მიხეილ ხიდურელი – ჩვენი საინვესტიციო პროგრამით, ევროპის უმსხვილესი ლოგისტიკური კომპანია ,,გირტეკა” 400-კაციან საოპერაციო ოფისს საქართველოში განათავსებს

მიხეილ ხიდურელი – ჩვენი საინვესტიციო პროგრამით, ევროპის უმსხვილესი ლოგისტიკური კომპანია ,,გირტეკა” 400-კაციან საოპერაციო ოფისს საქართველოში განათავსებს

პირდაპირი უცხოური ინვესტიციების საგრანტო პროგრამას კიდევ ერთი ახალი ბენეფიციარი ჰყავს – ამჯერად ჩვენი პროგრამით ევროპაში ერთ-ერთი ყველაზე მსხვილი ლოგისტიკური კომპანია „გირტეკა“ ისარგებლებს, რომელიც საოპერაციო ოფისს საქართველოში მთლიანი შემადგენლობით გადმოიტანს, – ამის შესახებ სააგენტოს „აწარმოე საქართველოში“ დირექტორმა მიხეილ ხიდურელმა ლიეტუვურ კომპანია „გირტეკასთან“ FDI გრანტის პროგრამის ფარგლებში გაფორმებული შეთანხმების შემდეგ განაცხადა.

მისი თქმით, პირდაპირი უცხოური ინვესტიციების (FDI) მოსაზიდად დაწყებული საგრანტო პროგრამა მიზნად ისახავს საქართველოში ინვესტირებული თანხის ნაწილის უკან დაბრუნებას.

„რამდენიმე წლის წინ დაწყებული ეს პროგრამა ერთ-ერთი ყველაზე კარგი ინსტრუმენტი გახდა ინვესტორების ყურადღების მოსაზიდად. დღეს უკვე რიგით მეორე, მსხვილ საერთაშორისო კომპანია „გირტეკასთან“ გავაფორმეთ ხელშეკრულება. ლიეტუვური კომპანია უახლოეს წლებში საქართველოში 400-მდე ადამიანის დასაქმებას აპირებს, რაც ნიშნავს, რომ ჩვენს ქვეყანაში კიდევ უფრო მეტი მაღალანაზღაურებადი სამუშაო ადგილი შეიქმნება“, – განაცხადა მიხეილ ხიდურელმა.

მისივე თქმით, FDI გრანტის პროგრამის პირველი ბენეფიციარი, ამერიკული IT კომპანია „ლინეატი“, რომელთანაც შეთანხმება რამდენიმე თვის წინ გაფორმდა, დღეს უკვე 150-ზე მეტ ადამიანს ასაქმებს საქართველოში. მისივე განცხადებით, უხლოეს პერიოდში ამავე პროგრამის ფარგლებში კიდევ ერთ გლობალურ კომპანიასთან იგეგმება შეთანხმების გაფორმება.

მსგავსი სიახლეები

ტვირთების უმეტესობა ჩინეთიდან ელექტრონულ ვაჭრობას უკავშირდება – CAMEX Airlines გაზრდილ საჰაერო გადაზიდვებზე

ტვირთების უმეტესობა ჩინეთიდან ელექტრონულ ვაჭრობას უკავშირდება – CAMEX Airlines…

საქართველოდან საჰაერო გზით გადატვირთული ტვირთების მოცულობა მზარდია. სამოქალაქო ავიაციის სააგენტოს ინფორმაციით, მიმდინარე წლის 4 თვეში საჰაერო გზით გადაზიდული ტვირთების მოცულობამ 10…
აშშ 2025 წელს ტურიზმიდან $12 მილიარდის შემოსავალს დაკარგავს – Bloomberg

აშშ 2025 წელს ტურიზმიდან $12 მილიარდის შემოსავალს დაკარგავს –…

ამერიკის შეერთებული შტატები მიმდინარე წელს ტურიზმიდან $12.5 მილიარდის შემოსავალს დაკარგავს, ვიზიტორთ დანახარჯები კი წლის ბოლომდე $169 მილიარდამდე შემცირდება. შესაბამისად, ვიზიტორთა დანახარჯები…
მინერალური რესურსების სააგენტო გარემოს დაცვის სამინისტროს დაექვემდებარება – პარლამენტმა კანონპროექტი მიიღო

მინერალური რესურსების სააგენტო გარემოს დაცვის სამინისტროს დაექვემდებარება – პარლამენტმა…

ერთპარტიულმა პარლამენტმა მესამე მოსმენით, 79 ხმით მიიღო კანონპროექტი, რომლის თანახმადაც სსიპ მინერალური რესურსების ეროვნული სააგენტო ეკონომიკის სამინისტროს ნაცვლად გარემოს დაცვისა და სოფლის…