ბაგები ქავთარაძის ქუჩას ხიდით და გვირაბით დაუკავშირდება – ტენდერი უახლოეს დღეებში უნდა გამოცხადდეს

ბაგები ქავთარაძის ქუჩას ხიდით და გვირაბით დაუკავშირდება – ტენდერი უახლოეს დღეებში უნდა გამოცხადდეს

დედაქალაქის საცობებისგან განტვირთვის მიზნით, თბილისის მერია ახალ საგზაო-ინფრასტრუქტურულ პროექტზე მუშაობას რამდენიმე დღეში დაასრულებს და ტენდერი გამოცხადდება.

საუბარია პროექტზე, რომლითაც ბაგები საბურთალოს ხიდის, შემდეგ კი, გვირაბის საშუალებით უნდა დაუკავშირდეს.

თბილისის მერის მოადგილე ირაკლი ბენდელიანი ამბობს, რომ ტენდერი უახლოეს მომავალში გამოცხადდება. მშენებლობა კი, დაწყებიდან 6 თვის ვადაში უნდა დასრულდეს.

“იანვრის თვის ბოლოს ხიდი მთლიანად აშენებული იქნება. დარჩება ტექნიკური დეტალები, რომელიც თებერვლის ბოლოს დასრულდება და შემდეგ გადაადგილება ჩვეულებრივად იქნება შესაძლებელი”, – განაცხადა ბენდელიანმა.

bm.ge-ის კითხვაზე, როდის მოხდება ხიდის დაკავშირება ვაჟა-ფშაველასთან, ბენდელიანმა თქვა, რომ პროექტი მზად არის და ტენდერი უახლოეს მომავალში გამოცხადდება.

“ეს ერთ-ერთი პროექტია,რომელსაც წელს ვგეგმავთ. კონკრეტულად საუბარია ხიდზე, რომელიც უნივერსიტეტის ქუჩას დაუკავშირდება და შემდეგ, უკვე მოხდება ახალი სამანქანო გვირაბის გაჭრა და შემდეგ უკვე ბაგებიდან ქავთარაძესა და ვაჟა-ფშაველას მიმართულებით გადაადგილება რამდენიმე წუთში იქნება შესაძლებელი. პროექტი რამდენიმე დღეში ჩაბარებული გვექნება და უახლოეს დღეებში ტენდერი გამოცხადდება. ამის მერე, სამშენებლო სამუშაოები დაიწყება. სამუშაოებს დაწყებიდან 6 თვეში მთლიანად დავამთავრებთ”, – განაცხადა ბენდელიანმა.

შეგახსენებთ, პროექტი ნოემბრის დასაწყისში დედაქალაქის მერმა დააანონსა.

მსგავსი სიახლეები

საქართველომ ევროპის ბიზნეს ანგელოზთა კონგრესის მასპინძლობისთვის განაცხადი შეიტანა

საქართველომ ევროპის ბიზნეს ანგელოზთა კონგრესის მასპინძლობისთვის განაცხადი შეიტანა

აქსელის, საქართველოს ბიზნეს ანგელოზთა ქსელის ინიციატივით, საქართველომ ევროპის ბიზნეს ანგელოზთა ქსელის (EBAN) კონგრესის მასპინძლობისათვის განაცხადი შეიტანა. ევროპის ბიზნეს ანგელოზთა კონგრესი არის ერთ-ერთი ყველაზე მნიშვნელოვანი საინვესტიციო კონფერენცია ევროპაში, რომელიც…
წელს კავკასიასა და ცენტრ. აზიაში ეკონომიკური ზრდა 3.9%-მდე შენელდება, 2025 წელს 4.8%-მდე დაჩქარდება – IMF

წელს კავკასიასა და ცენტრ. აზიაში ეკონომიკური ზრდა 3.9%-მდე შენელდება,…

საერთაშორისო სავალუტო ფონდმა 2024 წლისთვის ეკონომიკური ზრდის პროგნოზები განაახლა. ორგანიზაციის პროგნოზის მიხედვით, მიმდინარე წელს კავკასიისა და ცენტრალური აზიის რეგიონში ეკონომიკური ზრდა…
ჩინეთი-შუა დერეფანი-იტალია – ერთწლიანი პაუზის შემდეგ საკონტეინერო გადაზიდვები განახლდა

ჩინეთი-შუა დერეფანი-იტალია – ერთწლიანი პაუზის შემდეგ საკონტეინერო გადაზიდვები განახლდა

ჩინეთი-შუა დერეფანი-იტალია – ერთწლიანი პაუზის შემდეგ, “ტრანსკასპიური საერთაშორისო სატრანსპორტო მარშრუტით” საკონტეინერო გადაზიდვები განახლდა. გადაზიდვას სინცზიანიდან ნეაპოლამდე „ტრანსკასპიური საერთაშორისო სატრანსპორტო მარშრუტი“ და…