“ოცნება” სებ-ის საბჭოს წევრებად ყეინიშვილ-ხომერიკის კანდიდატურების ჯერ ჩაგდების და შემდეგ დამტკიცების მიზეზს განმარტავს

“ოცნება” სებ-ის საბჭოს წევრებად ყეინიშვილ-ხომერიკის კანდიდატურების ჯერ ჩაგდების და შემდეგ დამტკიცების მიზეზს განმარტავს

პარლამენტმა ეროვნული ბანკის საბჭოს წევრებად პრეზიდენტის მიერ წარდგენილი ნანა ყეინიშვილის და თეიმურაზ ხომერიკის კანდიდატურებს მხარი დაუჭირა. სხდომამდე საკითხი განიხილეს საფინანსო საბიუჯეტო და დარგობრივი ეკონომიკის კომიტეტების გაერთიანებულ სხდომაზე, სადაც დღის წესრიგით გათვალისწინებული იყო საქართველოს ეროვნული ბანკის საბჭოს წევრის თანამდებობაზე პრეზიდენტის მიერ წარდგენილი ნანა ყეინიშვილის და თეიმურაზ ხომერიკის კანდიდატურების განხილვა, თუმცა, კანდიდატები კომიტეტის სხდომაზე არ გამოცხადდნენ. რის შემდეგაც კომიტეტებმა მათ კანდიდატურებს მხარი არ დაუჭირეს, თუმცა სესიაზე მმართველი გუნდის პოზიცია შეიცვალა და წარდგენილი კანდიდატები 84 ხმით ეროვნულ ბანკში აირჩიეს.

მომხდარის მიზეზი BMG-სთან საუბარში განმარტა დარგობრივი ეკონომიკის კომიტეტის თავმჯდომარის მოადგილემ ბეჟან წაქაძემ. მისი თქმით, ამ კანდიდატების არჩევა სახელმწიფოებრივი გადაწყვეტილება იყო და მის გარეშე ეროვნული ბანკის უწყვეტ ფუნქციონირებას რისკები შეექმნებოდა.

“კომიტეტზე იყო უარი, რადგან ისინი არ გამოცხადდნენ. თუმცა შემდეგ ჩვენ განვიხილეთ და ქვეყანას ექმნებოდა ვითარება, რომ იქ წევრები აუცილებლად საჭირო იყო. ორ თვეში გადის ვადა საბჭოს წევრების და ჩვენ აუცილებლად უნდა გვეყარა კენჭი. შევჯერდით და მივიღეთ ერთობლივი გადაწყვეტილება.

პრეზიდენტმა მოითხოვა უკან გაწვევა, მაგრამ ამას არ ითვალისწინებს კანონმდებლობა. არ ხდება დღეს წარადგინო და ხვალ გაიწვიო.

რა უნდა გააკეთოს პარლამენტმა – პრეზიდენტი წარადგენს და არ ვამტკიცებთ, გვეუბნებით რატომ არ დაამტკიცეთო? წარადგენს და დავამტკიცეთ გვეუბნებით რატომ დაამტკიცეთო. ეგრე ხომ არ შეიძლება? ქვეყნის მთავარ მარეგულირებელ ფინანსურ ორგანოს ექმნება პრობლემა რომ არ მიგვეღო გადაწყვეტილება საერთოდ ეროვნულ ბანკში არ იქნებოდნენ წევრები, ვერ მიიღებოდა გადაწყვეტილებები. ამიტომ ეს გადაწყვეტილება იყო სახელმწიფოებრივი. ერთად შევჯერდით, კომიტეტში გავიარეთ და მე მგონია, კარგი გადაწყვეტილება მივიღეთ.

ამ კანდიდატებს კომპეტენცია ნამდვილად არ დაეწუნებათ,”- აცხადებს ბეჟან წაქაძე.

გუშინ, 20 სექტემბერს ეროვნული ბანკის სამმა ვიცე-პრეზიდენტმა, პაპუნა ლეჟავამ, არჩილ მესტვირიშვილმა და ნიკოლოზ გაგუამ დატოვეს პოსტები. შესაბამისად, სებ-ში საბჭოს წევრთა რიცხვი 4-მდე შემცირდა. მათ ოფიციალურად უფლებამოსილების ვადა ორ თვეში შეუჩერდებათ. 

მსგავსი სიახლეები

მეოთხედს გაუჭირდა აზრის დალაგებულად გადმოცემა – UNICEF-ის კვლევა საქართველოში სტუდენტების უნარებზე

მეოთხედს გაუჭირდა აზრის დალაგებულად გადმოცემა – UNICEF-ის კვლევა საქართველოში…

UNICEF-ი აქვეყნებს კვლევას საქართველოს ახალგაზრდების უნარებისა და კომპეტენციების შესახებ. საფრანგეთის მთავრობის მხარდაჭერით და სახელმწიფო და კერძო უნივერსიტეტების ბავშვთა უფლებების ცენტრებთან პარტნიორობით,…
„ევროპიდან ჩამოსული ტურისტების რაოდენობა ყოველთვიურად მცირდება“ – როგორ მიმდინარეობს ზაფხულის ტურისტული სეზონი იმერეთში?

„ევროპიდან ჩამოსული ტურისტების რაოდენობა ყოველთვიურად მცირდება“ – როგორ მიმდინარეობს…

ტურისტული კომპანია Travel To Georgia-ს დირექტორის ლაშა ბერეკაშვილის თქმით, ისრაელ-ირანს შორის დასრულებული საომარი მოქმედებების შემდეგ იმერეთში ტურისტების რაოდენობა ახლო აღმოსავლეთის ქვეყნებიდან…
მარაბდა-კარწახის რკინიგზამ 2024 წელს ₾167 მილიონით იზარალა

მარაბდა-კარწახის რკინიგზამ 2024 წელს ₾167 მილიონით იზარალა

მარაბდა-კარწახის რკინიგზამ 2024 წელს 167 მილიონი ლარით იზარალა, ამის შესახებ კომპანიის ფინანსური ანგარიშგებიდან ხდება ცნობილი. ეს 2023 წელს დაფიქსირებულ 29-მილიონიან ზარალზე…