„შესაძლოა Fitch-მა რეიტინგი შეგვიმციროს“ – რა გავლენა შეიძლება მოახდინოს IMF-ის პროგრამის მიმოხილვის გადადებამ?

„შესაძლოა Fitch-მა რეიტინგი შეგვიმციროს“ – რა გავლენა შეიძლება მოახდინოს IMF-ის პროგრამის მიმოხილვის გადადებამ?

ეკონომისტმა, აკაკი ცომაიამ BMGTV-ის გადაცემა „წერტილში“ IMF-ის პროგრამის მიმოხილვის გადადებასთან დაკავშირებით ისაუბრა. მისი თქმით, საერთაშორისო სავალუტო ფონდი ავტორიტეტული საფინანსო ინსტიტუტია, რომლის გადაწყვეტილებამაც შესაძლოა Fitch-ის რეიტინგებზე ნეგატიური გავლენა იქონიოს. 

„საერთაშორისო სავალუტო ფონდის გადაწყვეტილებები გავლენას ახდენს: მსოფლიო ბანკზე; ევროპისა და რეკონსტრუქციის განვითარების ბანკზე; საერთაშორისო საფინანსო სისტემაზე და ზოგადად ქვეყნის მიმართ დამოკიდებულებაზე.

საერთაშორისო სავალუტო ფონდის ასეთი მოქმედება რა თქმა უნდა ნეგატიურ გავლენას მოახდენს ქვეყნის საფინანსო სისტემაზე – შეიძლება იმ მოცემულობის წინაშეც დავდგეთ, Fitch-მა მაგალითად საერთაშორისო რეიტინგი BB-დან შეამციროს BB მინუსამდე – ასეთი შემთხვევები პრაქტიკაში ბევრი ყოფილა”, – განაცხადა ცომაიამ.

მისივე თქმით, IMF-ის პროგრამის მიმოხილვის გადადება გავლენას იქონიებს ინვესტორებზეც, რადგან ისინი გარკვეული ინფორმაციის საფუძველზე ახდენენ ქვეყანაში ინვესტიციის დაბანდებას.

“ეს გადაწყვეტილება გავლენას მოახდენს, მაღალი რეპუტაციის ინვესტორებზეც. ისინი ინფორმაციას ენდობიან და მათ შორის საერთაშორისო ფონდის გადაწყვეტილებები ამ ინფორმაციული სისტემის ერთ-ერთი შემადგენელი კომპონენტია. სავალუტო ფონდი დიდ გავლენას ახდენს ამ აზრის ჩამოყალიბებაში“, – განაცხადა მან.

“საქართველოს ეროვნული ბანკის კანონში ცვლილების შეტანით, აკაკი ცომაია მიიჩნევს, რომ ხელისუფლებამ დაადასტურა, რომ საქართველოს ეროვნული ბანკი დამოუკიდებელი ინსტიტუცია არ არის.

„სავალუტო ფონდშიც გარკვეული იყო, რომ ეს პროგრამა შეიძლება შეჩერებულიყო, თუ პარლამენტი ამ კანონს მიიღებდა – ეს ცნობილი ფაქტი იყო, მაგრამ პარლამენტმა ეს მაინც გააკეთა და ეროვნული ბანკის დამოუკიდებლობის საკითხი ეჭვის ქვეშ დააყენა. საქართველოს ხელისუფლებამ დაადასტურა, რომ ეროვნული ბანკი დამოუკიდებელი ინსტიტუცია არ არის“, – ამბობს იგი.

კითხვაზე, რამდენად შესაძლებელია IMF-ის პროგრამის მიმოხილვის შეჩერება? – იგი შემდეგნაირად პასუხობს:“მოქმედება იწყება გადავადებით და მიდის შეჩერებამდე. გადავადების შემდეგ ხელისუფლებებს აქვთ შანსი, ჩართონ დიპლომატიური მისები და თქვან, რომ გამოასწორეს ან დაარწმუნონ სიმართლეში, რომ ეროვნული ბანკი დამოუკიდებელია და ბანკი ეჭვის ქვეშ არ აყენებს ეროვნული ბანკის დამოუკიდებლობის საკითხს. ეს არის გზა სანამ გადავადებიდან შეჩერებამდე მივალთ“. 


შეგახსენებთ: საერთაშორისო სავალუტო ფონდის (IMF) პროგრამის მეორე მიმოხილვა შეჩერებულია, ამის შესახებ bm.ge-ის ფონდში უთხრეს. მათი ინფორმაციით, პროგრამის მიმოხილვა გადაიდო და ამჟამად საქართველოს ხელისუფლებასთან მოლაპარაკება მიმდინარეობს.

Fitch-ის ინფორმაციით, “სავალუტო ფონდის ბორდის მიერ ფონდის პროგრამის მეორე მიმოხილვა, როგორც ჩანს, გადაიდო, რაც ნაწილობრივ ეროვნული ბანკის მენეჯმენტის სტრუქტურის ცვლილებასთან დაკავშირებით უთანხმოებას უკავშირდება”. IMF-ის მისია ეროვნული ბანკის შესახებ კანონში ცვლილებებს ჯერ კიდევ განხილვის დროს აკრიტიკებდა. “საქართველოს ეროვნული ბანკის კანონში ცვლილების შეტანის მიზნით გადადგმული ბოლოდროინდელი ნაბიჯები, რომელიც ცვლის საქართველოს ეროვნული ბანკის (სებ) მართვის სტრუქტურას, თავდაუზოგავი შრომით მოპოვებული სანდოობის დაკარგვის რისკს ქმნის,”- ნათქვამია საერთაშორისო სავალუტო ფონდის მისიის ხელმძღვანელის, ჯეიმს ჯონის განცხადებაში.

მსგავსი სიახლეები

მინერალური წყლების ექსპორტი ისტორიულ მაქსიმუმზეა – სად ვყიდით წყალს?

მინერალური წყლების ექსპორტი ისტორიულ მაქსიმუმზეა – სად ვყიდით წყალს?

მინერალური და მტკნარი წლების ექსპორტი ისტორიულ მაქსიმუმზეა. ეს სასაქონლო ჯგუფი საქართველოსთვის ერთ-ერთი მთავარი ადგილობრივი წარმოების პროდუქტია, რომელიც წლების განმავლობაში უმსხვილეს საექსპორტო…
II კვარტალში საცხოვრებელი უძრავი ქონება 14.9%-ით გაძვირდა

II კვარტალში საცხოვრებელი უძრავი ქონება 14.9%-ით გაძვირდა

2024 წლის მეორე კვარტალში, წინა კვარტალთან შედარებით საცხოვრებელი უძრავი ქონების ფასების ინდექსი (RPPI) 4.8%-ით გაიზარდა, ხოლო ინდექსის წლიურმა ზრდამ 14.9% შეადგინა.…
რა გავლენა ექნება ჩინურ ავტო ინდუსტრიაზე აშშ-სა და ევროკავშირის მიერ დაწესებულ საიმპორტო ტარიფებს?

რა გავლენა ექნება ჩინურ ავტო ინდუსტრიაზე აშშ-სა და ევროკავშირის…

აშშ-სა და ევროკავშირის მიერ ჩინურ ავტომობილებზე დაწესებულმა ტარიფებმა, შესაძლოა, დიდი ზეგავლენა მოახდინოს ჩინური ავტომობილების ინდუსტრიაზე. ეს ტარიფები მიმართულია არასამართლიანი კონკურენციისა და სუბსიდიების პრობლემების მოსაგვარებლად, რომლებსაც ჩინელი ავტომწარმოებლები იღებენ თავიანთი მთავრობისგან, რაც დასავლეთის ოფიციალური პირების აზრით, ჩინურ კომპანიებს უპირატესობას ანიჭებს გლობალურ ბაზრებზე. აშშ-სა და ევროკავშირის ტარიფები, სავარაუდოდ ,საგრძნობლად გაზრდის ჩინური ავტომობილების ფასს ბაზარზე, რაც გამოიწვევს ჩინელი მწარმოებელის კონკურენტუნარიანობის შემცირებას აშშ-სა და ევროკავშირის ადგლობრივ მწარმობელთან, ისევე როგორც სხვა საერთაშორისო კონკურენტებტან, რომლებიც არ ექვემდებარებიან მსგავს ტარიფებს. ეს გამოიწვევს ჩინური ავტომანქანების ექსპორტის შემცირებას ზემოთ ხსენებულ ბაზრებზე. შეერთებული შტატებში ჩინურ ავტომანქანების წარმოებოას მინიმალური ბაზრის წილი გააჩნიათ სხვა კონკურენტი ქვეყნებისგან განსხვავებით, როგორიცაა მექსიკა, იპონია, კანადა, სამხრეთ კორეა…