საქართველოდან წასული ადამიანები, იაფი მუშახელი ძალიან მნიშვნელოვანია ევროპისათვის – ბეჟან წაქაძე

საქართველოდან წასული ადამიანები, იაფი მუშახელი ძალიან მნიშვნელოვანია ევროპისათვის – ბეჟან წაქაძე

თქვენ წაგვიკითხეთ ეპისტოლე, რომელიც აბსურდი იყო, – ამ სიტყვებით მიმართა საპარლამენტო უმრავლესობის დეპუტატმა ბეჟან წაქაძემ პრეზიდენტის საპარლამენტო მდივანს, გიორგი მსხილაძეს, რომელმაც იურიდიულ საკითხთა კომიტეტის სხდომაზე „რუსულ კანონთან“ დაკავშირებით პრეზიდენტის მოტივირებული შენიშვნები წარადგინა.

ბეჟან წაქაძის თქმით, ესა თუ ის ფონდები ძალიან ეხმარებიან საქართველოს და შემდგომშიც დაეხმარებიან, მაგრამ ისინიც იღებენ სარგებელს, ამიტომ სანქციას ვერ დააწესებენ. „თავის თავს გამოუტანენ სანქციას ეკონომიკის კუთხით. მაგალითად, ბანკებში ჩადებულია 25 მლრდ დოლარი, აქედან 8 არის სახელმწიფოსი, ხოლო 15 – კერძო სტრუქტურების. საერთო ჯამში, 60 მლრდ-ზე მეტია ჩადებული საქართველოში მათი ფული და თავიანთ ფულს ვერ დაუწესებენ სანქციას. 60 მილიარდს ისინი ვაჭრობენ ყოველწლიურად კასპიის ზღვის ქვეყნებიდან, რომელიც საქართველოს გავლით გადის ევროპაში და ამერიკაში. ეს ჯამში იძლევა $600 მილიარდამდე ღირებულების პროდუქციას“, – თქვა წაქაძემ.

რაც შეეხება ვიზალიბერალიზაციას, დეპუტატი ფიქრობს, რომ სანქციები არ იქნება, ვინაიდან ევროპასაც სჭირდება იაფი მუშახელი, რომელიც საქართველოდან ჩავიდა.

„საქართველოდან წასული ადამიანები, იაფი მუშახელი ძალიან მნიშვნელოვანია ევროპისათვის. ეს არც თუ ისე დიდი ფუფუნებაა აქვთ ამის. მე 100%-ით დარწმუნებული ვარ, ყველა ურთიერთობა შენარჩუნდება. დონორებთანაც გაგრძელდება ურთიერთობა და ბანკებთანაც, რომლებიც გვეთანამშრომლებიან და აქედან მოგებას იღებენ. ისეთი გადაკვეთები გვაქვს, ერთმანეთს ვჭირდებით. არ მგონია, რამე სანქციები იყოს. ეს არის ზედმეტი. რაც შეეხება პირადულ სანქციებს, რა თქმა უნდა სასიამოვნო არ არის, მაგრამ სასწორის ერთ მხარეს ისეთი რამ დგას, რომ ამას ალტერნატივა არ აქვს. მშვიდობა ჩვენთვის მთავარია. ჩვენ შუმერების, იბერიელების, ხალიბების გენი და სისხლი გვაქვს, რომელსაც ძალიან უყვარს სამშობლო და ეს არის უძველესი ცივილიზაციის ქვეყანა. დემოკრატია არცერთზე ნაკლებად არ ვიცით. არ დავთმობთ იმას, რაც ჩვენია. ეს კანონი მნიშვნელოვანია, ვეტოს დავძლევთ და გავაგრძელებთ ცხოვრებას ისე როგორც ვცხოვრობდით“, – თქვა წაქაძემ.

მსგავსი სიახლეები

ეროვნული ბანკის ევრო 2024-ის მონეტა ოქროს და ვერცხლის იქნება

ეროვნული ბანკის ევრო 2024-ის მონეტა ოქროს და ვერცხლის იქნება

ფეხბურთში ეროვნული ნაკრების ისტორიული გამარჯვებისა და ევროპის 2024 წლის ჩემპიონატზე თამაშის აღსანიშნავად, საქართველოს ეროვნული ბანკი 5 ლარის ნომინალის საკოლექციო დანიშნულების ოქროსა…
რუსეთის თავდასხმებით უკრაინის ენერგეტიკამ $56 მილიარდის ზარალი მიიღო

რუსეთის თავდასხმებით უკრაინის ენერგეტიკამ $56 მილიარდის ზარალი მიიღო

ბოლო პერიოდის განმავლობაში რუსული სამხედრო ძალების სამიზნე უკრაინის ენერგეტიკული და საკომუნიკაციო ინფრასტრუქტურაა. ამ ეტაპზე, მოსახლეობის მნიშვნელოვან ნაწილს შეზღუდული აქვს ელექტროენერგიის, გაზისა…
დაზღვევა საბანკო სექტორის დანამატი ხდება, გამოსავალი აქტივების ფლობის აკრძალვაა – არჩილ მორჩილაძე

დაზღვევა საბანკო სექტორის დანამატი ხდება, გამოსავალი აქტივების ფლობის აკრძალვაა…

სადაზღვევო კომპანიების ნაწილი კომერციული ბანკებისთვის სადაზღვევო სფეროში აქტივების ფლობის შეზღუდვის ინიციატივის გააქტიურებას გეგმავს. როგორც „საქართველოს სადაზღვევო ჯგუფის“ დამფუძნებელმა BMG-ის განუცხადა, კონკურენციის…