პარლამენტმა „სურსათის დანაკარგების შესახებ“ კანონპროექტი მიიღო – რას გულისხმობს პროექტი?

პარლამენტმა „სურსათის დანაკარგების შესახებ“ კანონპროექტი მიიღო – რას გულისხმობს პროექტი?

პარლამენტმა პირველი მოსმენით განიხილა და 76 ხმით „სურსათის დანაკარგების, მისი ნარჩენების შემცირების და შეწირულობის შესახებ“ კანონპროექტი მიიღო. ინფორმაციას პარლამენტის ადმინისტრაცია ავრცელებს.

პარლამენტის წევრის, ხატია წილოსანის განმარტებით, ახალი საკანონმდებლო ინიციატივით წესრიგდება სურსათის ნარჩენებისა და სურსათის დანაკარგების მართვის ღონისძიებებთან, სურსათის დანაკარგებისა და სურსათის ნარჩენების შემცირებასთან, სურსათის შეწირულობასთან და გადანაწილების პოლიტიკასთან, სახელმწიფო ორგანოების პასუხისმგებლობასთან და სურსათის საქველმოქმედო საქმიანობასთან დაკავშირებული საკითხები.

მისივე თქმით, შემოდის სრულიად ახალი მიდგომები, რაც საქველმოქმედო მიზნებისთვის სურსათის დონაციას და სასურსათო ბანკებისთვის კერძო სექტორის მხრიდან შეწირულობის სახით გადაცემას უკავშირდება. შესაბამისად, შემოდის ახალი ცნება, რომელიც სურსათის ბანკის შექმნას ითვალისწინებს. როგორც მომხსენებელმა აღნიშნა, აქამდე ასეთი კონცეფცია საქართველოში არ ყოფილა.

კანონპროექტის თანახმად, იმისათვის, რომ საქველმოქმედო ორგანიზაციას სურსათით უზრუნველყოფის ბანკის ფუნქცია მიენიჭოს, სურსათის ეროვნული სააგენტოს მიერ ავტორიზაცია დასჭირდება. კანონპროექტით განისაზღვრება იმ სურსათის ჩამონათვალი, რომლის დახლიდან მოხსნა, დონაცია, გადაცემა და მოხმარება არ შექმნის რისკს ადამიანისთვის. ამაში მოიაზრება ისეთი დაბალი რისკის პროდუქტები, როგორიცაა ბურღულეული, ჩაი, ყავა და სხვა.

„აქტიური კომუნიკაცია გვქონდა გაეროს სოფლის მეურნეობის და სურსათის ორგანიზაციასთან, რომელმაც შეისწავლა ქვეყანაში სურსათის ნარჩენების წარმოქმნის, მასთან დაკავშირებული საკითხების მართვის თემები და აღმოჩნდა, რომ დიდი რაოდენობით სურსათი, როგორც მთელ მსოფლიოში, ისე საქართველოში ნარჩენის სახით წარმოიქმნება და ხვდება ნაგავსაყრელზე, მაშინ როდესაც რეალური შესაძლებლობაა, რომ ამგვარი სურსათი მიწოდებული იყოს ადამიანებისთვის, რომელთაც ამის საჭიროებები აქვთ“, – განაცხადა მომხსენებელმა.

მსგავსი სიახლეები

ღვინის ტურიზმი საქართველოში

ღვინის ტურიზმი საქართველოში

ქეთევან ქველაძე – ეკონომიკის დოქტორი, უფროსი მეცნიერთანამშრომელი; ნუნუ ქისტაური – ეკონომიკის დოქტორი, უფროსი მეცნიერთანამშრომელი; მედეა მელაშვილი – მეცნიერთანამშრომელი მსოფლიოში ღვინის ტურიზმი…
კონტროლი უნდა გამკაცრდეს, სამშენებლო მანქანები ქუჩებს არ უნდა აბინძურებდნენ – მერი

კონტროლი უნდა გამკაცრდეს, სამშენებლო მანქანები ქუჩებს არ უნდა აბინძურებდნენ…

სამშენებლო მოედნებიდან გამოსული მანქანები დედაქალაქში ეკოლოგიურ და ინფრასტრუქტურულ პრობლემებს ქმნიან, – ამის შესახებ მთავრობის სხდომაზე მერმა განაცხადა. კახა კალაძე ამბობს, რომ…
საქართველოს რამდენი მოქალაქე დასაქმდა 2023 წელს ლეგალურად გერმანიასა და ისრაელში? – ანგარიში

საქართველოს რამდენი მოქალაქე დასაქმდა 2023 წელს ლეგალურად გერმანიასა და…

ჯანდაცვის სამინისტრომ „დასაქმების პოლიტიკის დაგეგმვისა და განხორციელების 2023 წლის ანგარიში“ წარმოადგინა. ანგარიშის მიხედვით, ლეგალური დასაქმების სახელმწიფო პროგრამით 2023 წელს გერმანიაში 1 193 პილი დასაქმდა,…