საქართველო დაინტერესებულია ყაზახეთთან ინვესტიციების სფეროში თანამშრომლობით – ღარიბაშვილი

საქართველო დაინტერესებულია ყაზახეთთან ინვესტიციების სფეროში თანამშრომლობით – ღარიბაშვილი

პირისპირ შეხვედრის შემდეგ, საქართველოს პრემიერ-მინისტრმა ირაკლი ღარიბაშვილმა და ყაზახეთის რესპუბლიკის პრემიერ-მინისტრმა ალიხან სმაილოვმა ქვეყნებს შორის თანამშრომლობის დინამიკა გაფართოებულ ფორმატში განიხილეს.

განსახილველ საკითხებს შორის იყო სხვადასხვა სფეროში არსებული ნაყოფიერი თანამშრომლობის მიმართულებები. ხაზი გაესვა ტრანსპორტის, ვაჭრობის, ენერგეტიკისა და ტურიზმის, ასევე კულტურის მიმართულებით ქვეყნებს შორის თანამშრომლობის პოზიტიურ დინამიკას.

როგორც ირაკლი ღარიბაშვილმა აღნიშნა, გასულ წელს ქვეყნებს შორის ორმხრივ ვაჭრობაში 136%-იანი ზრდა დაფიქსირდა და სასიხარულოა, რომ დადებითი ტენდენცია წელსაც გრძელდება, – 2023 წლის იანვარ-აპრილში საქართველოსა და ყაზახეთის რესპუბლიკას შორის სავაჭრო ბრუნვა 283%-ით გაიზარდა და 188 მლნ აშშ დოლარი შეადგინა.

გაფართოებულ შეხვედრაზე მხარეებმა განიხილეს ყაზახეთის რესპუბლიკისა და საქართველოს ბაზრებზე ექსპორტისა და იმპორტის ზრდის პერსპექტივები.

პრემიერ-მინისტრის თქმით, საქართველო დაინტერესებულია ყაზახეთის რესპუბლიკასთან ინვესტიციების სფეროში თანამშრომლობით და მიესალმება ყაზახ ინვესტორებს საქართველოში. აღინიშნა, რომ ჩვენს ქვეყანაში წარმატებით საქმიანობენ გავლენიანი ყაზახური კომპანიები, რომლებიც ბიზნესისთვის შექმნილ ხელსაყრელ პირობებს იყენებენ, რაც, თავის მხრივ, ხელს უწყობს ქვეყნის ეკონომიკურ განვითარებას.

შეხვედრაზე ასევე განიხილეს TRACECA-სა და ტრანსკასპიური საერთაშორისო სატრანსპორტო მარშრუტის პროექტების ფარგლებში არსებული თანამშრომლობის პოზიტიური დინამიკა. როგორც პრემიერ-მინისტრმა აღნიშნა, საქართველო დაინტერესებულია „შუა დერეფნის“ სრულმასშტაბიანი ფუნქციონირებით და მხარს უჭერს საერთაშორისო ფორმატში ზემოაღნიშნული სატრანსპორტო მარშრუტის პოპულარიზაციას.

მხარეებმა იმსჯელეს ასევე საქართველოს სატრანსპორტო ინფრასტრუქტურისა და შავი ზღვის პორტების გავლით ნავთობისა და ნავთობპროდუქტების ტრანსპორტირების გაზრდის და კასპიის ზღვის ბუნებრივი რესურსების ტრანსპორტირების სფეროში თანამშრომლობის პერსპექტივებზე. გამოითქვა ოპტიკურ-ბოჭკოვანი საკომუნიკაციო ხაზებით ევროპის აზიასთან დაკავშირების პროექტის განსახორციელებლად საქართველოსა და ყაზახეთის რესპუბლიკის მთავრობებს შორის ურთიერთობების შემდგომი გაღრმავების მზადყოფნა.

შეხვედრის ბოლოს ხელი მოეწერა საქართველოს ეკონომიკისა და მდგრადი განვითარების სამინისტროსა და ყაზახეთის რესპუბლიკის ენერგეტიკის სამინისტროს შორის ურთიერთგაგების მემორანდუმს და ქართულ და ყაზახურ კომპანიებს შორის შეთანხმებას.

ინფორმაციას მთავრობის ადმინისტრაცია ავრცელებს.

მსგავსი სიახლეები

ტვირთების უმეტესობა ჩინეთიდან ელექტრონულ ვაჭრობას უკავშირდება – CAMEX Airlines გაზრდილ საჰაერო გადაზიდვებზე

ტვირთების უმეტესობა ჩინეთიდან ელექტრონულ ვაჭრობას უკავშირდება – CAMEX Airlines…

საქართველოდან საჰაერო გზით გადატვირთული ტვირთების მოცულობა მზარდია. სამოქალაქო ავიაციის სააგენტოს ინფორმაციით, მიმდინარე წლის 4 თვეში საჰაერო გზით გადაზიდული ტვირთების მოცულობამ 10…
აშშ 2025 წელს ტურიზმიდან $12 მილიარდის შემოსავალს დაკარგავს – Bloomberg

აშშ 2025 წელს ტურიზმიდან $12 მილიარდის შემოსავალს დაკარგავს –…

ამერიკის შეერთებული შტატები მიმდინარე წელს ტურიზმიდან $12.5 მილიარდის შემოსავალს დაკარგავს, ვიზიტორთ დანახარჯები კი წლის ბოლომდე $169 მილიარდამდე შემცირდება. შესაბამისად, ვიზიტორთა დანახარჯები…
მინერალური რესურსების სააგენტო გარემოს დაცვის სამინისტროს დაექვემდებარება – პარლამენტმა კანონპროექტი მიიღო

მინერალური რესურსების სააგენტო გარემოს დაცვის სამინისტროს დაექვემდებარება – პარლამენტმა…

ერთპარტიულმა პარლამენტმა მესამე მოსმენით, 79 ხმით მიიღო კანონპროექტი, რომლის თანახმადაც სსიპ მინერალური რესურსების ეროვნული სააგენტო ეკონომიკის სამინისტროს ნაცვლად გარემოს დაცვისა და სოფლის…