საქსტატმა დღეს პირდაპირი უცხოური ინვესტიციების შესახებ ახალი სტატისტიკა გამოაქვეყნა. დოკუმენტის თანახმად, მიმდინარე წლის მესამე კვარტალში საქართველოში 745 მილიონი დოლარის პირდაპირი უცხოური ინვესტიციები შემოვიდა. ეს წინა წელთან შედარებით 99%-ით მეტია.
რაც შეეხება მთლიანად 9 თვის შედეგებს, FDI-ის ზომა $1.67 მილიარდი დოლარი იყო, რაც წინა წელთან შედარებით 101%-ით მეტია.
რაც შეეხება FDI-ის წყაროების მიხედვით, მესამე კვარტალში 745 მილიონი დოლარიდან 446 მილიონი რეინვესტიციებზე მოდიოდა, სააქციო კაპიტალში ინვესტიციები 226 მილიონი დოლარი იყო, ხოლო სავალო ვალდებულებები 72.4 მილიონი დოლარი იყო.
2022 წლის III კვარტალში ყველაზე მეტი პირდაპირი უცხოური ინვესტიცია უძრავ ქონებასთან დაკავშირებული საქმიანობების სექტორში განხორციელდა და 265.3 მლნ. აშშ დოლარი შეადგინა, რაც მთლიანი პირდაპირი უცხოური ინვესტიციების 35.6 პროცენტია. მეორე ადგილს იკავებს საფინანსო და სადაზღვევო საქმიანობების სექტორი – 159.0 მლნ. აშშ დოლარით (21.3 პროცენტი), ხოლო მესამეზე იმყოფება ხელოვნების, გართობის და დასვენების სექტორი 143.2 მლნ. აშშ დოლარით (19.2 პროცენტი).
მესამე კვარტალში ინვესტიციების მხრივ პირველ ადგილზეა ესპანეთი – 165.9 მლნ. აშშ დოლარით, რაც FDI-ის 22.3 პროცენტს შეადგენს, მეორე ადგილზე იმყოფება გაერთიანებული სამეფო – 122.9 მლნ. აშშ დოლარით (16.5 პროცენტი), ხოლო მესამეზე ირლანდია – 120.3 მლნ. აშშ დოლარით (16.1 პროცენტი). 10 უმსხვილესი ინვესტორი ქვეყნების წილი ინვესტიციების მთლიანი მოცულობის 86.5 პროცენტს შეადგენს.
საქართველოდან საჰაერო გზით გადატვირთული ტვირთების მოცულობა მზარდია. სამოქალაქო ავიაციის სააგენტოს ინფორმაციით, მიმდინარე წლის 4 თვეში საჰაერო გზით გადაზიდული ტვირთების მოცულობამ 10…
ამერიკის შეერთებული შტატები მიმდინარე წელს ტურიზმიდან $12.5 მილიარდის შემოსავალს დაკარგავს, ვიზიტორთ დანახარჯები კი წლის ბოლომდე $169 მილიარდამდე შემცირდება. შესაბამისად, ვიზიტორთა დანახარჯები…
ერთპარტიულმა პარლამენტმა მესამე მოსმენით, 79 ხმით მიიღო კანონპროექტი, რომლის თანახმადაც სსიპ მინერალური რესურსების ეროვნული სააგენტო ეკონომიკის სამინისტროს ნაცვლად გარემოს დაცვისა და სოფლის…