დეკემბერში სავალუტო რეზერვები 119 მილიონი დოლარით შემცირდა

დეკემბერში სავალუტო რეზერვები 119 მილიონი დოლარით შემცირდა

2023 წლის დეკემბერში საქართველოს სავალუტო რეზერვები 119 მილიონი დოლარით, 5 მილიარდ დოლარამდე შემცირდა – ამის შესახებ სებ-ის მიერ გამოქვეყნებული ანგარიშიდან ირკვევა. დოკუმენტის თანახმად, 2023 წლის ივლისთან შედარებით რეზერვების მოცულობა 433 მილიონი დოლარით არის შემცირებული.

მსოფლიო ბანკის მიერ გამოქვეყნებული მიმოხილვის თანახმად, რეზერვების შემცირება სებ-ის მიერ ბანკებისთვის მინიმალური სარეზერვო მოთხოვნების შემცირებას უკავშირდებოდა.

საქმე ისაა, რომ საქართველოს სავალუტო რეზერვები სხვადასხვა კომპონენტისგან შედება, მათ შორისაა კომერციული ბანკების მიერ სებ-ში დაცული მინიმალური სარეზერვო ანგარიშები უცხოური ვალუტის დეპოზიტებისთვის. თუკი აქამდე ამ მოთხოვნის ზედა ზღვარი ერთ წლამდე ვადით მოზიდული სავალუტო აქტივების 25% იყო, ის 20%-მდე შემცირდა. შესაბამისად, ამან საბანკო სექტორს დამატებითი ფინანსური რესურსები გამოუთავისუფლა.

“კლება განპირობებული იყო დეკემბრის დასაწყისში მინიმალური სარეზერვო მოთხოვნების შემცირებით, რაც საბანკო ლიკვიდობის ზრდას ისახავდა მიზნად,”- ნათქვამია მსოფლიო ბანკის ყოველთვიურ მიმოხილვაში.

2023 წლის პირველი ნახევრის განმავლობაში ეროვნული ბანკი სავალუტო რეზერვების აქტიურად შესყიდვით იყო დაკავებული. წელს ეროვნულმა ბანკმა Bmatch პლატფორმის მეშვეობით 1.47 მილიარდი დოლარი ამოიღო, მათ შორის ყველაზე მსხვილი $322-მილიონიანი შესყიდვა აპრილში განახორციელა.

მესამე კვარტლის ბოლოდან კი რეზერვების შესყიდვის პოლიტიკა შერბილდა, რაც საქართველოში უცხოეთიდან (ძირითადად რუსეთიდან) კაპიტალის შემოდინების კლებას უკავშირდებოდა. მაგალითად, აგვისტოში შესყიდვები 110 მილიონი დოლარი იყო, სექტემბერში, მხოლოდ 8.4 მილიონი დოლარი, ოქტომბერში კი პირიქით, Bmatch-ის გამოყენებით 13 მილიონი გაიყიდა, ასევე 15 მილიონი გაყიდა სებ-მა ნოემბერშიც.

მსგავსი სიახლეები

ილია და დღევანდელობა

ილია და დღევანდელობა

ეკონომიკურ მეცნიერებათა დოქტორი, პროფესორი. ივ.ჯავახიშვილის სახ. თსუ-ს პ.გუგუშვილის სახ. ეკონომიკის ინსტიტუტის მთავარი მეცნიერმუშაკი. ილია ჭავჭავაძე, საქართველოს ისტორიის მეორე სვეტად წოდებული „ქართული…
2024 წლის I კვარტალში უმუშევრობის დონე შემცირდა

2024 წლის I კვარტალში უმუშევრობის დონე შემცირდა

2024 წლის I კვარტალში საქართველოში უმუშევრობის დონე წინა წლის შესაბამის პერიოდთან შედარებით 4.0 პროცენტული პუნქტით შემცირდა და 14% შეადგინა. სტატისტიკის ეროვნული…
საპენსიო სააგენტოს აქტივებმა 5 მილიარდს გადააჭარბა

საპენსიო სააგენტოს აქტივებმა 5 მილიარდს გადააჭარბა

საქართველოს საპენსიო სააგენტოს ატქივებმა დღეს 5 მილიარდ ლარს გადააჭარბა. ეს თანხა წარმოადგენს 1.3 მილიონი ადამიანის საპენსიო დანაზოგს, რაც ერთ მონაწილეზე საშუალოდ…