შოვში დამონტაჟებული ერთ-ერთი დროებითი ხიდი მდინარემ წაიღო – მინისტრი

შოვში დამონტაჟებული ერთ-ერთი დროებითი ხიდი მდინარემ წაიღო – მინისტრი

ინფრასტრუქტურის მინისტრის, ირაკლი ქარსელაძის განცხადებით, შოვში, სტიქიის ზონაში დამონტაჟებული ერთ-ერთი დროებითი ხიდი მდინარემ წაიღო. როგორც მინისტრმა აღნიშნა, წაღებული ხიდი მდინარიდან ამოიღეს, თუმცა მისი ხელახლა გამოყენება შეუძლებელი იყო და ახალ დროებით ხიდს ამონტაჟებენ.

“მეორე დროებითი ხიდი, რომელიც დავამონტაჟეთ, მდინარემ წაიღო. შესაბამისად, ახლა ვამონტაჟებთ ახალ ხიდს. მანამდე გვქონდა მცდელობა, ამოვიღეთ ის წაღებული ხიდი, შევამოწმეთ, მაგრამ არ ექვემდებარება ხელმეორედ გამოყენებას, შესაბამისად, ახალი გუშინ ახალი ხიდი გადმოვიტანეთ და დღეს, ახლა ვადევნებთ თვალს მონტაჟს და ამ შემთხვევაში ეს ამოცანაც შესრულდება” – განაცხადა ქარსელაძემ.

ამასთან, ირაკლი ქარსელაძემ განაცხადა, რომ სტიქიის ზონაში მომუშავე ტექნიკის რაოდენობა ყოველდღიურად იმატებს, სამაშველო-სამძებრო სამუშაოებში კი ყველაზე დიდ გამოწვევას ის სამუშაო პირობები ქმნის, “რომლებიც უკავშირდება უშუალოდ იმ მასას, მის შემადგენლობას, რომელიც ძალიან რთულად ექვემდებარება დამუშავებას”.

3 აგვისტოს, კურორტ შოვში მეწყერი ჩამოწვა. ადიდებულმა მდინარემ წაიღო სამანქანო ხიდი. 

ოფიციალური ინფორმაციით, ამ დროისთვის, სტიქიის ზონაში 21 ადამიანის ცხედარია ნაპოვნი. 

მსგავსი სიახლეები

სამი ძირითადი ფაქტორი, რომელიც ლარს ამყარებს – თიბისი კაპიტალმა მაკროეკონომიკური განახლება გამოაქვეყნა

სამი ძირითადი ფაქტორი, რომელიც ლარს ამყარებს – თიბისი კაპიტალმა…

ლარზე მოქმედი ცვლადების წმინდა ეფექტი გამყარების მიმართულებით უფრო მკაფიო ხდება — ამის შესახებ ნათქვამია თიბისის მთავარი ეკონომისტის უახლეს განახლებაში. როგორც დოკუმენტში…
არის თუ არა უძრავი ქონების ბაზარზე საფასო ბუშტის წარმოქმნის რისკი – სებ-ი შეფასებას აქვეყნებს

არის თუ არა უძრავი ქონების ბაზარზე საფასო ბუშტის წარმოქმნის…

საქართველოს ეროვნულმა ბანკმა ქვეყანაში უძრავი ქონების ფასების ზრდის ფონზე შეაფასა ის თუ რამდენად არსებობს ალბათობა რომ აღნიშნული მატება გადაიზარდოს უძრავი ქონების…
რამ გამოიწვია I კვარტალში სარკინიგზო ტვირთების კლება – Kairos logistics-ის შეფასება

რამ გამოიწვია I კვარტალში სარკინიგზო ტვირთების კლება – Kairos…

2025 წლის პირველ კვარტალში პორტების ტვირთბრუნვა გაიზარდა, რკინიგზის კი შემცირდა. წლის პირველ სამ თვეში საქართველოს ნავსადგურებმა და ტერმინალებმა 3 მლნ 709…