მესამე პირის პასუხისმგებლობის დაზღვევის კანონპროექტი მთავრობას სავარაუდოდ, 2-3 კვირაში წარედგინება

მესამე პირის პასუხისმგებლობის დაზღვევის კანონპროექტი მთავრობას სავარაუდოდ, 2-3 კვირაში წარედგინება

ეკონომიკისა და მდგრადი განვითარების მინისტრის მოადგილე, ირაკლი ნადარეიშვილის განცხადებით, მესამე პირის პასუხისმგებლობის დაზღვევის შესახებ კანონპროექტი მთავრობას სავარაუდოდ, 2-3 კვირაში წარედგინება.

ნადარეიშვილი არ გამორიცხავს, რომ კანონპროექტი მიმდინარე წელს, საგაზაფხულო სესიაზე დამტკიცდეს.

„საქართველოს მთავრობისთვის დაზღვევა წარმოადგენს გამორჩეულ პრიორიტეტს. გასული წელი იყო მნიშვნელოვანი იმ თვალსაზრისით, რომ საქართველოს მთავრობამ სადაზღვევო სფეროს ესტონური მოდელით დაბეგვრის გადაწყვეტილება მიიღო. ეკონომიკის სამინისტრომ პარლამენტს წარუდგინა კანონის პროექტი კერძო საპენსიო შენატანების შესახებ. ეს არის მოდელი, რომელიც მთლიანად აწყობილია სადაზღვევო პრინციპებზე და აქ მოთამაშეები იქნებიან სადაზღვევო კომპანიები.

ბოლო პერიოდში ეკონომიკის სამინისტრო, ზედამხედველობის სამსახური და ინდუსტრია აქტიურად ვმუშაობთ ავტომფლობელთა პასუხისმგებლობის სავალდებულო დაზღვევაზე, რომელიც უახლოეს მომავალში წარედგინება პარლამენტს განსახილველად. დეტალების დამუშავება თითქმის ბოლოშია გასული. უკვე არის დრაფტი, 2-3 კვირის განმავლობაში წარედგინება მთავრობას და მერე პარლამენტს. ვფიქრობთ, ამ კანონის მიღება მიმდინარე წლის საგაზაფხულო სესიაზე მოხდება“, – თქვა ნადარეიშვილმა.

სადაზღვევო სექტორი „ავტომფლობელთა მესამე პირის პასუხისმგებლობის სავალდებულო დაზღვევის“ შესახებ კანონის მიღებას უკვე რამდენიმე წელია ელის. პარლამენტში კანონპროექტი ჯერ კიდევ 2018 წელს დარეგისტრირდა, თუმცა მისი განხილვა შეჩერდა. ეკონომიკის მინისტრმა ლევან დავითაშვილმა თქვა, რომ ეს ევროკავშირთან ასოცირების შესახებ ხელშეკრულების ფარგლებში აუცილებლად შესასრულებელი მოთხოვნაა.

უცნობია, რა იცვლება კანონპროექტის პირვანდელ ვერსიასთან შედარებით. კანონპროექტის პირვანდელი ვერსიის მიხედვით კი, სადაზღვევო პრემიის მოცულობა ტრანსპორტის კატეგორიების მიხედვით განსხვავებული იყო. მაგალითად, მსუბუქი ავტომობილის შემთხვევაში წლიური მაქსიმალური სადაზღვევო პრემია, რისი გადახდაც მოქალაქეებს სავალდებულო წესით მოუწევდათ, მაქსიმუმ 150 ლარით იყო განსაზღვრული.

მსგავსი სიახლეები

საქართველომ ევროპის ბიზნეს ანგელოზთა კონგრესის მასპინძლობისთვის განაცხადი შეიტანა

საქართველომ ევროპის ბიზნეს ანგელოზთა კონგრესის მასპინძლობისთვის განაცხადი შეიტანა

აქსელის, საქართველოს ბიზნეს ანგელოზთა ქსელის ინიციატივით, საქართველომ ევროპის ბიზნეს ანგელოზთა ქსელის (EBAN) კონგრესის მასპინძლობისათვის განაცხადი შეიტანა. ევროპის ბიზნეს ანგელოზთა კონგრესი არის ერთ-ერთი ყველაზე მნიშვნელოვანი საინვესტიციო კონფერენცია ევროპაში, რომელიც…
წელს კავკასიასა და ცენტრ. აზიაში ეკონომიკური ზრდა 3.9%-მდე შენელდება, 2025 წელს 4.8%-მდე დაჩქარდება – IMF

წელს კავკასიასა და ცენტრ. აზიაში ეკონომიკური ზრდა 3.9%-მდე შენელდება,…

საერთაშორისო სავალუტო ფონდმა 2024 წლისთვის ეკონომიკური ზრდის პროგნოზები განაახლა. ორგანიზაციის პროგნოზის მიხედვით, მიმდინარე წელს კავკასიისა და ცენტრალური აზიის რეგიონში ეკონომიკური ზრდა…
ჩინეთი-შუა დერეფანი-იტალია – ერთწლიანი პაუზის შემდეგ საკონტეინერო გადაზიდვები განახლდა

ჩინეთი-შუა დერეფანი-იტალია – ერთწლიანი პაუზის შემდეგ საკონტეინერო გადაზიდვები განახლდა

ჩინეთი-შუა დერეფანი-იტალია – ერთწლიანი პაუზის შემდეგ, “ტრანსკასპიური საერთაშორისო სატრანსპორტო მარშრუტით” საკონტეინერო გადაზიდვები განახლდა. გადაზიდვას სინცზიანიდან ნეაპოლამდე „ტრანსკასპიური საერთაშორისო სატრანსპორტო მარშრუტი“ და…