალუტო შესყიდვები 2022 წლის მეორე ნახევარში გაზარდა, რაც ქვეყანაში გაზრდილ ფულად შემოდინებებს უკავშირდებოდა. საუბარია გაზრდილ შემოსავალზე ტურიზმიდან, ფულადი გზავნილებიდან, ექსპორტიდან და სხვა წყაროებიდან.

მსგავსი სიახლეები

სამი ძირითადი ფაქტორი, რომელიც ლარს ამყარებს – თიბისი კაპიტალმა მაკროეკონომიკური განახლება გამოაქვეყნა

სამი ძირითადი ფაქტორი, რომელიც ლარს ამყარებს – თიბისი კაპიტალმა…

ლარზე მოქმედი ცვლადების წმინდა ეფექტი გამყარების მიმართულებით უფრო მკაფიო ხდება — ამის შესახებ ნათქვამია თიბისის მთავარი ეკონომისტის უახლეს განახლებაში. როგორც დოკუმენტში…
არის თუ არა უძრავი ქონების ბაზარზე საფასო ბუშტის წარმოქმნის რისკი – სებ-ი შეფასებას აქვეყნებს

არის თუ არა უძრავი ქონების ბაზარზე საფასო ბუშტის წარმოქმნის…

საქართველოს ეროვნულმა ბანკმა ქვეყანაში უძრავი ქონების ფასების ზრდის ფონზე შეაფასა ის თუ რამდენად არსებობს ალბათობა რომ აღნიშნული მატება გადაიზარდოს უძრავი ქონების…
რამ გამოიწვია I კვარტალში სარკინიგზო ტვირთების კლება – Kairos logistics-ის შეფასება

რამ გამოიწვია I კვარტალში სარკინიგზო ტვირთების კლება – Kairos…

2025 წლის პირველ კვარტალში პორტების ტვირთბრუნვა გაიზარდა, რკინიგზის კი შემცირდა. წლის პირველ სამ თვეში საქართველოს ნავსადგურებმა და ტერმინალებმა 3 მლნ 709…