საერთაშორისო სამეცნიერო კონფერენცია

საერთაშორისო სამეცნიერო კონფერენცია

  • თსუ
  • დეკემბერი 16, 2022
  • 179

2022 წლის 27 ნოემბერს ივანე ჯავახიშვილის სახელობის თბილისის სახელმწიფო
უნივერსიტეტის პირველ კორპუსში გაიმართა თსუ პაატა გუგუშვილის სახელობის
ეკონომიკის ინსტიტუტის მიერ ორგანიზებული პროფესორ გიორგი წერეთლის
დაბადებიდან 70-ე წლისთაავისადმი მიძღვნილი საერთაშორისო სამეცნიერო
კონფერენცია თემაზე:

„ეკონომიკის ინოვაციური განვითარება: მსოფლიო გამოცდილება და პერსპექტივები“

კონფერენციის პლენარული სხდომა გახსნა ინსტიტუტის დირექტორმა, სამეცნიერო
საბჭოს თავმჯდომარემ, ეკონომიკის მეცნიერებათა დოქტორმა, პროფესორმა რამაზ
აბესაძემ.
კონფერენციას მიესალმა ივანე ჯავახიშვილის სახელობის თბილისის სახელმწიფო
უნივერსიტეტის სამეცნიერო კვლევებისა და განვითარების დეპარტამენტის
უფროსი პროფესორი გიორგი ღვედაშვილი და ეკონომიკისა და ბიზნესის
ფაკულტეტის დეკანი, პროფესორი გიორგი ღაღანიძე. მათ დადებითად შეაფასეს
ინსტიტუტის აქტივობები, მიესალმნენ კონფერენციის მონაწილეებს და
წარმატებები უსურვეს მათ. კონფერენციას ასევე მიესალმა ივანე ჯავახიშვილის
სახელობის თბილისის სახელმწიფო უნივერსიტეტის ილია ვეკუას სახელობის
გამოყენებითი მათემატიკის ინსტიტუტის დირექტორი, მათემატიკის მეცნიერებათა
დოქტორი, პროფესორი გიორგი ჯაიანი. პროფესორმა რამაზ აბესაძემ წარმატებები
უსურვა მას და პაატა გუგუშვილის სახელობის ეკონომიკის ინსტიტუტის მედალი
გადასცა.
პროფესორ გიორგი წერეთლის ცხოვრებისა და მოღვაწეობის შესახებ მოხსენება
გააკეთა ინსტიტუტის დირექტორის მოადგილემ, აკადემიურმა დოქტორმა, თეა
ლაზარაშვილმა.
პროფესორი გიორგი წერეთლის შესახებ მოგონებებით გამოვიდა უნივერსიტეტის
პროფესორი, კათედრის ხელმძღვანელი, ელგუჯა მექვაბიშვილი.
კონფერენციას მიესალმნენ, პროფესორი გიორგი წერეთელი გაიხსენეს და
სამეცნიერო მოხსენებით გამოვიდნენ: აკადემიკოსი ვლადიმერ პაპავა და
პროფესორი თემურ შენგელია.
შემდეგ გაიმართა სექციური მუშაობა.
კონფერენციის დასასრულს მოხდა მუშაობის შეჯამება. სექციების მუშაობის
შესახებ ისაუბრეს სექციის ხელმძღვანელებმა, ინსტიტუტის მთავარმა მეცნიერმა
თანამშრომლებმა, პროფესორებმა: ვახტანგ ბურდულმა, გიორგი ბერულავამ,
მურმან კვარაცხელიამ; ეკონომიკის დოქტორებმა: მამუკა ხუსკივაძემ, თეა
ლაზარაშვილმა, ქეთევან ქველაძემ. საბოლოოდ კონფერენციის მუშაობა შეაჯამა

კონფერენციის საორგანიზაციო კომიტეტის თავმჯდომარემ, პროფესორმა რამაზ
აბესაძემ.
კონფერენციის შემდეგ გაიმართა კულტურული ღონისძიება.

ეკონომიკის დოქტორი თეა ლაზარაშვილი

მსგავსი სიახლეები

რუსთაველის გამზირსაც სრულ რეაბილიტაციას ჩავუტარებთ – კალაძე

რუსთაველის გამზირსაც სრულ რეაბილიტაციას ჩავუტარებთ – კალაძე

თბილისის მერმა, კახა კალაძემ დედაქალაქში მიმდინარე და დაგეგმილ ინფრასტრუქტურულ პროექტებზეც ისაუბრა. „მინდა, დედაქალაქის მცხოვრებლებმა იცოდნენ, რომ ყველა პროექტი კეთდება ფუნდამენტურად და…
მთავრობა შემოდგომაზე ახალი საინვესტიციო კანონმდებლობის ინიცირებას გეგმავს

მთავრობა შემოდგომაზე ახალი საინვესტიციო კანონმდებლობის ინიცირებას გეგმავს

საქართველოს მთავრობა მიმდინარე წლის შემოდგომაზე ახალი საინვესტიციო კანონმდებლობის ინიცირებას გეგმავს, მიზანი საინვესტიციო გარემოს გაუმჯობესებაა, – ამის შესახებ საუბარია სამთავრობო პროგრამის შესრულების…
“ახალი საინვესტიციო კანონმდებლობის შექმნაში მინიმალური როლი გვაქვს” – მიხეილ ხიდურელი

“ახალი საინვესტიციო კანონმდებლობის შექმნაში მინიმალური როლი გვაქვს” – მიხეილ…

“ახალი საინვესტიციო კანონმდებლობის შემუშავებაში მინიმალური როლი გვაქვს“, – ამის შესახებ პროგრამის „აწარმოე საქართველოში“ დირექტორმა, მიხეილ ხიდურელმა BMG-ის კითხვის საპასუხოდ განაცხადა. მისი…