ფოთის პორტი გლობალურ ქსელთან მთავარი დამაკავშირებელი კარიბჭეა – Maersk

ფოთის პორტი გლობალურ ქსელთან მთავარი დამაკავშირებელი კარიბჭეა – Maersk

Maersk-მა, საერთაშორისო ლოგისტიკურმა კომპანიამ, ახალი სატრანსპორტო გადაწყვეტილება მიიღო, რომელიც მნიშვნელოვან მწარმოებელ ქვეყნებს – ამერიკის შეერთებულ შტატებს, შორეულ აღმოსავლეთს, ევროპასა და ცენტრალურ აზიას ერთმანეთთან შეუფერხებლად აკავშირებს. 

კომპანიის ახალი პროდუქტი – გემების და სარკინიგზო ტრანსპორტის საბოლოო ინტერმოდალური გადაწყვეტა, მიზნად ისახავს, გაიზარდოს ტვირთის გადაზიდვის ეფექტურობა, განსაკუთრებით კი სამომხმარებლო პროდუქციის ტრანსპორტირება აზიის მზარდ სამომხმარებლო ბაზარზე. 

ახალი მოდელი განსაკუთრებით ფოკუსირებულია ყაზახეთსა და უზბეკეთზე, შემდეგ კი ეს იქნება საფუძველი ლოგისტიკური შეთავაზებების ისეთ ქვეყნებში როგორიცაა თურქმენეთი, ტაჯიკეთი და ყირგიზეთი. 

Maersk-ის მიერ გავრცელებულ განცხადებაში ნათქვამია, რომ საქართველოს ფოთის პორტი მათთვის გლობალურ ოკეანის ქსელთან მთავარი დამაკავშირებელი კარიბჭეა, რადგან ამ პორტიდან რკინიგზით ტვირთი უპრობლემოდ იგზავნება აზერბაიჯანსა და ბაქოში – შემდეგ კი ბაქოდან კასპიის ზღვის გავლით აქტაუსკენ. ბოლოს კი ტვირთი მის საბოლოო მიმართულებას მიეწოდება, კონკრეტულად ცენტრალურ აზიას ალმათში, ასტანასა და ტაშკენტში. 

შესაბამისად, უწყვეტი და საიმედო ლოგისტიკის უზრუნველსაყოფად, Maersk საქართველოში, აზერბაიჯანში, უზბეკეთსა და ყაზახეთში საიმედო ლოგისტიკური კავშირების მნიშვნელობაზე მიუთითებს. განცხადებაში ნათქვამია ისიც, რომ ეს სტრატეგიული მიდგომა ეფექტიანი და უსაფრთხო მიწოდების შესაძლებლობას იძლევა, რაც თავის მხრივ ამცირებს შეფერხებებს და ზრდის მომხმარებლის კმაყოფილებას. 

“სამხრეთ-აღმოსავლეთ და აღმოსავლეთ აზიის ქვეყნებიდან Maersk უკვე ყოვლისმომცველ სარკინიგზო და ოკეანე-სარკინიგზო ქსელს გთავაზობთ, რათა ევროპის ბაზრები ჩინეთის გავლით ცენტრალური აზიის ქვეყნებთან დააკავშიროს”, – ნათქვამია კომპანიის მიერ გავრცელებულ განცხადებაში. 

შეგახსენებთ, რომ  A.P. Moller – Maersk არის ინტეგრირებული ლოგისტიკური კომპანია, რომელიც თავისი მომხმარებლებისთვის მიწოდების ახალ ქსელებსა და ამ პროცესის გამარტივებაზე მუშაობს. როგორც ლოგისტიკური სერვისების გლობალური ლიდერი, კომპანია 130-ზე მეტ ქვეყანაში მუშაობს.

მსგავსი სიახლეები

მთავრობა მართვის მოწმობისა და იარაღის ლიცენზიის გაცემისთვის ნარკომანიის, ფსიქ. აშლილობის და ალკოჰოლიზმის ბაზას ქმნის

მთავრობა მართვის მოწმობისა და იარაღის ლიცენზიის გაცემისთვის ნარკომანიის, ფსიქ.…

საქართველოს მთავრობა ქვეყანაში მართვის მოწმობებისა და იარაღის ლიცენზიის გაცემისთვის ფსიქიკური ჯანმრთელობის, ალკოჰოლიზმის, ნარკომანიის და ტოქსიკომანიის მქონე პირების ერთიანი ბაზის შექმნას გეგმავს.…
ComCom ფიქსირებული ინტერნეტის კორპორაციულ შეთავაზებებს შეისწავლის – რას მოიცავს კვლევის II ეტაპი?

ComCom ფიქსირებული ინტერნეტის კორპორაციულ შეთავაზებებს შეისწავლის – რას მოიცავს…

კომუნიკაციების კომისიამ (ComCom), ევროკავშირის ექსპერტებთან ერთად, საქართველოს სატელეკომუნიკაციო ბაზრის კომპლექსური კვლევის მეორე ეტაპი დაიწყო. კომისიის ინფორმაციით, კვლევის ერთ-ერთი მთავარი მიმართულება ფიქსირებულ საცალო ბაზარზე,…
იანვარში ინფლაციური მოლოდინები გაიზარდა – ეროვნული ბანკი

იანვარში ინფლაციური მოლოდინები გაიზარდა – ეროვნული ბანკი

ეროვნული ბანკის ინფორმაციით, იანვარში ინფლაციური მოლოდინები გაიზარდა. ცენტრალურმა ბანკმა ინფლაციური მოლოდინებისა და ეკონომიკური აქტივობის შესახებ ეკონომიკური საქმიანობის მონაწილეთა გამოკითხვის იანვრის თვის…