“ვაგრძელებთ საქართველოს, როგორც ლოგისტიკური ჰაბის განვითარებისთვის ხელშეწყობას” – დანიგანი

“ვაგრძელებთ საქართველოს, როგორც ლოგისტიკური ჰაბის განვითარებისთვის ხელშეწყობას” – დანიგანი

საქართველოში ამერიკის შეერთებული შტატების ელჩი, რობინ დანიგანი აცხადებს, რომ აშშ საქართველოს, როგორც ლოგისტიკური ჰაბის განვითარების ხელშეწყობას აგრძელებს. ამის შესახებ მან პარლამენტში, საგარეო ურთიერთობების კომიტეტის სხდომაზე საქართველო-ამერიკის სტრატეგიული პარტნიორობის ძირითად ასპექტებსა და აშშ-ის საგარეო პოლიტიკაზე საუბრისას განაცხადა. დიპლომატმა აღნიშნა, რომ საქართველო “შუა დერეფანში” ერთ-ერთი მნიშვნელოვანი რგოლია და ამიტომ DFC-მ ფოთის პორტში $50 მლნ-იანი ინვესტიცია ჩადო.

“ჩვენი ეკონომიკური კავშირების გაძლიერებაზე საუბრისას უნდა აღვნიშნო, რომ აშშ მხარს უჭერს საქართველოს უმნიშვნელოვანეს როლს “შუა დერეფანში”, სწორედ ამიტომ, საერთაშორისო განვითარების ფინანსურმა კორპორაციამ (DFC-მ), შავ ზღვაში ფოთის პორტის განვითარებისთვის 50 მილიონი დოლარი გამოყო, რამაც გაზარდა საქართველოს, როგორც ცენტრალური აზიისა და ევროპის დამაკავშირებელი ჯაჭვის, გამტარუნარიანობა. ჩვენ საქართველოს, როგორც ლოგისტიკური ჰაბის, განვითარებისთვის ხელშეწყობას გავაგრძელებთ”, – განაცხადა რობინ დანიგანმა.

ცნობისთვის, ახალი საზღვაო ნავსადგური ფოთში 2022 წლის დასაწყისში გაიხსნა. იგი საქართველოს საზღვაო სექტორში ერთ-ერთი ყველაზე მასშტაბური პროექტია, რომლის ღირებულებაც 120 მილიონ დოლარს აღწევდა, საიდანაც 50 მილიონი დოლარი აშშ-ის საერთაშორისო განვითარების ფინანსურმა კორპორაციამ დააფინანსა, რაც DFC-ის მიერ რეგიონში გამოყოფილი ყველაზე დიდი ინვესტიციაა.

მსგავსი სიახლეები

ლაშა ხუციშვილი და ნათია თურნავა IMF-ის დირექტორის მოადგილეს შეხვდნენ

ლაშა ხუციშვილი და ნათია თურნავა IMF-ის დირექტორის მოადგილეს შეხვდნენ

ფინანსთა მინისტრმა ლაშა ხუციშვილმა და ეროვნული ბანკის პრეზიდენტის მოვალეობის შემსრულებელმა ნათია თურნავამ IMF-ის მმართველი დირექტორის მოადგილესთან, ბო ლისთან გამართეს შეხვედრა. მხარეთა…
ევროპის ცენტრალური ბანკი განაკვეთს მალე შეამცირებს – ლაგარდი

ევროპის ცენტრალური ბანკი განაკვეთს მალე შეამცირებს – ლაგარდი

ევროპის ცენტრალური ბანკის ხელმძღვანელის, კრისტინ ლაგარდის განცხადებით, უწყება რეფინანსირების განაკვეთს უახლოეს მომავალში შეამცირებს. მართალია, ბანკირს ზუსტი თარიღი არ დაუსახელებია, თუმცა ექსპერტები…
თბილისის ენერგომოხმარება იზრდება – “თელასი” ანგარიშს აქვეყნებს

თბილისის ენერგომოხმარება იზრდება – “თელასი” ანგარიშს აქვეყნებს

კომპანია „თელასმა“ 2024 წლის პირველი კვარტალის ოპერაციული მაჩვენებლები გამოაქვეყნა. ანგარიშის მიხედვით, თბილისის აბონენტების მიერ მოხმარებული ელექტროენერგია წლიურად 5.5%-ით არის გაზრდილი. ასევე…