საქართველოს მთავრობის ოფიციალურ ვებგვერდზე გამოქვეყნდა პრემიერ-მინისტრ ირაკლი კობახიძის მიერ ხელმოწერილი განკარგულება, რომლის თანახმად, მთავრობამ პოლიტიკის დოკუმენტების 2024 წლის გეგმა შეიმუშავა.
გეგმა სულ 36 დოკუმენტს – სტრატეგიებს, კონცეფციებსა და სამოქმედო გეგმებს მოიცავს, მათ შორისაა:
1. სასაქონლო ბაზრებისა და ვაჭრობის განვითარების 2025-2026 წლების კონცეფცია; 2. საქართველოს 2023-28 წლების კაპიტალის ბაზრის განვითარების სტრატეგიის 2025-2026 წლების სამოქმედო გეგმა; 3. საგზაო უსაფრთხოების 2022-2025 წლების ეროვნული სტრატეგიის 2024-2025 წლების სამოქმედო გეგმა; 4. საქართველოს სახელმწიფო საწარმოთა ყოვლისმომცველი რეფორმის 2023-2026 წლების სტრატეგიის 2025-2026 წლების სამოქმედო გეგმა; 5. ციფრული ჯანდაცვის 2024-2030 წლების სტრატეგია და ამავე სტრატეგიის 2024-2026 წლების სამოქმედო გეგმა; 6. დაბერების საკითხებზე სამოქმედო გეგმა 2024-2025; 7.ქუჩაში მცხოვრები ან/და მომუშავე ბავშვების ყველა სახის ძალადობისგან, მათ შორის ტრეფიკინგისგან დაცვის საქართველოს 2025-2030 წლების სტრატეგია; 8. კონცეფცია ანტიკორუფციული პოლიტიკის განსაზღვრის შესახებ; 9. დეცენტრალიზაციის 2020-2025 წლების სტრატეგიის 2024-2025 წლების სამოქმედო გეგმა; 10. უცხოელთა ინტეგრაციისა და დაბრუნებულ მიგრანტთა რეინტეგრაციის კონცეფცია.
სხვადასხვა დოკუმენტის შემუშავებაში შესაბამისი სამინისტროებია ჩართული.
საქართველოში წლიური ინფლაციის ტემპი დაჩქარდა – საქსტატის თანახმად, აპრილში წლიურმა ინფლაციამ 1.5% შეადგინა, რაც ბოლო რაც ბოლო 11 თვის განმავლობაში ინფლაციის…
პირველი ვიცე-პრემიერი, ეკონომიკის მინისტრი ლევან დავითაშვილი ამბობს, რომ ქვეყნის სატრანსპორტო ქსელი აქტიურად ვითარდება სხვადასხვა პროექტებით. ამის შესახებ დავითაშვილმა აზიის განვითარების ბანკის 57-ე…
ფინანსთა მინისტრი ლაშა ხუციშვილი აცხადებს, რომ ევროპისა და აზიის შეხვედრის წერტილში მყოფი საქართველო გამოირჩევა სტრატეგიული მდებარეობით, რომელიც განვითარებად ბაზრებზე განუმეორებელ წვდომას უზრუნველყოფს.…