სტატუსის მიღების შემდეგ EU-დან დონორული დაფინანსება შესაძლოა, გაორმაგდეს და €300 მლნ გახდეს – კახა გოგოლაშვილი

სტატუსის მიღების შემდეგ EU-დან დონორული დაფინანსება შესაძლოა, გაორმაგდეს და €300 მლნ გახდეს – კახა გოგოლაშვილი

რას მოუტანს საქართველოს სტატუსი და EU-სთან მოლაპარაკებების გახსნა? ეს არის საკითხი, რომელიც საქართველოში საზოგადოების დიდ ნაწილს აინტერესებს. ევროკომისიის დადებითი რეკომენდაციის შემდეგ წინ ევროსაბჭოს სხდომა და წევრი 27 სახელმწიფოს გადაწყვეტილებაა. სწორედ ევროკავშირის წევრი კანდიდატი ქვეყნის სტატუსის მიღების შემდეგ შეეძლება საქართველოს ევროკავშირთან წევრობაზე მოლაპარაკებები გახსნას.

რონდელის ფონდის მკვლევარ კახა გოგოლაშვილის აზრით, საქართველო სტატუსის მიღების შედეგებს მყისიერად დაინახავს.

„მყისიერად უნდა ველოდოთ, ქვეყნის მიმართ საკრედიტო რეიტინგის აწევას, ინვესტორების მეტად დაინტერესებას საქართველოთი და ამის ხარჯზე დასაქმებას და ეკონომიკურ განვითარებას“,-აცხადებს გოგოლაშვილი.

გარდა იმისა, რომ სტატუსის მიღების შემდეგ ქვეყანას ეხსნება მეტი შესაძლებლობა ინვესტიციების მოსაზიდად, საქართველოს ევროკავშირისგან მეტი ფინანსური დახმარების მიღებაც შეეძლება. გოგოლაშვილის თქმით, ეს არსებული გათვლებით წლის განმავლობაში დაახლოებით 300 მილიონი ევროა, რომელსაც ქვეყანა მხოლოდ გრანტების სახით მიიღებს.

„ჩვენ ისედაც საკმაო დახმარებას ვიღებთ ევროკავშირისგან, მაგრამ ახლა მზადდება ევროკავშირში კონკრეტული რეფორმა, რომლის შედეგადაც სავარაუდოდ, იმ ქვეყნებს, რომლებიც გაწევრიანების გზაზე დგანან და კანდიდატი ქვეყნები არიან, შეიძლება ორჯერ გაეზარდოთ დახმარების მოცულობა. ვთქვათ, თუ ჩვენ დღეს ვიღებთ საშუალოდ გრანტების სახით მარტო 120-150 მილიონ ევრომდე წელიწადში, ეს თანხა გაიზრდება 300 მილიონ ევრომდე და მოხმარდება კონკრეტული რეფორმების გატარებას.

ამას გარდა გაგვეხსნება მეტი შესაძლებლობები ევროპის საინვესტიციო ბანკის კრედიტების მოსაზიდად, უფრო შეღავათიან პირობებზე, ვიდრე აქამდე იძლეოდნენ. ჩვენ მომავალში დაგვჭირდება რა თქმა უნდა, გრძელვადიანი კრედიტები ჩვენი ინფრასტრუქტურის გასაუმჯობესებლად და სწრაფად განსავითარებლად“,-აცხადებს გოგოლაშვილი.

რონდელის ფონდის მკვლევარს მოლოდინი აქვს, რომ დეკემბერში საქართველო ევროკავშირის კანდიდატი ქვეყნის სტატუსს მიიღებს და ქვეყანას შეეძლება ევროკავშირთან მოლაპარაკებების ეტაპზე გადავიდეს. ეს თვისობრივად უკვე სხვა საფეხურია, რა დროსაც გოგოლაშვილის განცხადებით, საქართველოს აქვს შანსი ევროკავშირის რეგიონების განვითარების ფონდიდან სოლიდური დაფინანსება მიიღოს.

„ საუბარია, რომ ევროკავშირში ინტენსიურად იქნეს გამოყენებული რეგიონალური ფონდები იმ ქვეყნებისთვის, რომლებიც გაწევრიანების პროცესში არიან. ასეთი პრაქტიკა არსებობდა EU-ში გაწევრიანების მეხუთე ტალღის დროს, როცა ცენტრალურ და აღმოსავლეთ ევროპის ქვეყნები გაწევრიანდნენ ევროკავშირში. მაშინ იყო რეგიონული თანამშრომლობის პროგრამა. პირდაპირ ევროკავშირის ბიუჯეტიდან, რომელიც განსაზღვრულია ევროკავშირის წევრი ქვეყნებისთვის, იქიდან იღებდნენ ქვეყნები რეგიონების განვითარებისთვის თანხებს და ეს პრაქტიკა შეიძლება განახლდეს და რეგიონული განვითარების ფონდებიდან ასევე მივიღოთ ჩვენ დაფინანსება“,-აცხადებს გოგოლაშვილი.

ის ასევე არ გამორიცხავს კიდევ უფრო გამარტივდეს საქართველოს მოქალაქეების მიმოსვლა ევროპაში.

„შეიძლება საქართველოს მოქალაქეების გადაადგილება ევროკავშირში კიდევ უფრო გამარტივდეს. ახლა გვაქვს 3-თვიანი უვიზო მიმოსვლა. არ არის გამორიცხული, ეს გაიზარდოს მომავალში“,-განაცხადა რონდელის ფონდის მკვლევარმა BM.GE-სთან ინტერვიუში.

მსგავსი სიახლეები

თბილისის აეროპორტში მგზავრთნაკადი 28%-ით, ბათუმის აეროპორტში 34%-ით გაიზარდა (I კვარტალი)

თბილისის აეროპორტში მგზავრთნაკადი 28%-ით, ბათუმის აეროპორტში 34%-ით გაიზარდა (I…

2024 წლის პირველი კვარტალის მონაცემებით, თბილისის საერთაშორისო აეროპორტში მგზავრთნაკადი 28%-იან ზრდას, ხოლო ბათუმის საერთაშორისო აეროპორტში – 34%-იან ზრდას აჩვენებს. როგორც თბილისისა…
მარტში ფულადი გზავნილები 36%-ით შემცირდა – ქვეყნები, საიდანაც ყველაზე მეტი თანხა გადმორიცხეს

მარტში ფულადი გზავნილები 36%-ით შემცირდა – ქვეყნები, საიდანაც ყველაზე…

საქართველოს ეროვნული ბანკის მონაცემებით, 2024 წლის მარტში ქვეყანაში შემოსული ფულადი გზავნილების ნაკადების მოცულობამ 278.5 მლნ აშშ დოლარი (746.8 მლნ ლარი) შეადგინა,…
ირაკლი კობახიძე ჩინეთის დელეგაციას შეხვდა – რაზე ისაუბრეს?

ირაკლი კობახიძე ჩინეთის დელეგაციას შეხვდა – რაზე ისაუბრეს?

საქართველოს პრემიერ-მინისტრი ირაკლი კობახიძე ჩინეთის სახალხო რესპუბლიკის დელეგაციას შეხვდა, რომელსაც მმართველი პარტიის საერთაშორისო ურთიერთობების მინისტრის მოადგილე ჩენ ჭოუ ხელმძღვანელობს. მთავრობის ადმინისტრაციის…