მერია 200 მიწისქვეშა ნაგვის ბუნკერს ყიდულობს – ერთეულის ფასი 50,000 ლარია

მერია 200 მიწისქვეშა ნაგვის ბუნკერს ყიდულობს – ერთეულის ფასი 50,000 ლარია

თბილისის მერიის დაქვემდებარებაში არსებულმა “თბილსერვის ჯგუფმა” ახალი მიწისქვეშა ნაგვის კონტეინერების შესასყიდად 10 მილიონი ლარის ტენდერი გამოაცხადა. სახელმწიფო შესყიდვების სააგენტოს ვეგბერდზე განთავსებული განაცხადის მიხედვით, საუბარია ევროსტანდარტების შესაბამის 200 ერთეულ მიწისქვეშა პლასტმასის კონტეინერსა და მის შესაბამის ბეტონის ბუნკერზე.

შესაბამისად, ერთი კონტეინერის საფასური 50,000 ლარს შეადგენს.

“სამი მეტრ კუბის მოცულობის მიწისქვეშა ნაგავშემკრები კონტეინერი ბეტონის ბუნკერით – 200 ცალი.

მიწისქვეშა ნაგავშემკრები კონტეინერის მიწოდება-მონტაჟი განხორციელდება ეტაპობრივად ხელშეკრულების გაფორმებიდან არაუგვიანეს 260 კალენდარული დღის განმავლობაში. თითოეულ ეტაპზე შემსყიდველის მხრიდან ქვაბულის გადაცემიდან არაუგვიანეს 14 კალენდარულ დღეში,”- ნათქვამია გამოქვეყნებულ განაცხადში.

“თბილისერვის ჯგუფის” მიერ მომზადებულ სატენდერო პირობებში მითითებულია, რომ ტენდერში მონაწილეობისთვის აუცილებელია ბუნკერის მწარმოებელს ევროკავშირში მიწოდებული ჰქონდეს არანაკლებ 2,500 ნაგვის ბუნკერი და მას მინიმუმ 10-წლიანი გამოცდილება უნდა გააჩნდეს მსგავსი ბუნკერების წარმოებაში.

“2016 წლის 01 იანვრიდან მწარმოებელ კომპანიას, საქართველოს ან/და ევროკავშირის წევრს სახელმწიფოებში მიწოდებული უნდა ჰქონდეს არანაკლებ 2500 ერთეული მიწისქვეშა კონტეინერი, აღნიშნულის დასადასტურებლად პრეტენდენტის მიერ წარმოდგენილი უნდა იქნეს სათანადო დოკუმენტაცია, რომელიც დადასტურებული იქნება შემსყიდველის მიერ.

იმ შემთხვევაში, თუ დოკუმენტაცია წარმოდგენილი იქნება უფლებამოსილი ორგანოდან, არ არის აუცილებელი შემსყიდველის მიერ მისი დადასტურება.(დოკუმენტი უნდა შეიცავდეს ინფორმაციას მყიდველის, გაყიდვის თარიღისა და გაყიდული პროდუქციის რაოდენობის შესახებ).

მწარმოებელ კომპანიას უნდა გააჩნდეს არანაკლებ 10 წლიანი გამოცდილება მიწისქვეშა კონტეინერების სისტემების წარმოებაში, აღნიშნულის დასადასტურებლად პრეტენდენტის მიერ წარმოდგენილი უნდა იქნეს სათანადო დოკუმენტაცია.

პლასტმასის კონტეინერი უნდა შეესაბამებოდეს EN13071-1 სტანდარტს. პრეტენდენტმა უნდა წარმოადგინოს სტანდარტთან შესაბამისობის დამადასტურებელი სერტიფიკატი/დოკუმენტი.

უსაფრთხოების პლატფორმა (სისტემა) უნდა შეესაბამებოდეს EN13071-2 სტანდარტს. პრეტენდენტმა უნდა წარმოადგინოს სტანდარტთან შესაბამისობის დამადასტურებელი სერტიფიკატი/დოკუმენტი.

საფეხმავლო ხუფთან დაკავშირებული მეტალის კომპონენტები უნდა იყოს უჟანგავი ფოლადისგან დამზადებული და უნდა აკმაყოფილებდეს EN 1461 სტანდარტებს. პრეტენდენტმა უნდა წარმოადგინოს სტანდარტთან შესაბამისობის დამადასტურებელი სერტიფიკატი/დოკუმენტი,”- ნათქვამია სატენდერო პირობებში..

მსგავსი სიახლეები

საქართველომ ევროპის ბიზნეს ანგელოზთა კონგრესის მასპინძლობისთვის განაცხადი შეიტანა

საქართველომ ევროპის ბიზნეს ანგელოზთა კონგრესის მასპინძლობისთვის განაცხადი შეიტანა

აქსელის, საქართველოს ბიზნეს ანგელოზთა ქსელის ინიციატივით, საქართველომ ევროპის ბიზნეს ანგელოზთა ქსელის (EBAN) კონგრესის მასპინძლობისათვის განაცხადი შეიტანა. ევროპის ბიზნეს ანგელოზთა კონგრესი არის ერთ-ერთი ყველაზე მნიშვნელოვანი საინვესტიციო კონფერენცია ევროპაში, რომელიც…
წელს კავკასიასა და ცენტრ. აზიაში ეკონომიკური ზრდა 3.9%-მდე შენელდება, 2025 წელს 4.8%-მდე დაჩქარდება – IMF

წელს კავკასიასა და ცენტრ. აზიაში ეკონომიკური ზრდა 3.9%-მდე შენელდება,…

საერთაშორისო სავალუტო ფონდმა 2024 წლისთვის ეკონომიკური ზრდის პროგნოზები განაახლა. ორგანიზაციის პროგნოზის მიხედვით, მიმდინარე წელს კავკასიისა და ცენტრალური აზიის რეგიონში ეკონომიკური ზრდა…
ჩინეთი-შუა დერეფანი-იტალია – ერთწლიანი პაუზის შემდეგ საკონტეინერო გადაზიდვები განახლდა

ჩინეთი-შუა დერეფანი-იტალია – ერთწლიანი პაუზის შემდეგ საკონტეინერო გადაზიდვები განახლდა

ჩინეთი-შუა დერეფანი-იტალია – ერთწლიანი პაუზის შემდეგ, “ტრანსკასპიური საერთაშორისო სატრანსპორტო მარშრუტით” საკონტეინერო გადაზიდვები განახლდა. გადაზიდვას სინცზიანიდან ნეაპოლამდე „ტრანსკასპიური საერთაშორისო სატრანსპორტო მარშრუტი“ და…