გურიაში 15 ჰექტარზე დაცული ტერიტორია შეიქმნება, რაზეც 767 590 ლარი დაიხარჯება

გურიაში 15 ჰექტარზე დაცული ტერიტორია შეიქმნება, რაზეც 767 590 ლარი დაიხარჯება

საქართველოს პარლამენტში ინიცირებულია კანონპროექტი, რომლის თანახმად, გურიაში დაცული ტერიტორია უნდა შეიქმნას. საქართველოს მთავრობის მიერ ინიცირებული კანონპროექტის განხილვები პარლამენტის საფინანსო-საბიუჯეტო კომიტეტში დღეს დაიწყო.

როგორც კანონპროექტის განმარტებით ბარათში წერია, რომ მისი მიღების შემდეგ ჩოხატაურისა და ოზურგეთის მუნიციპალიტეტის ტერიტორიაზე 15 310 ჰა ფართობს მიენიჭება ეროვნული პარკის სტატუსი და შეიქმნება ახალი დაცული ტერიტორია – გურიის ეროვნული პარკი.

კანონპროექტში ასევე გაწერილია, რომ მისი მიღების შემდეგ უნდა შეიქმნას გურიის ეროვნული პარკის ადმინისტრაცია, სადაც საჭიროა არაუმეტეს 20 საშტატო ერთეული.

ამასთან, კანონპროექტით გათვალისწინებული ვალდებულებების შესრულებისთვის, 2024 წელს სსიპ – დაცული ტერიტორიების სააგენტოსთვის საჭიროა დაახლოებით 767,590 ლარი, საიდანაც ძირითადი ნაწილის 713,590 ლარის დაფინანსება მოხდება სახელმწიფო ბიუჯეტიდან, ხოლო ნაწილის 54,000 ლარის კი სააგენტოს საკუთარი შემოსავლებიდან.

აღნიშნული ასიგნებები გათვალისწინებულია სსიპ – დაცული ტერიტორიების სააგენტოს 2024 წლის საბიუჯეტო განაცხადში და ასახულია საქართველოს გარემოს დაცვისა და სოფლის მეურნეობის სამინისტროს 2024 წლის ბიუჯეტში.

მომდევნო სამ წელიწადში (2025-2027 წწ), ყოველწლიურად სააგენტოსთვის საჭირო იქნება დამატებით არანაკლებ 399,180 ლარი, საიდანაც ნაწილი 327,180 ლარი დაფინანსდება სახელმწიფო ბიუჯეტიდან, ხოლო ნაწილი 72,000 ლარი კი სააგენტოს საკუთარი შემოსავლებიდან.

„1990-1991 წლებში დამუშავდა საქართველოში დაცული ტერიტორიების სივრცითი სტრუქტურის განვითარების პირველი სქემა, რომლის შემუშავებაშიც მონაწილეობას იღებდნენ ქართველი და გერმანელი ექსპერტები. აღნიშნული სქემის ფარგლებში განისაზღვრა საქართველოს შემდეგ რეგიონებში ეროვნული პარკების შექმნა: კოლხეთის დაბლობი, ცენტრალური კავკასიონი, ფშავ-ხევსურეთ-თუშეთი, მთიანი კახეთი, ივრის ზეგანი, ბორჯომი და აჭარა-გურია-იმერეთი.

დღეის მდგომარეობით, დაარსებულია ბორჯომ-ხარაგაულის ეროვნული პარკი, კოლხეთის ეროვნული პარკი, ფშავ-ხევსურეთის ეროვნული პარკი, თუშეთის ეროვნული პარკი, ვაშლოვანის ეროვნული პარკი, მტირალას ეროვნული პარკი, მაჭახელას ეროვნული პარკი, რაჭის ეროვნული პარკი და ერუშეთის ეროვნული პარკი. აღნიშნული სქემის გათვალისწინებით, დარჩენილია გურიის ეროვნული პარკის დაარსება გურიის რეგიონში“, – წერია კანონპროექტის განმარტებით ბარათში. კანონპროექტზე მომხსენებლად გარემოს დაცვის მინისტრის მოადგილე ნინო თანდილაშვილია დანიშნული.

კანონი დამტკიცების შემდეგ ძალაში 2024 წლის 1-ელი ივლისიდან უნდა შევიდეს.

მსგავსი სიახლეები

ლაშა ხუციშვილი და ნათია თურნავა IMF-ის დირექტორის მოადგილეს შეხვდნენ

ლაშა ხუციშვილი და ნათია თურნავა IMF-ის დირექტორის მოადგილეს შეხვდნენ

ფინანსთა მინისტრმა ლაშა ხუციშვილმა და ეროვნული ბანკის პრეზიდენტის მოვალეობის შემსრულებელმა ნათია თურნავამ IMF-ის მმართველი დირექტორის მოადგილესთან, ბო ლისთან გამართეს შეხვედრა. მხარეთა…
ევროპის ცენტრალური ბანკი განაკვეთს მალე შეამცირებს – ლაგარდი

ევროპის ცენტრალური ბანკი განაკვეთს მალე შეამცირებს – ლაგარდი

ევროპის ცენტრალური ბანკის ხელმძღვანელის, კრისტინ ლაგარდის განცხადებით, უწყება რეფინანსირების განაკვეთს უახლოეს მომავალში შეამცირებს. მართალია, ბანკირს ზუსტი თარიღი არ დაუსახელებია, თუმცა ექსპერტები…
თბილისის ენერგომოხმარება იზრდება – “თელასი” ანგარიშს აქვეყნებს

თბილისის ენერგომოხმარება იზრდება – “თელასი” ანგარიშს აქვეყნებს

კომპანია „თელასმა“ 2024 წლის პირველი კვარტალის ოპერაციული მაჩვენებლები გამოაქვეყნა. ანგარიშის მიხედვით, თბილისის აბონენტების მიერ მოხმარებული ელექტროენერგია წლიურად 5.5%-ით არის გაზრდილი. ასევე…